Khaw tin 6h30 harei 2/11/2015 

# MBan bangsa tỉnh Ninh Thuận barau peih tan pasram ka 60 urang hu angan je dalam bhapbini bangsa takik thun 2015. Tan pasram piah veih glaong labik dang hadah trah di dom urang hu angan je dalam bhapbini bangsa takik, taphia nan daong urang hu angan je dalam bhapbini bangsa takik thau cambaih jalan adat, sarak di Đảng, adat hukum di karja piah pathau khan jak ba mikva ngak tui saim, rik daong gam saong puk palei khik siam bruk jum pataom bangsa di puk palei.

#  Ủy ban Mặt trận negar Việt Nam tỉnh Đồng Tháp pambuak bruk saong dom gah chức năng dalam tỉnh barau peih bruk iek ruak saong brei jru saoh ka urang kathaot di tỉnh Pô-thi Xát (Pothi  Sat), Negar Campuchia. Labik peih bruk iek ruak hu karja pilih ruah ngak labik tabiak bruk nan lac sang bac pakat sa Prây Nhi (Pray Nhi), di phường Prây Nhi, ban sit Pô-thi Xát (Pothi Sat), tỉnh Pô-thi Xát. Puac var iek ruak, mban peh bruk hu iek ruak saong brei jru saoh ka labaih 600 urang ruak kathaot di puk palei .   

 # Sở Công thương Tây Ninh gam saong uy mban bhapbini huyện Tân Biên saong pasak roh duah pablei salih saong daong doanh nghiệp (BSA) ban raya Hồ Chí Minh peih danakdak mbang darak pandap Việt mai palei pala di mblang bein huyện Tân Biên. Ini lac bruk ngak ndih dalam dnakdak ngak tui bruk jak ba urang Việt Nam dahlau di abih njauk pandar pandap Việt Nam, daong ka urang nong palei pala mbuan hu blei pandap Việt Nam chất lượng siam, mẫu mã mekre, yaom mbiah, rik daong tani tanat yaom di darak pasal . 

# Kapul Liên hiệp urang kumei saong kapul Liên hiệp dam dara ban raya Hồ Chí Minh pambuak gauk peih bruk pok meyaom 120 kreih camin hadah trah “ urang nek daok dang dhar phuan” mbang yaka 8. Mbang pok meyaom thun ini, mban peih bruk daok hu daong ka dom greih camin kan kandah yau alin sổ patak pataom, brei jien padang sang daok, alin jien bac…saong yaom jien bih tih 57 triệu đồng. Saai Cao Tú Duyên, hu pok meyaom kayua ngak siam bruk ngak metau, pasang iek amaik pasang labaih 20 thun tapa brei thau :“Yaok urang njauk ngak siam jalan ngak anek. Ngak hagaiy jeng tabiak meng baoh hatai. Amaik pasang yau ye amaik hatian, ieu lac amaik ye drei njauk pasang iek abih hatai. Ngak yau nan piah ngak greih camin ka anek bhik harei hadei megru tui.

 # Mintri Quốc phòng Hàn Quốc brei thau, Hàn Quốc saong Mỹ daok kuhria peih nyaom biai quốc phòng yaok thun pakat glaong abih di harei 2 bilan  11 di ban ine Xơ-un (Seoul). Di nyaom biai mbang ini, dua gah ginum biai ka danakdak hạt nhân saong tên lửa di Cộng hòa dân chủ bhapbini Triều Tiên, điều kiện saong tukvak jao brei quyền chỉ huy bruk mesruh meng gah Mỹ tapa gah Hàn Quốc, bruk pambauk gauk gah an ninh mạng, jeng ye khik caga hòa bình, tani tanat di pulao kaoh Triều Tiên saong bhum Châu Á – Thái Bình Dương.

/ Kapul urang gut saman mesruh metak tỉnh Vĩnh Long barau peih melam daoh tamia padang kadung jien daong ka urang hội gaok kan kandah. Urak ini, dom urang hội daok lac thương binh, bệnh binh, umo taha, takik pren yava gaok kan kandah, ruak kik gam gam. Melam daoh tamia piah padang kadung jien daong ka dom urang hội yam tapa kan kandah dalam rai diuk; padang kadung jien brei kapul nao rivang urang ruak, alin hadiah pandap ka dom urang hội dalam tuk ruak kik, pandik harao. Tapa nan, brei mboh talei rohim anih ranam gauk di dom ayut sahabat meng saman mesruh metak tal rai diuk urak ini.

/ Harei pataom pakacah palei pala barau ngan saong kadha “palei pala barau – trách nhiệm saong sáng tạo” barau peih tabiak di dom huyện: Thống Nhất, Long Thành, Nhơn Trạch, Vĩnh Cửu saong Cẩm Mỹ. Harei pataom pakacah kayua tỉnh đoàn – jabat điều phối danak dak palei pala barau tỉnh Đồng Nai peih tabiak piah duah thau ka danak dak padang ngak palei pala barau saong dom jalan padang ngak palei pala barau hu kein laba di dom huyện dalam tỉnh ngan saong 4 kadha: eng drei yaih khan, pasang iek kiến thức, langyah bruk, thuyết trình ka dom jalan padang ngak palei pala barau di puk palei drei.

Patui di ini dom khau tin dunya:

/ Liên Minh châu Âu hu brei gilac 5,9 triệu euro (jaik 6,51 triệu USD) ka Hy Lạp, daong taneh ia ini pajeng ba urang tị nạn meng pulao Đông Aegean tal baoh taneh. Ini lac yaom jien pabak daong ka Hy Lạp peih bruk panduan ba urang tị nạn tabiak truh labik pandiak tui bruk ba tabiak.

/ Labaih 200 sinh viên mai meng dom sang bac  đại học dalam negar hu mbaok tame pakacah “Marketing Challengers 2015”  kayua sang bac đại học RMT VN di ban raya HCM peih tabiak. Bruk ngak di mbang pakacah nan lac daong ka dom ayut sinh viên daok bac atau takre marketing hu labik brei mboh tài năng, bac megru ilamu saong cọ sát thực tế. Dom sinh viên brei tapa 3 vòng thử thách rah tabiak meng ini tal harei 24 bilan 12. Abih tih giải thưởng nan lac 85 triệu đồng gam saong tukvak thực tập di dom công ty dang akaok dalam gah sản xuất saong peih bruk yau Dentsu, Square Group saong Yeah1.

/ Bhap bini di ban sit Sang-la saong Min-gô-ra gah brak Pakixtan daok kurang pandap mbang, ia menyum hadei di tuk yaok rituh baoh sang di urang tayah tayac kayua mbang megei baoh taneh harei 26/10 meng bloh. Urak ini yaok ribau bhap bini di dua ban sit angaok nan jeng daok ndih langiu langik la-ar saong mbiah tal ini urang jeng oh ka taduan hu bruk daong halei di rajaei./.