# Page harei 21/4, Diễn đàn pambuak bruk patagok bhum Tam giác cakrok  Cam-pu-chia - Lào-Việt Nam hu peih tabiak pak bal sit Buôn Ma Thuột, tỉnh Đắc Lắc. Ong Nguyễn Xuân Phúc, Ủy viên Bộ Chính trị, Phaok Thủ tướng raja-ei haong urang lambaok dom mentri, ngành pambuak pagam tal di 3 negar: Việt Nam, Lào, Cam-pu-chia, lambaok urang dang akaok di 13 tỉnh dalam khu vực saong Gilang pariak patagok Châu Á hu mbaok tame. Tam giác cakrok Cam-pu-chia- Lào-Việt Nam nan lac labik canah klau tapen negar di 3 taneh aia, hu 13 tỉnh, dalam nan gah Việt Nam hu 5 tỉnh nan lac: Kon Tum, Gia Lai, Đắc Lắc, Đắc Nông, saong Bình Phước. Hu padang tagok meng thun  2004, jalan daok pamaong ngak di Tam giác cakrok Cam-pu-chia- Lào- Việt Nam nan lac tapa pambuak bruk di dom tỉnh dalam khu vực piah khai thác tiềm năng, kein lagaih di dom puk palei piah patagok kinh tế - xã hội, patruh eik patrun kathaot saong dui ka nyu katut panak bruk daok atah di gauk ka jalan cakrok patagok di labik ini dut haong dom puk palei karei karei di 3 negar.

# Patui bruk ginum biai mbang 27, harei 21/4, Uỷ ban thường vụ Quốc hội brei panuac ka Hukum pasiam veik, pabak dom paka Hukum peih ngak án dân sự. Ini lac dự thảo likau brei panuac camereip dahlau di tuk pok tagok Mbnag nyaom ka 7, Quốc hội khóa XIII di bilan 5 anak tal. Akok Quoc hoi Nguyễn Sinh Hùng saong dom Phó akok Quoc hoi hu mbaok ginum biai. Brei panuac ka dự thảo, ralo urang Quoc hoi njauk gauk bruk brei pasiam veik, pabak hukum pasiam veik, pabak dom paka di hukum peih ngak án dân sự piah pasiam veik dom bruk daok tavak tavaiy yau urak ini.  Jeng hu panuac karei di gauk, hukum brei pataom tame pasiam, pabak dom kadah njauk brei ngak, mbuan ngak yau chap ngak tui bruk thi hành án, pasang iek trun bruk peih ngak án, bruk brei nagk tui án.

# Jeng dalam harei 21/4, danak dak :kayua anek saih Trường Sa anit ranam” saong Quân chủng Hải quân,  Ủy ban bhap bani huyện pulao Trường Sa, tỉnh Khánh Hòa bahrau peih pakak saong ba tame pandar sang bac pakat I Sinh Tồn daok pak xã pulao Sinh Tồn. Sang bac pakat sa Sinh Tồn hu padang ngak meng bilan 12/2013, hu 2 tal glaong, praong abih tih 300 mét vuông, mblang bein prong 600 mét vuông, hu 6 duk, dalam nan hu 3 duk bac, 1 duk gilang tapuk, 2 duk công vụ ka gru pato. Phun jien padang ngak meng Kadung jien bac Vừ A Dính saong Harak báo Pháp Luật bal raya Hồ Chí Minh jak ba rik daong, piah palagaih ka dom cei gru nai gru saong anek saih sahanang hatai bac  da-a.

# Yaom lac, tỉnh Ninh Thuận brei thau abih jit kum A/H5N1 di taphon manuk ada, min urang raong manuk ada daok gaok rilo kan kandah dalam bruk raong gilac taphon manuk ada kayua yaom pandap meng rilo manuk ada trun biar saong takik urang blei. Urak ini, baoh manuk ada pablei tabiak di rilo trang trại manuk di Ninh Thuận hu labaih 1.200 đồng sa baoh, trun meng 500 tal 600 đồng sa baoh dahlau tuk jit ruak rah tabiak  kum AH5N1. Tuk yaom nan, kuhrai rah tapa raong 1.000 drei manuk, yaok bilan urang raong khat phun jien meng 15 tal 20 triệu đồng. Ninh Thuận urak ini hu labaih 1 trieu 300 ribau drei manuk ada  ngan saong yaok ribau baoh sang raong glang. Dom jalan lang yah kan kandah samar saong lagaih meng dom gah chức năng nan lac bruk bo urang raong glang caong khin di abih urak ini.

  # Peih ngak sarak daong brei taneh daok saong ba bruk ngak ka bhap bani urang bangsa takik kan kathaot, rai diuk kandah kande bhum Taneran kraong Cửu Long tukvak 2013 – 2015, tal urak ini, tỉnh Trà Vinh pataom iek veik  hu 11.727 baoh sang urang bangsa takik kan kathaot, rai diuk daok kan kandah  caong hu taneh daok, taneh pala drak, mesre jien bac bruk ngak saong ba bruk ngak ngan haong yaom jien abih tih piah peih  ngak jaik 150 tỉ đồng. Dalam nan, hu jaik 1.730 baoh sang caong hu taneh daok, 626 baoh sang caong hu taneh pala drak saong hu labaih 8.767 baoh sang caong hu phun jien piah bac bruk ngak, gam haong labaih 600 urang ngak caong hu pato bruk ngak saong nao ngak bruk pak negar langiu. 

# Harei 21/4, di sang bac Đại học Bách Khoa Đà Nẵng, Sở Ngoại vụ ban Đà Nẵng pambuak saong Uy ban bhap bini huyen kaoh pulao Hoàng Sa, Muyim Da Nang peih bruk parang iek mbang ka 3 “ Kaoh pulao Hoàng Sa – Quyền ngak po di Viet Nam”, meng harei 21 tal hartei 26/4. Parang iek hu parang 70 blah thaok binguk, tư liệu saong pandap hu makna brei thau ka quyên ngak po di Viet Nam ngan saong kaoh pulao Hoàng Sa, yau: bản đô An Nam Đại quốc họa đồ hu giamq mục Pháp patabiak thun 1838; bản đồ “Đại Nam nhất thống toàn đồ” saman patao Minh Mệnh 1820-1841.

 # Pachreih tui harei puac tapuk di dunya 23/4, harei tapuk Việt Nam  mbang ka sa bahrau hu peih tabiak pak Gilang tapuk bal Cần Thơ. Harei tapuk Việt Nam thun ini rah tabiak meng ini tal abih harei 23/4 thun 2014. Asal kadha hu parang iek nan rilo meng hu pataom tame dom baoh tapuk ka dakrai sajarah yau: Pahadar 60 thun jayak Điện Biên Phủ, dom baoh tapuk ka quyền ngak pô pulao tasik Việt Nam, dom baoh tapuk Bac megru Wa hatai drei hadah hadai jang saong dom tác phẩm văn học mek hu giải thưởng Hồ Chí Minh.

Khaw tin dunya:

 # Mentri Ngak nong Trung Quốc birau brei thau “ Harak pathau khan caong khin gah ngak nong Trung Quoc’ tukvak vak 2014 -2023, dalam nan kuhria caga dahlau ka bruk ngak tabiak, palei saong darak pasar kaya nong di taneh ia ini dalam 10 thun tal. 10 tra, kaya nong ralo di Trung Quoc meda tagok hu tani tanat, dalam nan hu padai, tiểu mạch, saradang, njam patam meda tagok hu khang kajap; kaya iakn dalm ia, rilo limo, pandap mabng ka athur raong, tangei, menyek mbang saong baoh manuk ada daok tagok samar ngan saong kuhrai rah tapa 25 yaok thun; ia tasau nan lac pandap patagok samar di abih dalm dom pandap ngak nong di Trung Quoc, tui kuhria rah tapa 3,5% sa thun.

# Raja-ei Hàn Quốc bahrau tabiak panuac lac bal An-xan (Ansan) pak tỉnh Gy-ông-ghi (Gyeonggi) saong huyện Gin-đô (Jindo) pak tỉnh Nam Giêolla (Jeolla) nan lac dom labik njauk bala biak trak dalam bruk karam phà di langiu tasik  huyện Gin-đô daok yam tapa harei ka 5 bo kapul daong duah jeng oh ka duah mboh atau di yaok rituh urang njauk bala angaok phà. Bal Ansan nan lac labik daok di yaok rituh anek saih saong gru pato gaok bala angaok sruh phà angaok jalan nao tal pulao Chêchu (Jeju), dalam tuk huyện Ginđô nan lac labik rah tabiak bala angaok nan. Dom labik ini meda hu raja-ei Hàn Quốc daong brei biak praong dom bruk daong duah saong pasiam veik tui jalan trợ cấp saong patrun yaom kak je.

# Arập Xêút brei thau hu 20 mbang urang njom virut birau ngak ruak jaln suan yawa cấp di Trung Đông (MERS), ba tame angan 49 urang ruak njom virut ngak metai nan dalm 6 harei tapa. Mentri y tế Arập Xêút Ápđunla An Rabia brei thau, bruk ba tal ruak nan parilo meda kayua langik tasik oh lagaih di bilan ini ngak ka virut tamuh khang, min kayua halei ba tal ruak nan biak meda tal bilan 5 ini meng thau hadei pasang iek cambaic laic. Arập Xêút jeng hu da-a dom kong ty chau Au saong Bac my pambuak bruk ngak tabiak vaccin jru ruak nan./.