Khaw tin 6h30 harei 23/5/2016

# Anak bruk langik tua riya pandiak bhang meda daok dui atah, Cục Kiểm lâm (dalam Mentri ngak nong saong patagok palei pala) brei thau, dalam negar urak ini hu 9 tỉnh nan lac: Bình Định, Bà Rịa - Vũng Tàu, Bình Thuận, Cà Mau, Đác Lắc, Khánh Hòa, Ninh Thuận, Phú Yên, bal Đà Nẵng daok mbuan si hu khuah glai di pakat biak nguy hiểm. Cục Kiểm lâm pandar karja dom tỉnh nan saong dom po glai samar peih ngak dom jalan pacang caga khuah, padam khuah tui njauk adat hukum.

# Urak ini, lingik pandiak bhang di bhum taneran kraong CL saong dom tỉnh gah kreh negar ngak jhal tal bruk raong kaya ikan dalam ia. Di dom puk palei, bruk khik ramik labik raong kaya ikan dalam ia, bruk dut iek ia nerak di dom sang mac, labik cong nghiep daok takik ba tal bruk ikan raong, abih di nyu nan lac ikan lồng metai, ngak kan kandah tal ngak mbang kinh te saong raidiuk di urang bhapbini. Tổng Cục Thủy sản pandar, di dom puk palei hu ikan raong gaok metai, Sở ngak nong saong patagok palei pala hu trach nhiem pambuak bruk saong dom gah pambuak tal brei thau makna saong hu ket luan, brei ka urang raong thau; daong samal tui hukum piah urang bhapbini tani tanat, pasiam veik bruk raong ikan.

# Sở Pato megru bal Đà Nẵng pambuak haong Thành Đoàn bahrau peih nyaom pakacah Tin học ranaih Đà Nẵng mbang ka 19 thun 2016. Ini lac tukvak piah palih ruah saong paglaong ilamu dom thí sinh naih gheih ka Đội tuyển Tin học ranaih bal Đà Nẵng hu mbaok dalam Nyaom pakacah Tin học ranaih mbang ka 22, tui kuhria meda peih tabiak pak Bình Định di akaok bilan 8 tal. Adei Ngô Thành Long, tal 11, Sang bac Trung học phổ thông Ông Ích Khiêm bal Đà Nẵng brei thau: Adei hu mbaok dalam mbang pakach Tin học ranaih oh chuyên mbang ka 19 adei mboh biak bui sambai. Mai haong labik ini, adei hu taom gaok bac megru haong dom ayut paglaong kiến thức ka Tin học. Adei caong khin lac dom Sở ban ngành meda peih ngak ralo jang dom mblang ma-in yau ini piah ka khaol adei taom gaok bac megru gauk gah Tin học./.)

# Di mblang kapal haok dunya Tân Sơn Nhất, barau peih jalan radaih  buýt oh daong yaom ka 49, jalan mblang par Tân Sơn Nhất – Quận 1. Ini lac jalan radaih buýt 5 patuk ka dua duh ka bruk nao mai di urang nao meng pasak ban raya tal mblang par saong gilac veik. Ini lac jalan radaih buyt khik caga hu tukvak kayua nao tapak meng mblang par tame pasak ban raya saong gilac veik oh padheih di dom bến padheih công cộng. Di pasak, radaih buyt meda padheih di dom khách sạn praong, abih di nyu nan lac dua labik rilo tuai raveng mein lac Nhà thờ Đức bà saong sang daoh ban raya .

# Hadei di tuk taduan mek phun jien daong brei ka bhap bani labik pandiak bhang mbang ka I thun 2016, dom puk palei dalam tỉnh Ninh Thuận hu pandar njauk bruk, njauk manuac urang. Dalam nan, brei ngak dahlau dom bruk yau kuac rok danao, bingun, ba brei aia pandar ka bhap bani. Kayua daok gaok ralo kan kandah, nan ye dom puk palei patui veik caong khin tỉnh sangka daong brei meneng pandap mbang ka anek athur ka dom baoh sang raong glang di dom labik  pandiak bhang trak, oh pala drak hu yau huyện Thuận Nam, Bác Ái, Thuận Bắc; taphia di nan, daong njuk mek aia brei ka bruk pala drak vụ hè – thu di dom bhum panduan salih phun pala. 

# Di Đồng Nai, labaih 400 sang raong glaong tut angan sanya raong siam, oh pandar chất pakauk dalam raong glang. Tui nan, meng ini tal bilan 9-2016, Cục raong glang, kapul raong glang VN pambuak bruk saong puk palei tabiak bruk saong jak ba 100 rabau sang raong glang tut angan sanya raong glang siam, oh pandar ia jru pakauk.

# Tui ong Trần Đức Phấn – Phaok Akaok Tổng cục Thể dục Thể thao, Việt Nam meda hu labaih 20 urang ma-in hu mbaok dalam Olympic Rio 2016 pak Brazil bilan hè ini. Jalan ba di ngành nan lac sangka tal chất lượng jang số lượng hu mbaok tame saong dom urang ma-in mek hu harak nao tal Rio blaoh ye hu đầu tư  piah mek hu thành tích siam abih, dalam nan hu dom môn trọng tâm yau cuh phao, taong kiếm… meda brei nao pasram di negar langiu saong hu mbaok dalam dom giải pakacah dunya.

Khaw tin dunya

# Võ sĩ quyền Anh hu angan je di Philippines Man-ny Pắc quyn-ao (Manny Pacquiao), urang vô địch WBO dunya hạng bán trung barau jeng thượng nghị sĩ di taneh ia ini. Jaik 80% dalam 55 triệu cử tri Philippines hu buh phiếu pilih ruah urang dang akaok, phaok akaok, 12 thượng nghị sỹ, 200 urang di hạ viện saong 18.000 urang jakar puk palei di mbang pilih ruah  6 thun rah tabiak sa mbang. Pacquiao mek hu labaih 16 triệu phiếu pilih ruah piah jeng sa dalam 12 thượng nghị sỹ di Philippines. Tangin taong 37 thun barau padheih bruk jaik 1 bilan piah caik tukvak ka bruk chính trị.

 # Pa-uan Phật Đản, Hoàng gia Cam-pu-chia bahrau peih bruk pajeng ba viên ngọc xá lợi mai khik piah angaok tabhung ceik U Đông (U Dong), tỉnh Con Đan (Con Dal). Cam-pu-chia nan lac sa dalam takik negar hu Ngọc Xá lợi, hu mong yau drap ar hu yaom glaong di Phật giáo. Drap dar negar ini gam haong dom ameh pariak patau quý karei, meng kan mai hu Raja-ei Hoàng gia Cam-pu-chia khik piah angaok ceik U Đông dalam huyện Phanh Nha Lư (Phanha Lea), tỉnh Con Đan (Con Dal) saong jeng lac bal yao klak di Cam-pu-chia dahlau diah.  

# Labaih sa dalam klau janih cim di Bắc Mỹ daok dang anak bruk mbuan si lihik abih meyah oh hu bruk khik caga catang. Ini lac bruk roh duah di sáng kien khik dom janih Cim Bắc Mỹ, hadei tuk duah thau bruk mbuan tổn thương di dom janih Cim di Canađa, Mỹ saong Mêhicô. Rilo janih Cim di dom bhum duyên hải, bhum mblang hareik saong bhum thulagu daok trun samal, abih di nyu nan lac Cim par di jalan atah tui dom ar tasik. Makna praong ba tal bruk ini lac ia tasik pruh, bruk patagok di dom bhum duyên hải saong nerak dầu loang./.