# Patui danak dak mbang nyaom ka 10, harei 23/10, dom urang Quốc hội ngak bruk pak kapul, ginum biai ka dom Dự thảo văn kiện hu ba tagok Nyaom roya 12 di Đảng. Dalam harei ngak bruk ini, dom urang lambaok pataom tame brei panuac ka dom asal kadha prong dalam dự thảo văn kiện ba tagok Nyaom raya 12 di Đảng, dalam nan hu bruk taong yaom pataom iek veik bruk ngak jeng 5 thun peih ngak Nghị quyết Nyaom roya 11; 30 thun salih bahrau saong 5 kadha bac prong; jalan ngak, bruk ngak brei patagok taneh aia 5 thun hadei (2016-2020); jalan salih bahrau bruk cakrok patagok saong jalan ngak, bruk ngak jhul pakhang công nghiệp hóa, hiện đại hóa taneh aia...

# Harei 23/10, nyaom roya đảng bộ tỉnh Tuyên Quang mbang yaka 16 tukvak 2015-2020 peih tabiak di ban sit Tuyên Quang. Brei panuac di nyaom roya, Tổng Bí thư Nguyễn Phú Trọng pandar tỉnh pataom tame tacei pato patagok kinh te, jhul pakhang cơ cấu kinh te pambuak pagam saong salih barau mo hinh paglaong, patagok chat luong, nang suat pren meriak gauk tui jalan công nghiệp hoá, hiện đại hoá… Tổng Bí thư jeng pandar Đảng bộ Tuyên Quang njauk thau lac, dak padang Dang lac bruk ngak gam gam di yaok to chuc Dang, yaok urang jakar, urang dang. Peih ngak siam quy chế dân chủ di cơ sở, ba mbuan lagaih ka bhapbini peih ngak ginup quyen ngak po, kham merat pataom tame dom bruk pasang iek krja, khik caga karja njauk lac di bhapbini, kayua bhapbini saong brei ka bhapbini…

# Jeng dalam harei 23/10, pak bal Huế, Nyaom roya Đảng bộ tỉnh Thừa Thiên Huế mbang ka 15, vaktu 2015-2020 hu peih tabiak, hu mbaok 348 urang, lambaok ka labaih 46.000 urang đảng dalam tỉnh. 5 thun tapa, Đảng bộ, bol lin saong bhap bani tỉnh Thừa Thiên Huế kham merat mek hu ralo baoh jeng siam makre. Jalan patagok kuhria rah tapa 5 thun mek hu 9%; cơ cấu kinh tế panduan salih tui gah dịch vụ, công nghiệp, nông nghiệp; jien mek tame kuhria tui yaok urang hu jaik 2000 Đô la Mỹ, tagok jaik dua mbang dut haong thun 2010. Dalam 5 thun anak tal, Đảng bộ tỉnh Thừa Thiên Huế kham merat dak padang tỉnh Thừa Thiên Huế jeng sa bal daok dalam Trung ương tui gah đô thị “Inem mek, ilamo, sinh thái, cảnh quan, siam ka môi trường”.

# Sang bac Đại học Việt – Đức, di ban Mới, tỉnh Bình Dương barau peih thun bac barau 2015-2016. Hadei di 7 thun ngak bruk, meng talei pambuak bruk saong Hiệp hội Đại học Cộng hòa Liên bang Đức saong labaih 30 sang bac đại học dang akaok di taneh ia ini, sang bac Đại học Việt - Đức daok pato pakai labaih 1 rabau 800 thạc sỹ saong cử nhân tui chuẩn dunya. Thun bac 2015-2016 ini, sang bac pilih ruah 325 sinh viên, urang bac bậc cử nhân saong thạc sĩ. 

# Kuhria caga pandap panda duh ka bhap bani meng ini tal Tết Nguyên đán Bính Thân, pak bal Đà Nẵng hu 14 doanh nghiệp caga blaoh pandap yaom jaik 387 tỷ đồng. Thun ini, Sở Công thương Bal Đà Nẵng meda ngak jeng baoh tatua pambuak gilang pariak haong doanh nghiệp piah oh pandar kadung jien karja daong brei yau dahlau diah bo salih veik Danak dak pambuak pagam dom doanh nghiệp haong dom gilang pariak di bal mesre phun jien ngan haong jien hjung lap. Urak ini hu 4 doanh nghiệp mboh tangin tame mesre hu mbaok tame danak dak grap tanat yaom kaom puac thun.

#  Di Hà Nội, muyim Hồ Chí Minh saong kapul thơ Đường luật Việt Nam barau peih nyaom biai alamu “Wa Ho saong thơ Đường luật". Chủ tịch Hồ Chí Minh hu labaih 200 bài thơ Đường luật. Taphia nan, dom kadha vak tui njauk hatai di thơ cổ, Wa hu pandar Đường luật salih bahrau jeng rilo janih phong phú piah brei thau hatai sahneng praong, dom tình cảm sâu sắc, tinh tế. Yaom lac vak dalam guc atau dom bài thơ hu paneh hadei cách mạng, di mesruh metak tuk halei jeng brei thau hatai ranam taneh ia, palei negar.

7 # Hội Nội khoa Việt Nam brei thau, harei pataom pren yava urang Viet mbang akaok meti meda hu peih tabiak dalam 2 harei 24 saong 25-10 pak Học viện Quân y. Harei pataom hu mbaok di 700 bác sĩ dalam negar peih bruk khám, tư vấn pren yava oh mek jien ka 5.000 urang. Taong abih bruk tư vấn saong khám oh mek jien ka bhap bani mai meng dom bác sĩ lac hội viên Hội Nội khoa Việt Nam daok ngak bruk pak dom tuyến trung ương dang tabiak ngak. Ini lac bruk ngak biak hu makna piah daong ka bhap bani hu thau ka pren yava di drei yau habar piah tui iek, abih di nyu lac dom janih ruak mãn tính jeng yau bruk mbang huak ka pren yava.

Khaw tin dunya:

# Tui hãng tin Kyodo, Nhật Bản, Trung Quốc saong Hàn Quốc kuhria peih nyaom biai akaok mintri pablei salh 3 gah di harei 30/10 di ban Xê-un, Hàn Quốc piah jhul pakhang bruk tự do pablei salih di 3 taneh ia. Ini lac mbang akaok mereip akaok mintri 3 taneh ia gam daok saong gauk kuhria meng bilan 5/2012, tukvak Trung Quốc saong  Hàn Quốc patrun talei pambuak bruk chinh tri saong Nhật Bản kayua meriak gauk lãnh thổ saong jalan sahaneng ka sajarah. Dahlau nan, dom taneh ia ini jeng njauk hatai gauk dui veik nyaom biai thượng đỉnh 3 gah njauk padheih dalam labaih 3 thun tapa.

# Jabat khik iek thảm họa negar Philippin bahrau brei thau: ribuk Cốp-pu (Koppu) ngak ka 43 urang metai saong 78 urang karei njauk rambuis tuk ribuk nao tapa negar ini. Khat lahik tui kuhria gah ngak nong saong cơ sở hạ tầng kayua ribuk Cốp-pu tagok tal 7 tỷ 540 triệu pê-sô (samu jaik 162 triệu đô la Mỹ).

# Gah Lương Nông Liên hợp quốc (FAO), Kadung jien uraniah Liên hợp quốc (UNICEF) saong danakdak padai brah dunya (WFP) barau hu panuac lac mbuan rah tabiak bruk eik lipa di Nam Xu-đăng, saong hu panuac ieu yah klak bruk takik brei taduan pandap daong pahla di taneh ia ini. Bruk bạo lực daok rah tabiak meng bilan 12/2013 tal ini ngak ka kinh te Nam Xu-đăng suy thoái trak, ba tal yaom padai brah tagok glaong, ngak ka bruk lahik an ninh padai brah dak harei dak jhak./.