# Mentri Y tế negar drei gam haong Pasak pacang caga saong tui iek jit ruak Hoa Kỳ bahrau peih ngak Dự án "patagok pren khang peih ngak An ninh Y tế dunya pak Việt Nam". Dự án hu peih ngak dalam 5 thun (meng 30/9 thun ini tal abih bilan 9/2019) kayua pasak pacang caga saong tui iek jit ruak Hoa Kỳ daong ilamu saong jien padai, ngan haong phun jien daong oh bayar veik. Danak dak pambuak bruk An ninh y tế dunya nan lac bruk ngak y tế njauk ngak dahlau di dom negar angaok dunya, piah patagok dom bruk ngak piah ngak tabiak sa dunya an toàn anak dom jit ruak.   

# Kapul pachreih bac tỉnh Quảng Nam harei 23/4, hu brei 140 paok  jien bac yaom abih tih labaih 210 triệu đồng lka anek saih lac dom urang anek di dom urang ngak ikan metai dalam mbang ribuk Chanchu rah tbiak thun 2006  ngak khat lahik praong ka anek menuac saong drap ar. Kadung jien bac Chanchu kayua tỉnh Quảng Nam padang tabiak piah daong ka anek di urang ngak ikan dom huyện Thăng Bình, Núi Thành, Điện Bàn, Duy Xuyên, Quế Sơn saong ban sit Tam Kỳ hu gauk gar oh patoah metai dalam mbang ribuk Chanchu hu mbuan lagaih  nao bac da-a .

# Meng akaok thun tal ini, dalam tỉnh Đắc Lắc hu 51 uranaih njauk kol kanjah jhak palua pachot nao ngak bruk suan adat pak bal raya Hồ Chí Minh saong dom tỉnh thành karei, ngak pandik hatai menuac sia. Piah pacang cakak samar drah bruk ini, Sở Lao động, Thương binh saong Xã hội Đắk Lắk hu tacei pato Phòng Lao động, Thương binh saong Xã hội dom huyện, bal sit, bal prong pambuak haong dom gah hữu quan peih ngak siam bruk pathau khan ka bhap bani dom puk palei, sang bac dom adat hukum ka lao động trẻ em. Taphia di nan, njauk bhian tui iek piah thau cambaih bruk uranaih daok dalam umo nao bac min oh hu mbaok di puk palei piah hu jalan langyah...

# Dalam dua harei 22 saong 23/4, Kapul chữ thập đỏ tỉnh Gia Lai saong lambaok vakil di Công ty bảo hiểm nhân thọ Prudential Việt Nam di Tây Nguyên hu jao brei 50 drei limo pajaih ka sang kathaot di dom xa bien gioi dalam tinh Gia Lai. 50 sang hu taduan mek limo pajaih jeng lac sang kathaot, urang njauk bala jru mek kalik kruac, sang sarak kan kandah di Ia Mơr (huyện Chư Prông) saong xã Ia Nan (huyện Đức Cơ). Bruk ngak ini daok dalam danakdak “ ngan hang limo” kayua Quỹ Prudence  pambuak bruk saong kapul Chữ Thập Đỏ Việt Nam peih ngak; alin brei 150 drei limo ka dom sang kan kandah di  3 tỉnh Kon Tum, Bắc Kạn saong Gia Lai saong yaom jien abih tih jaik 2 tỉ meteh.  

# Page harei 24/4, Bal raya Hồ Chí Minh hu palao labaih 450 ribau drei ikan samu haong labaih 10 tấn, yaom jaik 500 triệu đồng trun kênh Tàu Hủ - Bến Nghé, labik bhian hu iew lac baoh kraong juk dahlau diah. Dom janih ikan hu palao trun kênh Tàu Hủ - Bến Nghé harei ini nan lac ikan chép, ikan kan, ikan kuak saong ikan điêu hồng. Ini lac mbang ka 3 gam gam bal raya Hồ Chí Minh peih bruk palao ikan trun kraong ini piah pasiam veik môi trường aia saong paglaong hatai saneng di manuac urang dalam bruk khik caga kaya ikan.

# Xã Vĩnh Trinh lac xã ka 6 dalam tỉnh Cần Thơ mek hu tanut chuan palei pala barau. Tapa nan, uy mban bhapbini ban sit Can Tho, So ngak nong saong patagok palei pala, uy mban bhapbini huyen Vĩnh Thạnh jeng brei harak meyaom ka dom labik, menuac urang hu rik daong siam dalam bruk padang ngak palei pala barau di xa Vĩnh Trinh saong di huyện Vĩnh Thạnh. Cambaih laih, bhapbini xa Vĩnh Trinh  hu rik daong dak padang 9.850m jalan mbaok khang saong yaom jien buh tame ngak abih tih 19 tỉ meteh.

Khaw tin dunya

# Dalam bruk pachreih tui "Harei dunya Amaik baoh taneh" 22/4 peih tabiak pak labik gluh bok jaik nhiệt đới Everglade di gah meraong mbang Florida (Phlo-ri-đa), Tổng thống Mỹ Barack Obama (Ba-rắc Ô-ba-ma) brei thau biến đổi khí hậu lac bruk hu biak oh ndom karei hu. Ong ndom lac bruk Baoh taneh dak harei dak pandiak tagok meda ba tal dom mbang ribuk khang jang song tua riya pandiak bhang trak jang, ngak khat lahik tal kinh tế jeng yau hệ sinh thái. Panuac di Tổng thống Obama hu ba tabiak pak sa chiến dịch jak ba piah patagok hatai saneng ka dom kanjah jhak ngan haong môi trường dalam harei "Harei dunya Amaik baoh taneh".  

# Liên minh châu Phi harei 23/4 hu panuac pok meyaom paok jien daong yaom 950 triệu đô la di dom gilang pariak piah daong dom taneh ia Tây Phi daong cakak jit Ê-bô-lala. Paok jien ini hu pandar piah ramik tani tanat kinh te saong xa hoi ka 3 taneh ia Tây Phi gaok kan kandah trak abih di jit Ê-bô-la lac Ghi-nê, Xi-ê-ra Lê-ôn saong Li-bê-ri-a. Paok jien hu parabha tui panuac sanya hu mbaoh tangin di dom gilang pariak saong 3 taneh ia nan.

# Takik di abih 2 urang metai saong 8 urang karei njauk rambuis dalam sa mbang patuh pháo bingu pak bal O-ri-ôn (Oryol),  gah kreh negar Nga. Mbang bala ini rah tabiak tuk 14 tuk meteh harei 23/4, tui tukvak puk palei. Tui panuac khan, dalah apui khuah khang meng mbang patuh hu pacang padam saong taong abih urang njauk rambuis hu ba nao cấp cứu. Hãng tin RT di Nga jeng brei thau, kho pháo bingu ini di tư nhân daok jaik sa sang bac saong sa sang bac mẫu giáo di palei./.