1 # Thủ tướng raja-ei bahrau patabiak Quyết định ka sarak daong pajaih piah salih meng ngak padai tapa pala njam patam pak bhum taneran kraong Cửu Long hu peih ngak meng harei 22/4. Tui nan, kadung jien Trung ương meda daong phun jien blei asal pajaih phun pala piah peih salih meng ngak padai tapa pala njam patam bilan Xuân Hè, bilan Hè Thu, bilan Thu Đông thun 2014 saong bilan Đông Xuân 2014 - 2015 pak bhum taneran kraong Cửu Long. Menuac hu daong nan lac hợp tác xã, kapul pambuak bruk, baoh sang saong urang. Phun pala salih hu daong nan lac langeiy, ratak tương, lange, ratak lo, tamekai, njam patam dom janih. 

2. # Tui kuhria mboh di Tổng cục Hải quan, abih quý I, yaom pandap panda di Biet Nam pablei tapa darak pasar  Nhat Ban hu labaih 3 tỉ 660 triệu đola My, rilo jang 17,3% duk saong dom bilan ini thun dahlau. Pandap panda pablei tapa Nhat Ban dalam 3 bilan akaok thun 2014 mboh rilo jang di dom janih pandap. Hu dom janih pandap hu yaom jien mek tame trun ye : mac tinh, pandap dien tu saong linh kien trun 4,9%; pathei, thép dom janih trun 29,4%; chất dẻo nguyên liệu trun 20,6% .

3 # Cục khik iek jru tavao brei thau, urak ini hu 2 janih vắc xin sởi, hu janih klauk sa mbang oh abih jien dalam Danak dak klauk jru peih prong pakat negar saong janih “3 dalam 1” sởi- quai bị- rubella pak dom labik klauk jru mbang jien. Bruk kurang vắc xin sởi tok rah tabiak ngan haong janih “3 dalam 1” sởi- quai bị- rubella pak dom labik klauk jru mbang jien, bo bruk blei janih vắc xin ini oh daok dalam bruk điều chỉnh di Thông tư liên tịch số 01 thun 2012 di 2 Mintri: Y tế saong Jien padai ka bruk tacei pato đấu thầu blei jru dalam dom cơ sở y tế. Kayua yau nan ye, dom labik klauk jru mbang jien njauk samar peih bruk kuhria dahlau, đặt hàng dom doanh nghiệp ngak tabiak, pablei salih, blei meng negar lingiu tame piah hu pabak vắc xin bo oh  cang likau panuac di Mentri Y tế.

4.# Meng harei 30/4 tal 5/5, ban sit Đà Nẵng peih ngak danakdak bilan du lich tasik 2014. Ini lac sa dalam dom bruk ngak yaok thun di ban sit Đà Nẵng piah pachreih bruk du lịch tasik, du lịch sinh thái angaok bán đảo Sơn Trà. Langiu dom bruk ilimo, daoh tamia, thun ini, ban sit Đà Nẵng hu rilo bruk mein padhih di tasik ye : taong mbanh di takai tasik, pakacah jhuak ridaih jhuak chinh phục bán đảo Sơn Trà, pakacah Hiphop Honoring, pakacah  Kayak oh chuyen…

5 # Ruak tangin takai cambuai daok pambak prong di tỉnh Ninh Thuận. Meng akaok bilan 4 tal ini, sang iek ruak tỉnh Ninh Thuận hu jaik 100 urang njauk ruak tangin takai cambuai, dalam nan hu ralo uranaih njauk ruak độ 2b saong độ 3 – pakat độ nguy hiểm. Anak bruk yau nan, gah y tế tỉnh Ninh Thuận daok jhul pakhang bruk pathau khan ka bhap bani thau piah hu jalan pacang caga.

6.#  Pagaiy harei 24/4, Ủy ban bhapbini ban raya Hồ Chí Minh nyaom taong yaom bruk ngak mbang kinh tế - xã hội 4 bilan akaok thun saong tabiak bruk praong di dom bilan tal. Dom bilan tal di thun ini, ban raya daok patabiak dom jalan talaih kan kandah ka doanh nghiep san xuat, pablei salih, daong darak pasar. Dom gah chuc nang jhul khang xuc tien pablei salih, khik ramik saong peih praong darak pasar pablei tabiak taneh ia langiu; kham merat peih tabiak dom danak dak pachreih urang blei dalam taneh ia. Bruk njauk biai nan lac, ban raya daok ngak hu siam bruk kiềm chế lạm phát.

7 # Page harei 24-4, pak Muyim Tapon nyom bol pan phao kraong Đông Nam Bộ, Cục Chính trị Quân khu 7 peih mbang parang iek “Mblang mesruh gah meraong klah rabha apui haong Điện Biên Phủ”. Ini ini lac bruk ngak pahadar 39 thun peih paha gah meraong, yasa taneh aia, pahadar 60 thun jayak Điện Biên Phủ. Parang iek hu parang tabiak 12 sơ đồ di dom mbang taong, 98 thaot binguk, 36 pandap panda saong 82 akaok tapuk saong harak ba-ar. Parang iek hu daong ka urang mong iek mboh hu bruk  mesruh metak ngoan cường, quả cảm anak dom kan kandah, rambah rambup di urang jakar, urang lin Điện Biên piah ngak jeng jayak dak rai sajarah harei 7/5/1954.

Khaw tin dunya

8. # Meng harei 23 tal harei 25 bilan 4, di ban ine Viêng-chăn, Lào, lambaok vakil di 50 taneh ia bhum châu Á -Thái Bình Dương saong dom taneh ia pambuak bruk cakrok mai pataom gauk di sa mbang ginum biai pakat dunya ka bruk patrun patakik bien doi khi hau dalam bhum. Dalam 3 harei ngak bruk, nyaom ginum biai hu ba tabiak dom nghia vu saong trach nhiem di yaok taneh ia ka jalan ngak brei patrun patakik ka nyu lagaih  saong bruk di taneh ia drei. Ginum biai mbang ini jeng lac tuk piah ka dom taneh ia dalam bhum klah rabha alamu siam mekre piah hu dom bruk ngak siam lagaih piah patrun patakik bien doi khi hau di taneh ia drei jang yau di dunya hu siam di abih.

9 # Raja-ei Hàn Quốc harei kabroi 23-04 tabiak harak brei padang ngak dom labik pahadar dalam negar brei ka dom urang njauk bala dalam mbang karam gilai Xê-uôn (Sewol) harei 16-04 bahrau tapa. Mentri An ninh saong Khik iek công cộng Hàn Quốc brei thau, bruk ini hu ba tabiak hadei di tuk ginum biai haong baoh sang dom urang njauk bala. Dom labik pahadar meda hu caik di dom labik công cộng yau dom baoh sang di raja-ei saong dom sang pakacah padhih.

10. # Rajaei Pháp barau brei thau jalan ngak piah jhul patagok kinh te saong ba bruk ngak, patrun tham hut gam gam kadung jien karja  di taneh ia ini dalam thun anak tal, piah pabak hiep uoc giới hạn di Liên minh châu Âu. Dom jalan ngak piah patrun tham hut kadung jien karja meda hu pok tagok uy mban Chau Au saong rajaei Phap meda duah bruk pachreih tui jalan ngak ini dalam sa mbang buh phieu di Quoc Hoi di akaok adit tal./.