# Daok dalam DOM bruk ngak salam uan lễ hội Ok – Om – Bok di bhap bani  Khmer Nam bộ, meng harei 20 tal harei 25/11, pak tỉnh Trà Vinh rah tabiak Nyaom darak Pablei salih – Công nghiệp palei pala pagam haong lễ hội Ok – Om – Bok. Ini lac tuk piah ka bhap bani Khmer mai rivang iek, blei pandar; saong tapa nan, patagok bruk xúc tiến pablei salih, peih tabiak jalan pambuak bruk di dom doanh nghiệp dalam saong langiu tỉnh, daong jhul pakhang danak dak patagok kinh tế, peih prong darak pasar dalam negar saong pablei tabiak negar langiu.

# Meng thun 2016, hu quy định cambaih laih ka bruk pasang iek chất lượng jru blei meng negar langiu tame meng di tuk pasang iek harak gar brei angan lưu hành tapa pasang iek, duah thau sang mac ngak jru di negar nan. Bruk ni bahrau hu Cục khik caga jru, mintri Y tế brei thau. Urak ni, bruk pasang iek chất lượng jru daok hu peih ngak.

# Tỉnh Quảng Bình urak ini hu jaik 150 binek kavei padang aia, labaih  200 đập dâng padang hu ia abih tih labaih 600 triệu m3. Urak ini, kayua tui riya pandiak bhang dui atah, takik hajan nan ye bruk padang aia di dom baoh binek ini biak biar oh ka tal 50-70% dut haong dung tích thiết kế. dalam tukvak anak tal, meyah langik daok tua riya pandiak bhang, takik hajan, tui kuhria dahlau dalam tỉnh Quảng Bình, vụ Đông Xuân 2015-2016 meda hu jaik  1.600 ha taneh pala drak njauk thu lagu.

# Bruk brei mesraiy jien di dom tỉnh Tây Nguyên tak vak tapa hu rik dong biak rilo ka bruk ngak di negar patrun kan kathaot khang kajap, khik caga an sinh xã hội song padang ngak palei pala bahrau. Phun jien brei mesraiy hu dong ka 121.000 boh sang di dom tỉnh Tây Nguyên tabiak truh kan kathaot, ba bruk ngak bahrau ka labaih 34.000 urang, dong ka jiak 55.000 anek saih, SV kan kandah mesraiy jien piah bac megru.

# Kadung jien daong ka uranaih Việt Nam saong Kadung…. daong ka uranaih tỉnh Đắk Lắk pambuak haong Kapul Viet Nam Outreach Australia alin brei  150 sruh radaih juak ka uranaih kathaot bac da-a naih jioy, 163 radaih galun ka uranaih jaoh jo, 100 paok pandap ka uranaih sang kan kandah dalam tỉnh Đắk Lắk. Ini lac sa dalam dom bruk ngak siam, daong ka uranaih sang kan kandah, uranaih jaoh jo daom bangsa takik di tỉnh Đắk Lắk hu radaih juak nao mai, bac da-a, patrun kan kandah piah yam tagok dalam rai diuk.

# Urak ni di tỉnh Bến Tre hu jiak 4 triệu drei menuk ada song labaih 700 ribau drei athur. Kayua TG lac tinh daok jiak taphia hu ruak tanye hajao angaok pabui, ruak saluah cambuai tapaok kakau angaok limo, nan ye mbuan si pambak tapa Bến Tre. Piah pacang caga ruak di tapon menuk ada, athur rong daok mbuan patuh tabiak, Mban tacei jalan pacang caga jit ruak angaok menuk ada athur rong dom pakat di tỉnh Bến Tre hu peih bruk pruh jru hóa chất, pametai anek ruak di dom boh sang rong glang, dom labik sit ngak rilaow, labik pajeng ba menuk ada athur oong .Ông Phan Trung Nghĩa, phó Chi cục Thú y tỉnh Bến Tre daok brei thau lac: Pruh jru pametai anek ruak di rilo labik praong hu daong patrun anek ruak dalam alam môi trường, tapa nan khik hu siam mekre ka menuk ada athur raong. Meng ini tal Tết mikva njauk caik hatai sangka pakhang pren caga ruak ka menuk ada athur raong.

# Pak Muyim Hồ Chí Minh, Hà Nội hu peih parang iek "Chủ tịch Hồ Chí Minh haong bruk pakacah gauk ranam taneh aia" ngan haong jaik 200 thaot binguk, harak ba-ar, pandap panda. Parang iek hu Mentri Ilamo, padhih saong rivang ma-in pambuak haong Mban Pakacah pok meyaom Trung ương peih ngak tukvak Nyaom roya pakacah gauk ranam taneh aia pakat negar mbang ka IX (rah tabiak di akaok bilan 12 tal), saong salam uan Nyaom roya pakat negar mbang ka XII di Đảng. 

Patui di ni dom khau tin dunya:

# Trung Quốc song hiệp hội dom negar Đông Nam Á (ASEAN) hu mbaoh tangin tame harak sanya patagok Hiệp định Tự do pablei salih (FTA) di 2 gah, ngak jeng pren khang bahrau ka pambuak bruk KT khu vực. Bruk mbaoh tangin nan hu rah tabiak di Pasak ginum biai Kuala Lumpur di Malaysia ala bruk hu mbaok di Thủ tướng Trung Quốc Lý Khắc Cường (Li Keqiang) song  10 urang dang akaok di dom negarASEAN.

# Bỉ daok khik tanut báo động an ninh glaong abih pak Brucxen saong dom tàu điện ngầm haong dom sang bac tok hu peih pabah mbang veik di harei 25-11. Bruk nan hu ba tabiak hadei di tuk Raja-ei Bỉ brei thau lac duah mboh bruk bal ine Brucxen mbuan rah tabiak sa mbang tấn công dreh yau mbang tấn công pak bal ine Paris di Pháp harei 13 bilan 11 meng blaoh.

# Công an Campuchia bahrau brei thau takik di abih 3 urang metai song 44 urang tame sang iek ruak kayua njauk jru mek hadei di tuk hu mbaok di ndam metai dok di palei Char Thnaol (Cha Thnôn), xã Sambor (Xom-bô), huyện Sambor di tỉnh Kratie (Kro-chê), gah barak negar ni. Akaok Công an huyện Sambor Bun Chhoeun (Bun Chươn) brei thau, dom urang gaok bala, dalam nan hu 2 urang kamei, mbang song menyum alak di ndam metai gauk gar di harei 20/11 song mboh khin taaok, having akaok, sabim meta, limin tangin takai sa harei hadei di nan. Langiu di 3 urang metai, dok hu sa urang dok  mbuan metai./.