# Dalam  chreih chai bui sambai salam uan Nyaom roya Đảng pakat negar mbang ka 12, pahadar 86 thun harei padang Đảng Cộng sản Việt Nam (3/2/1930-3/2/2016), pak Pasak parang iek ilamo nghệ thuật Việt Nam daok rah tabiak mbang parang iek “Mỹ thuật mùa xuân 2016”, piah meyaih khan dom tác phẩm nghệ thuật  di dom hoạ sĩ ngan haong bhap bani dalam saong langiu negar. Mabng parang iek parang tabiak jaik 100 tác phẩm hội họa, lan, sơn mài, ba-ar dó, sơn dầu… Mbang parang iek “Mỹ thuật mùa xuân 2016” meda tamat dalam harei 4/2 anak tal.

# Di sang ilamu dam dara ban raya HCM barau rah tabiak mbang alin hadiah paok jien bac “Nhất nghệ tinh” kayua báo tuổi trẻ pambuak saong thành đoàn ban raya HCM peih tabiak. 200 paok jien bac, yaok paok yaom 5 triệu đồng hu alin ka 200 anek saih sang bac bruk ngak mai meng 7 tỉnh, ban cụm bhum đông nam bộ. Ini lac dom anek saih daok tui bac di dom sang bac bruk ngak gaok kan kandah, gam bac gam ngak daong ka baoh sang.

# Huyện ủy Châu Thành, tỉnh An Giang bahrau peih nyaom biai chuyên đề “Bac megru saong ngak tui jalan hadah krah siam mekre di Hồ Chí Minh” thun 2016 ka bruk “Iek prong trách nhiệm, gương mẫu, ndom nao gam haong ngak” ka dom urang jakar pal akaok dalam huyện. Tui danak dak, chuyên đề “Bac megru saong ngak tui jalan hadah krah siam mekre di Hồ Chí Minh” ka bruk “iek prong trách nhiệm,  gương mẫu, ndom nao gam haong ngak” meda hu khan brei thau cambaih tal taong abih urang jakar, urang đảng saong bhap bani angaok huyện dalam bilan 1-2016.

# Ban sit Đồng Xoài, tỉnh Bình Phước barau peoh mbang taom gaok dom jabat, doanh nghiệp, urang ngak pahala daong ka baoh sang kan kathaot, baoh sang biak kan kathaot, baoh sang daok dalam sarak karja tuk tết anek sak kara thun 2016. Dalam thun 2015, dom doanh nghiệp, đơn vị, doanh nghiệp, urang ngak pahala hu alin hadiah 704 paok pandap ka dom baoh sang kan kathaot, baoh sang biak kan kandah, baoh sang daok dalam sarak karja, yaom jaik 212 triệu đồng. Di mbang taom gaok, urang dang akaok ban sit Đồng Xoài hu ieu dom đơn vị, doanh nghiệp saong kapul nyaom bhap bini ba tangin tame daong ka urang kan kathaot, baoh sang sarak karja hu 23 triệu meteh saong 10 paok pandap, yaom 300 ribau đồng sa paok.

# Kapul urang kamei tỉnh Đồng Nai bahrau pambuak haong kapul urang kamrei huyện Định Quán peih bruk alin brei pandap Tết Bính Thân ka 49 hộ baoh sang kathaot di xã Phú Hòa, yaok pok  yaom 500 ribau đồng, dalam nan hu dom janih pandap haong jien mbaok. Langiu di nan, kapul jeng hu mai rivang, pachreih ba, tadhau ayuh tết saong alin brei pandap ka 4 amaik Việt Nam anh hùng daok pak huyện Định Quán gam haong sa baoh sang urang lin daok ngak bruk pak nhà giàn dalam Bộ Tư lệnh Vùng 2 Hải quân. 

# Chi cục Hải quan Bình Thuận di Cục hải quan Đồng Nai pambuak saong UBMT negar VN tỉnh Bình Thuận barau peih bruk nao rivang saong alin hadiah 100 paok pandap tết ka baoh sang kan kathaot, baoh sang gaok kan kandah di xã Thuận Minh, Huyện Hàm Thuận Bắc. Yaok paok yaom 500 ribau đồng piah rik daong gam saong xã iek glang ka dom baoh sang kan kathaot hu bui sambai uan rok tết anek sak kara thun 2016.

# Pasak ilamo tỉnh Ninh Thuận bahrau peih Harei pataom sap daoh ameh mbang ka VI – thun 2016. Hu mbaok tame Harei pataom, hu 59 urang lac anek saih, sinh viên, urang jakar, urang ngak dalam tỉnh. Ini lac bruk ngak biak siam di pasak Ilamo tỉnh salam uan Nyaom roya Đảng mbang ka XII saong uan  Đảng, uan thun bahrau Bính Thân 2016.

Patui di ini dom khau tin dunya:

# Cảnh sát taphia negar Prang di Cale cap hu jaik 10 urang likei dalam khu làng daok tạm di urang tị nạn. Hãng tin Roitơ brei thau, bruk cap hu hu peih tabiak kayua hu pambuak tal sa chiến dịch cap mek kol pablei salih menuac. Cảnh sát Prang jeng hu pandar sauk hăng piah pacang cakak jaik 100 urang nhập cư duah jalan tagok sruh radaih tải tui jalan cao tốc ba tal jalan hầm Ơrôtunnen piah tapa Anh

# dalam tukvak nao rivang Ai Cập di Akaok negar Trung Quốc Tập Cận Bình meng blaoh, 2 negar hu mboh tangin tame ralo harak pambuak bruk ngak mbang saong daong brei hu yaom yaok tỷ đôla. Urang ngak prong di 2 negar hu mboh tangin tame 21 thỏa thuận brei adat ka Trung Quốc patagok phun jien buh tame negar Arập hu ralo bhap bani abih saong daok angaok jalan pasiam veik bruk cakrok patagok hadei di dom srau kadau chính trị meng thun 2011. Trung Quốc jeng daong brei 1 tỷ đôla ka gilang pariak trung ương Ai Cập saong 700 triệu đôla ka Gilang pariak negar Ai Cập (National Bank of Egypt) kayua karja ngak pô.

# Ngoại trưởng Mỹ Giôn Keri brei thau, nyaom meyai sron mbon Xyri kuhria rah tabiak di adit tal di Giơnevơ, Thụy Sỹ meda njauk kadul veik sa atau dua harei kayua hậu cần. Ginum meyai sron mbon nan lac jalan ngak akaok meti dalam kế hoạch chuyển giao chính trị dui atah 18 bilan bo LHQ njauk hatai piah padeih bruk mesruh gauk dalam taneh ia dui atah jaik 5 thun di Xyri. Urak ini Nga, Iran daok hu dom bruk srau kadau saong Arập Xêut, dom taneh ia Arập, Mỹ saong châu Âu dalam bruk parabha kapul đối lập Xyri lac siam atau jhak./.