Khaw tin 6h30 harei 25/4

         # Thứ truởng mintri ilimo padhih saong Du lịch barau peih mbang nyaom giao ban Ban tacei pato – mban peih ngak harei pataom ilimo, padhih saong Du lịch bhapbini Cam thun 2016 di An Giang . Tui mban peih bruk, harei pataom ilimo padhih saong du lich bhapbini Cam thun 2016 meda rah tabiak di bilan 7 tal piah paglaong bruk jum pataom, ba jalan taom gaok, bac megru, klah rabha alamu dalam dom bruk ngak ilimo, padhih saong du lich di bhapbini Cam. Tapa nan, khik ramik saong patagok dom yaom ilimo mengkan gheih mekre di bhapbini Cam dalam patagok kinh te xã hội.

        / UB bhap bini tỉnh Phú yên barau peih tabiak jalan pato bruk ngak takik harei thun 2016 ka 5.000 urang. Kham merat tal puac thun 2016, patagok urang ngak hu bac bruk ngak di tỉnh nan lac 58%. Abih tih phun jien peih ngak bruk ini lac 3,7 tỉ đồng.

              # Viện roh duah patagok kinh tế - xã hội Đà Nẵng peih parang iek 6 phương án padang ngak mblang bein – cà phê tapuk duh ka bhapbini di labik dân cư An Hòa 4, phường An Hải Bắc, quận Sơn Trà piah mek panuac bhapbini puk palei. Hu thau, danakdak  padang ngak mblang beir mein bui sambai ka uranaih pambuak haong duk puac - cà phê tapuk nan praong 1.000m2 di góc jalan Dương Thanh saong  Hương Hải Thiền Sư. Công trình hu peih bruk padang ngak di bilan 5/2016.

          / Thun 2015, An Giang hu 518 baoh sang bhap bini bangsa takik hu daong mesraiy phun jien 30 triệu đồng sa baoh sang meng gilang pariak sarak karja piah loh veik taneh pala drak. Dom puk palei jeng hu daong pato bruk ngak ka 1.510 urang ngak bhum bangsa takik ngan saong yaom jien labaih 6,9 tỉ đồng; daong 948 baoh sang mesraiy phun jien patagok bruk ngak mbang ngan saong yaom jien jaik 7,6 tỉ đồng.

          # Tal urak ini, Sở Tư pháp tỉnh Gia Lai hu biên soạn saong patabiak 11.619 blah tài liệu pato pakai adat hukum ka dom puk, palei, labik bhapbini daok. Dom tài liệu ini jeng hu dom asal kadha pathau khan ka bruk pilih ruah urang ka QH mbang XIV saong urang ka Hội đồng bhapbini dom pakat tukvak 2016-2021. Taphia nan, Sở Tư pháp tỉnh jeng hu ngak sổ tay javap calei ka bruk pilih ruah meng 3 sap Việt-Jrai-Bahnar brei saoh tal dom labik, dom puk palei, labik bhapbini daok.

         / Urang dang akaok dhar pajeng ba jalan pasei Bei Gon brei thau, piah pabak bruk nao mai di tuai damuai dalam tuk lễ 30/4 saong 1/5, Cty cổ phần pajeng ba jalan pasei Bei Gon daok brei ba jaik 20 toa radaih pui meng ga Bei Gon nao ga Biên Hòa piah peih bruk nduac gilac 2 chuyến tàu nao meng Bei Gon tal Nha Trang ((SNT6, SNT8), sa mbang meng bei Gon nao Tuy Hòa (STH2) di harei 29/4 saong meng Nha Trang mai Bei Gon harei 3/5.

            Khaw tin dunya

          # Ribuk gam saong hajan patau di tỉnh Vân Nam (Yunnan), gah meraong Trung Quốc dalam adit bloh ngak ka 4 urang metai saong 26 urang bị thương. Lingik jhak jeng ngak khat lihik trak ka bilan pala drak saong sang danaok. Kuhria tal bair harei 20/4, abih tih 6.473 urang hu ba nao tal labik daok siam mekre, 5.010 héc ta phun pala gaok khat lahik saong 74 baok sang jaleih, khat lahik gah kinh tế jaik 87 triệu Nhân dân tệ (sumu 13,4 triệu USD)./.

          / Singapore hu peih bruk bầu cử pabak di labik bầu cử sa thành viên Bu-kít Ba-tốc di harei 7/5 tal. Bruk bầu cử pabak ini rah tabiak jaik 2 bilan hadei di tuk nghị sĩ di labik bầu cử ini, ong Đa-vít Oong, di đảng hành động bhap bini cầm quyền, ndom lac từ chức kayua bruk cá nhân./.

           # Ấn Độ saong Trung Quốc njauk hatai gauk brei jhul pakhang dom bruk “ ginum biai hòa bình” piah langyah bruk biên giới saong yam tal sa jalan ngak công bằng, hợp lý”. Bruk nan mai meng  mbang ginum biai yaka 19 ka bruk biên giới di dua taneh ia kayua Cố vấn An ninh taneh ia Ấn Độ Ajit Doval (A-dít Đô-van) saong Ủy viên Quốc vụ Trung Quốc Dương Khiết Trì (Yang Jiechi) gam dang akaok di Bắc Kinh harei 20/4.