Khaw tin 6h30 harei 25/5/2016

# Thủ tướng Raja-ei njauk hatai jao brei Tập đoàn Điện lực Việt Nam pandar taong abih phun jien di Tập đoàn piah đầu tư ba điện ka dom palei oh ka hu điện dalam 2 huyện Bắc Trà My saong Nam Trà My. Thủ tướng Raja-ei pandar Mentri Công Thương tacei pato Ủy ban bhap bani tỉnh Quảng Nam ramik veik phạm vi Dự án ba điện palei pala tỉnh Quảng Nam tukvak 2013 - 2020 tui njauk adat hukum. Taphia di nan, Tập đoàn Điện lực Việt Nam daong brei phun jien piah paglaong, pasiam veik canah jalan nao mai ĐH8 huyện Bắc Trà My.

# Pagaiy harei 24/5, di ban sit Huế, mintri ilimo padhih saong ravang mein peih pakak Hội đồng pakacah ka 2, mbang pakacah tangin ngak negar thun  2016 ngan saong 49 urang lambaok ka dom tỉnh, ban dalam taneh ia mai pataom mbaok. Mban peih ngak meda pilih ruah dom thí sinh xuất sắc piah  padang kapul pilih ruah negat kuhria caga ka mbang pakacah tangin ngak ASEAN mbang yaka 11 di Malaysia di bilan 9/2016 saong mbang pakacah tangin ngak dunya mbang yaka 44 di Abu Dhabi, dom Tiểu vương quốc Ả Rập Thống nhất di thun 2017. Ông Lê Anh Tuấn, Phó Vụ Đào tạo, mintri ilimo padhih saong du lich, akaok Hội đồng pakacah ka dua di ban sit Huế brei thau: "Dom thí  sinh umo ala 22 thun saong rilo jang lac dom adei daok lac sinh vien di dom sang bac hu pakacah dua bruk dịch vụ nhà hàng saong ngak mbang ngak huak. Dom adei hu pilih ruah di dom sang bac saong dom khoa chuyên môn. Dom adei hu tapa biak rilo vòng piah pilih ruah saong brei thau ilamu di drei. Urak ini, mbang pakacah pakat negar yau nan ye dom adei hu cơ hội cọ sát rilo. Tapa mbang pakacah ini, ye ilamu kinh nghiệm piah pataom tame harei pakacah siam. Ini lac jalan piah dom adei nao pakacah Asean saong dunya".

 # Anak bruk tua riya pandiak bhang meda rah tabiak dalam vụ Hè Thu ini, Gah ngak nong tỉnh Quảng Ngãi brei cakak trun 3.000 ha taneh ngak padai pak dom labik kan hu aia piah salih tapa pala dom janih phun pala tamuh hu dalam pandiak yau phun tangeiy lai, ratak lo, bei plom... Ong Đào Minh Hường, Phaok Akaok Sở Ngak nong saong patagok palei pala tỉnh Quảng Ngãi brei thau: “Karja palei saong dom jabat chuyên môn di dom huyện yau: Duk ngak nong, balai pachreih nong njauk gam haong puk palei dang mikva bruk ini. Khaol drei khoanh vùng saong khaol drei hu panuac kakei samar oh njauk lac caik ka mikva caluai ta-eng. Hu biak ralo labik urak ini lac urang nong oh thau lac vụ hè thu tal hu ginup aia halei oh”.

# Urak ini, dalam tỉnh Thừa Thiên Huế hu jaik 2.000 labik sraiy Bảo hiểm Xã hội, Bảo hiểm Y tế, Bảo hiểm thất nghiệp, ngan saong jien sraiy abih tih labaih  140 tỷ đồng. Dom labik sraiy dui atah rilo bhian laik tame doanh nghiệp langiu quốc doanh, saong jien sraiy labaih 102 tỷ đồng. Makna  lac doanh nghiệp gaok kan kandah dalam ngak mbang, pablei salih. Min jeng daok rilo labik patagok oh ka tani tanat min cố tình meblah jien Bảo hiểm xã hội.

# Phaok Akaok Ủy ban bhap bani tỉnh Đắk Nông bahrau mboh tangin tame harak tacei pato dom gah chức năng di tỉnh samar pataom tame langyah  bruk mbuan ba tal nerak aia pak binek thủy điện Đắk R’tih – halau aia brei tamo ka sang mac aia Gia Nghĩa.  Tui nan, harak brei thau cambaih laih tình trạng raong ikan dalam bai (darum) dalam dom baoh binuk kavei saong dom gara ô tô tapen binek daok rah tabiak di tanut báo động, ngak nerak tal halau aia, pambak tapak tal pren yava di anek manuac. Tỉnh Đắk Nông hu dua mbang tacei pato dom jabat pambuak pagam tal tame xử lý min tal ini jeng oh ka mboh hagait.

# Pasak ia hacih saong hacih sat alam moi truong palei pala tỉnh Bình Định kham merat dak padang blaoh blai rilo công trình ia hacih duh ka bhapbini di bilan hè 2016, piah samal langyah dom kan kandah ka ia hacih ngak mbang ngak huak di bhapbini, abih di nyu nan lac bhum gaok pandiak bhang trak saong mbuan si kurang ia pandar. Anak meta, tỉnh jhul khang bruk padang ngak công trình ba ia pandar Đông Nam huyện Hoài Nhơn piah ngak blaoh blai saong ba tame pandar di bilan 6/2016. Langiu nan, ramik pasiam rilo labik ba ia praong dalam tỉnh saong padang veik yaok pluh km jalan ống ba ia nao ka dom xã thulagu; ramik pasiam 950 đồng hồ  ia di bhapbini piah pambuak pagam pambak praong bruk ba ia ka dom sang dalam tỉnh .

# Tal 10 tuk page harei 24/5, jabat chức năng tỉnh Bình Thuận hu brei thau taong abih angan je di 12 urang metai dalam mbang njauk bala angaok jalan pak huyện Hàm Thuận Nam, tỉnh Bình Thuận. Ong Phạm Văn Nam, Akaok Sở Pajeng ba nao mai Bình Thuận brei thau, bruk dut iek AND di 6 urang puac abih hu Viện Khoa học Hình sự brei thau. Ong Nam khan lac, tỉnh Bình Thuận meda palaghaih ka dom baoh sang hu urang metai  samar ba urang metai mai palei ngak ndam.

Khaw tin dunya:

# Campuchia barau pacang cakak hu bruk “harei theim sambo mau jhuk” tabiak jalan kayua dom gah langiu rajaei dalam taneh ia ba tabiak. Jaik sa bilan dahlau thiah, gah chức năng Campuchia hu mek 4 urang di kapul langiu rajaei saong sa phó Tổng thư ký di Ủy ban pilih ruah negar Campuchia ka tội tham nhũng. Min, hadei di nan, dom gah di langiu rajaei dalam taneh ia Campuchia ye  Át Hóc (ADHOC) saong Li Ca Đô (LICADHO) ba tabiak saong peih ngak chiến dịch “harei theim sambo mau jhuk” nan lac harei theim yaok adit cuk ao jhuk tabiak jalan ieu rajaei palao tabiak dom urang daok mek kareik.  

# Pak Bắc Kinh, Pasak ASEAN - Trung Quốc pambuak haong Đại sứ quán dom negar ASEAN pak Trung Quốc peih ngak Lễ khai mạc adit pahadar 25 thun dak padang talei pambuak bruk nao mai ASEAN-Trung Quốc. Adit pahadar rah tabiak meng harei 23 tal 29 bilan 5 pak dua bal Bắc Kinh saong Thiên Tân ngan haong ralo bruk ngak karei di gauk yau: Nyaom biai ka siam lagaih saong cuang kandah ngan ngan haong Cộng đồng kinh tế ASEAN, Diễn đàn du lịch ASEAN - Trung Quốc, harei pataom mbaung huak dom negar ASEAN...

# Gah lin tasik Pháp brei thau sa kapal prong di taneh ia ini hu pataom tame duah sruh kapal ahaok  MS804 di hãng kapal ahaok  EgyptAir laik di Địa Trung Hải harei 19/5. Kapal ini hu dom thiết bị dò sóng âm meda taduan mek dom "tín hiệu âm thanh" ba tabiak ala ia meng pandap ghi dữ liệu mbang par – bhian hu ieu lac hộp jhul ,  duh ka dom bruk dut iek  hàng hải, dom bruk daong saong dut iek di kapul cảnh sát tasik./.