# Ủy ban Bhap bani tỉnh Bình Phước bahrau peih pakak vaktu I Labik Khik ramik ilamo bangsa S’tiêng Sóc Bom Bo, huyện Bù Đăng. Dự án hu peih ngak meng thun 2011, angaok mblang taneh prong labaih 113ha, phun jien buh tame ngak jaik 300 tỉ đồng meng kadung jien karja saong manuac urang buh tame. Dalam nan hu ralo hạng mục yau: sang tol meng kan di bangsa S’tiêng, sang piah ngak palei ngak meng kan… Labik khik ramik ini brei mboh gilac jalan diuk rai ilamu meng kan mai di urang S’tiêng Sóc Bom Bo.

# Dalam dom thun tapa, meng rilo phun jien di dom danakdak bruk ngak negar, jien TW daong saong kadung jien karja palei, tỉnh Bình Thuận hu pataom tame padang ngak hạ tầng thiết yếu di dom xã bhum ceik, bhum glaong, bhum bhapbini bangsa takik ngan saong 238 công trình, tui yaom jien labaih 356 tỉ đồng. Urak ini, rilo xa bhum ceik, bhum glaong, bhum bhapbini bangsa takik jeng hu jalan oto nao tal pasak xa saong dom palei;  hu điện pandar, hu bilai iek ruak, hu sang bac meng mầm non tal trung học cơ sở, taong abih 11 xa bhum glaong hu cua hang…rilo bineh, danao padang ia, trạm bơm, kraong ribong ia jeng hu padang ngak pabak ka bruk pala drak saong ngak mbang ngak huak di bhapbini.

#  Ủy ban bhap bani tỉnh Ninh Thuận bahrau tabiak bruk peih ngak vaktu sa đề án “Patrun bruk khin tok gauk tuk daok sit saong gauk gar talei but pajaih khin gauk dalam bhum urang bangsa takik, vaktu 2015-2020”.  Đề án piah paglaong hatai saneng saong ý thức pháp luật, pasalih akaok saneng jalan ngak dalam bruk khin gauk, tok gauk dalam bhum urang bangsa takik, patrun tỷ lệ khin tok gauk tuk daok sit saong gauk gar talei but pajaih khin gauk. Kham merat tal thun 2020, Ninh Thuận pacang cakak hu, pakadul likuk bruk khin tok gauk tuk daok sit saong gauk gar talei but pajaih khin gauk dalam bhap bani.

# Lambaok mban Tôn giáo tỉnh Tây Ninh barau nao ravang tan bac Qur’an, hukum Islam khóa 1 di sang megik Nourul Ehsan, xã Tân Phú, huyện Tân Châu. Ini lac tan bac hukum pakat glaong akaok meti hu mban Đại diện peih pato di sang megik Nourul Ehsan. Tan bac pachreih hu 50 anek saih lac anek kamuan di urang Cam Islam dalam tỉnh Tây Ninh, saong tukvak bac lac 1 thun.

# Melam 23/11, pak Khu di sản Hoàng thành Thăng Long, Hà Nội meda rah tabiak bruk pahadar 70 thun padang UNESCO piah meyaih khan dom jak jeng dalam 70 thun tapa di UNESCO pagam bruk ngak ini haong yaom ilamo, dakrai sajarah, pok paglaong yaom pakat dunya khu inem mek dakrai sajarah labaih 1.000 thun. Taphia di nan, Ủy ban Bhap bani bal Hà Nội meda daok peih ngak ralo bruk hu mboh di meta, pagam haong Danak dak thun du lịch negar 2015 ngan haong angan “pambuak pagam dom inem mek dunya”.

# Kapul urang vak van Việt Nam barau peih bruk tabiak mbaok baoh tapuk “ nhật ký trong tù” di Chủ tịch Hồ Chí Minh lang tapa akhar Anbani. Ini lac blah lang akhar kayua urang vak thơ - dịch giả Gjeke Marinaj – urang Mỹ asal Anbani peih ngak. Ong kham merat ngak dalam tukvak tapa, roh duah ralo ban dich saong gam bản thơ akhar Hán di “Nhật ký trong tù” piah hu sa văn bản lang tapa akhar Anbani siam di abih. Mbang akaok mereip xuất bản, “Nhật ký trong tù” hu in 5.000 baoh saong patabiak di dom taneh ia Anbani, Hy Lạp, Kosovo, Macedonia, Montenegro saong  Serbia. Tal urak ini, tác phẩm “Nhật ký trong tù” di Chủ tịch Hồ Chí Minh hu lang tabiak 25 sap di dunya .

# Festival tea Thái Nguyên – Việt Nam mbang ka 3 meda rah tabiak meng harei 26 tal harei 28/11 tal pak bal Thái Nguyên saong dom palei tea daneiy angan yau: Tân Cương, Trại Cài, Điềm Mặc, Phú Đô. Festival tea Thái Nguyên – Việt Nam mbang ka 3 hu angan “Tinh hoa tea Việt”. Langiu bruk hu mbaok di 25 doanh nghiệp, 50 palei ngak tea daneiy angan dalam tỉnh, Festival tea Thái Nguyên – Việt Nam mbang ka 3 daok hu mbaok di dom kapul nyaom dunya yau Trung Quốc, Ấn Độ, Nhật Bản, Hàn Quốc, Srilanca, Nga, Thổ Nhĩ Kỳ.

Khaw tin dunya

# Thủ tướng Trung Quốc Lý Khắc Cường barau brei thau, taneh ia daok patagok dom janih radaih patak pataom năng lượng saong radaih pandar năng lượng barau. Ông Lý Khắc Cường brei thau, bruk patagok di gah padnar dom janih radaih patak pataom năng lượng meda daong gah công nghiệp ô tô patagok, pagalong bruk meriak gauk di dunya saong jhul patagok khang kajap. Thủ tướng Trung Quốc ieu jhul pakhang roh duah, sang tao dom mo hinh pablei salih piah peih praong darak pasal pandar siam dom radaih năng lượng.

# Dhur mur kayua khuah glai di In-đô-nê-sia ngak ka bruk ô nhiễm không khí pak dom labik gah Meraong negar Thái Lan trak abih dalam 10 thun tapa. Dom urang ngak prong di Thái Lan jeng brei thau, ralo mbang par njauk brei padeih pak dom labik rivang ma-in daneiy angan di Thái Lan. Dom urang ngak prong di Thái Lan brei thau, chất lượng không khí trun di tanut oh siam ka pren yava anek manuac pak 7 tỉnh gah meraong, abih di nyu nan lac pak tỉnh Song-khla-labik hu ralo mbang par njauk klak nao.

# Akaok mintri Nội vụ Đức Tô-mát đờ Mai-di-ê (Thomas de Maiziere) barau brei thau, dom sarak nhập cư jeng hu dua gah, saong sa mbang tra ndom lac, urang nhập cư halei mai tal Đức oh lac urang caong daong khik caga ye njauk ba nao veik taneh ia nan. Hu rilo urang Đức pachreih tui sarak “cởi mở” di Thủ tướng Đức An-giê-la Méc-ken, min jeng hu urang oh njauk hatai tuk mboh lac, bruk urang di cư tuh mai meda ngak kan kandah ka rajaei./.