# Harei dit tal, 6/12, pak labik Mblang bein Thống Nhất saong Hồ Thiền Quang, Hà Nội meda rah tabiak bruk nduac kayua uranaih Hà Nội thun 2015. Ini lac bruk ngak pahla ndung bak hatai anit ranam anek menuac, daong paglaong akaok saneng saong trách nhiệm di menuac sia dalam bruk iek glang pren yava daong ka dom uranaih njauk ruak ung thư saong ruak baoh hatai.

# Meng akaok thun tal ni, tapa dom danak dak brei mesraiy ka boh sang kan kathaot, jiak si kan kathaot, Dhar gilang pariak sarak karja tỉnh Yên Bái hu brei ka labaih 22 ribau urang mesraiy abih tih jiak 590 tỷ đồng, samu 97% bruk ba tabiak dalam thun. Meng yaom jien sre, mik va dom bangsa patagok bruk rong glang menuk ada, athur raong, pala glai…Meng nan hu dong ka jiak 1000 boh sang di tỉnh tabiak truh kan kathao. Gam saong bruk jhul khang bruk brei mesraiy, bruk paglaong siam mekre bruk brei sre jeng hu dhar gilang pariak sarak karja tỉnh Yên Bái caik hatai sangka.

# Tỉnh Ninh Thuận bahrau peih bruk phong tặng, truy tặng angan “Amaik Việt Nam Anh hùng” piah pok meyaom bruk rik daong prong glaong di dom amaik brei ka bruk peih paha bangsa, dak padang saong khik caga palei negar. Dalam mbang ini, tỉnh Ninh Thuận hu 5 amaik hu phong tặng saong 22 amaik hu truy tặng angan “Amaik Việt Nam Anh hùng”, patagok taong abih amaik hu phong tặng, truy tặng angan “Amaik Việt Nam anh hùng” dalam tỉnh tagok 258 amaik.

# Meng rilo thun ni mai, tỉnh Gia Lai hu ieu pataom rilo gah, pataom tame ka an sinh XH dalam bhum urang bangsa takik piah paglaong rai duik ka mik va song khik caga siam mekre di dom puk palei. Thun ni, meng yaok rituh tỷ đồng brei mesraiy, Gilang pariak sarak karja Gia Lai hu dong ka 9000 boh sang kathaot song labaih 6000 boh sang jiak si kan kathaot hu jien patagok bruk ngak mbang, ba bruk ngak ka labaih 1500 urang, palagaih ka jiak 1000 anek saih, SV hu nao bac daa.

# "Salih bahrau jalan ndom puac daok dang di urang jakar y tế pamaong tal bruk njauk hatai di urang ruak" nan lac angan di nyaom biai kayua Mentri Y tế peih ngak pak bal Cần Thơ, harei 24/11. Hadei di 6 bilan peih tabiak jalan talei pandiak, tapa tổng đài, gah y tế taduan mek hu jaik 8.500 mbang iew phon khan brei thau di bhap bani. Tui Mentri Y tế, tukvak anak tal gah y tế daok ramik pasiam, padang bruk ndom puac daok dang di urang jakar y tế tui jalan “mai tal taduan raok bui sambai, daok vek iek glang abih hatai, nao sang kakei cambaih laih”, mek manuac ruak ngak pasak; padang kapul iek glang urang mai iek ruak. 

# Nyaom biai pambuak bruk KT bhum taneran krong CL, Hậu Giang meda rah tabiak meng harei 22 tal harei 29/11 di Hậu Giang saong 10 bruk ngak prong. Nyaom biai lac sa dalam dom bruk pambuak gauk praong piah jhul khang bruk yaih khan thaot binguk song pren khang di bhum. Patagok talei pambuak bruk KT, dak padang dom tỉnh, ban sit dom mintri, dom gah di TƯ.  

# Peih mbang jak ba dak padang bruk “Ilamo nao mai haong siam mekre angaok kraong ribaong” kayua Ban An toàn giao thông pakat negar peih tabiak, tal urak ini, tỉnh Tiền Giang hu padang saong khik siam 32 mô hình “Ilamo nao mai angaok jalan kraong”. Tapa peih ngak dom mô hình “Ilamo nao mai angaok kraong”, bruk an ninh trật tự, an toàn nao mai angaok jalan hu salih bahrau biak siam. Trung tá Võ Văn Thường, Akaok Trạm kiểm soát Vàm Kỳ Hôn, Phòng Cảnh sát jalan aia (Công an tỉnh Tiền Giang) brei thau: Bến đò ngang ye meng nan mai jeng khik hu siam mekre. Tok hu dom tuk tabung glaong anek saih nao tapa dom bến. Bruk nan balai biak caik hatai, tuk nao pasang iek ye pataom tame pak nan, bhian hu panuac kakei, pajeng ginup menuac njauk quy định. Taphia di nan kakei cuk ao phao, caga ginup pandap cứu sinh, cứu hộ piah tuk hu bruk rah tabiak ye samar daong.

Patui di ni dom khau tin dunya:

# Dalam sa bruk pagam tal khủng hoảng nhập cư, dom urang dang akaok di LM châu âu EU song Thổ Nhĩ Kỳ hu taom gauk di Brúc-xen (Brussels) Bỉ harei  29-11 anak tal piah ginum biai jalan langyah bruk khủng hoảng di cư biak khang urak ni. Urak ni dom urang dang akaok EU dok dang anak bruk khủng hoảng urang tỵ nạn prong di abih kuhria meng hadei di tuk mesruh metak dunya mbang ka 2 song dok samar duah bruk dong di karja Thổ Nhĩ Kỳ piah pacang cakak urang di cư tuh tame EU tapa negar ni.

# Akaok mentri Quốc phòng Nhật Bản Gên Na-ca-ta-ni (Gen Nakatani) hu taom gaok dom urang jakar quân sự pakat glaong Mỹ pak Ha-oai (Hawaii). Ini lac mbang taom gaok akaok meti di Akaok Mentri Quốc phòng Nhật Bản haong dom gah pambuak bruk Mỹ. Dalam mbang taom gaok haong urang dang akaok Bộ Chỉ huy Thái Bình Dương Mỹ Ha-ri Ha-rít (Harry Harris), dua gah hu ginum biai ralo kadha prong, dalam nan ndom khang tal bruk an ninh bhum châu Á - Thái Bình Dương, bruk Biển Đông, biển Hoa Đông saong danak dak pambuak bruk phòng thủ tên lửa đạn đạo di Mỹ haong Nhật.

# Iran cong lac bruk njauk gauk gah hạt nhân haong dom negar dunya di bilan 7 meng bloh, dalam nan dom jalan trừng phạt Iran hu tah klak, meda hu peih ngak di akaok thun tal. Ni lac panuac di akaok kapul ginum biai hạt nhân Iran Áp-bát A-rắc-chi (Abbas Araqchi) hadei di mbang taom gaok Tổng Giám đốc jabat Năng lượng nguyên tử dunya  (IAEA), lac labik hu brei bruk pasang iek Iran peih ngak thỏa thuận ni./.