# Thủ tướng Raja-ei bahrau mboh tangin brei peih ngak Danak dak khik caga uranaih vaktuk 2016 - 2020 tui jalan ngak lac taong abih jeng hu khik caga piah patrun bruk mbuan laik tame rai diuk biak karei. Uranaih hu rai diuk biak karei hu daong ba, iek glang piah pasiam vei, yam tame rai diuk saong hu cjalan cakrok patagok. Danak dak kham merat patrun bruk uranaih hu rai diuk biak kan kandah trun daok 5% dalam abih tih uranaih dut haong akaok kỳ; trun bruk patagok uranaih njauk xâm hại. 90% uranaih hu rai diuk biak kan kandah hu daong ba, iek glang piah pasiam veik, ba drei tame raidiuk saong hu jalan cakrok patagok. 

# Thun 2015, klup kapul khan bai di urang kamei Xa Phó, ở xã Nậm Sài , huyện Sa Pa, tỉnh Lào Cai pứt meng tangin hu meng 5 tal 6 ribau pandap ngan saong 15 mẫu pablei tabiak negar langiu. Klup kapul hu ba bruk ngak ka 35 urang nan lac urang kamei bangsa Xa Phó  di puk palei, yaok urang dalam dom harei laneng lanoi hu jien mek tame jaik 1 tal 1 triệu meteh yaok bilan.

            # Meng 13 danak dak brei mesraiy ưu đãi dalam tỉnh, tal tukvak ini, Gilang pariak sarak karja tỉnh Lai Châu hu brei mesraiy  1.250 tỷ đồng, tagok 150 tỷ dut haong thun 2014. Phun jien brei mesre pataom tame danak dak brei ka urang kathaot, jaik kathaot mesre, brei mesre ngak mbang pablei salih bhum kan kandah, brei mesre aia hacih saong vệ sinh môi trường. Ong Hán Quang Hưng, Phaok Akaok Gilang pariak sarak karja tỉnh Lai Châu brei thau: “Piah phun jien brei mesre dom danak dak  patagok hu kein laba, langiu bruk pasang iek bruk pandar phun jien di gilang pariak ye njauk hu mbaok di dom gah yau pachreih nông, pachreih glai, peih dom tal pato pathram panduan jao ilamo khoc học gah pala drak, raong glang atau dom tal pato bruk ngak piah meng nan phun jien brei mesre hu kein laba jang”.

# Hadei di 5 thun peih danak dak palei pala barau, mbaok meta palei pala tỉnh Bình Thuận hu salih barau biak cambaih laih. Meng pren yava di xã hội, Bình Thuận padang ngak hu labaih 1.460 km jalan mbak palei pala, buh jien tame ngak ralo công trình duh ka bruk ngak mbang pala drak saong rai diuk, rik daong pagalong jien mek tame yaok tui  akaok menuac tagok 30 triệu đồng di thun 2015, ralo jang 2 mbang duk saong 5 thun dahlau.

# Công ty Xổ số kiến thiết Sóc Trăng pambuak bruk haong Sở Y tế Sóc Trăng bahrau peih bruk jao 4 radaih cứu thương  ka dom Sang iek ruak đa khoa, pasak y tế huyện, bal sit nan lac: Cù Lao Dung, Long Phú, Vĩnh Châu saong Trần Đề. Ini lac mbang jao radaih ka 5, patagok sruh radaih cứu thương kayua Công ty Xổ số kiến thiết Sóc Trăng daong brei nan lac 9 sruh. 

# Tỉnh Tiền Giang kham merat tal thun 2020, hu labaih 22.000 ha padai hu tame “mblang hamu praong” meblah jaik 25% duk saong abih tih taneh ngak padai di tỉnh. Dom taneh hu tame danak dak ini lac taong abih taneh ngak tui tanut chuẩn Viet Gap, yaom phun trun 10%, jien mek tame hu rilo jang labaih 10% duk saong jalan ngak meng kan. Piah ngak hu bruk ini, sở ngak nông saong patagok palei pala tỉnh, Công ty Lương thực Tiền Giang mbaoh tangin pambuak bruk saong dom doanh nghiệp dalam saong langiu tỉnh piah peih ngak dom sarak daong padai pajaih, jru khik caga phun pala saong pataom blei padai ka urang nông tui yaom glaong jang yaom drak 30%. 

# Pak xã Thạnh Tây, Kapul Pachreih bac huyện Tân Biên, tỉnh Tây Ninh gam haong dom urang daong brei hu peih bruk pok brei pok jien bac Daong pren tame sang bac ka dom anek saih kathaot, pachreih bac dalam huyện. Dalam mbang ini, kapul hu alin brei 100 pok pandap ka dom anek saih kathaot, hu rai diuk kan kandah saong anek saoh jaoh jo pak dom sang bac tiểu học, trung học cơ sở saong trung học phổ thông  daok pak xã Thạnh Tây; yaok pok jien bac 500.000 đồng, kayua dom ong bhik di baha Trúc Lâm, xã Thạnh Tây daong brei.

Patui di ini dom khau tin dunya:

# Lambaok mintri tình trạng khẩn cấp Nga brei thau, taneh ia ini hu payua pandap daong pahala mbang ka 48 ka bhap bini bhum t-mur Ucraina. Tui urang lambaok mintri ini, kapul radaih hu 100 sruh radaih tải pajeng pandap daong pahala nao meng pasak daong pahala Đôn-xcôi, gah meraong taneh Nga saong daok nao tal taphia negar saong Ucraina.  Lambaok Nga ndom lac taneh ia ini daok patui jalan daong pahala ka bhap bini bhum ti-mur Ucraina dalam thun 2016. 

# Đại hội đồng Liên hợp quốc hu 193 thành viên hu njauk hatai kadung jien 5,4 triệu đôla ka dua thun hadei, biar jang hasit dut saong kadung jien di 2 thun 2014, 2015. Kadung jien 5,4 triệu đôla oh ka kuhria jien ka dom bruk khik iek sron mbon salamat atau jien parabha ka dom kapul nyaom prong di Liên hợp quốc meng nan mai taduan mek hu jien daong brei sraoh di dom negar thành viên. Tổng

# Rajaei NB brei thau, hiệp định tự do pablei salih pambuak bruk xuyên Thái Bình Dương meda patagok GDP di taneh ia ini rilo jang 115 tỷ đô la. Min, rajaei NB jeng taong yaom, sản xuất dalam taneh ia di gah ngak nông, kaya ikan saong bruk taong cap ikan meda lahik nao 1,7 tỷ đô la./.