# Ủy viên Bộ Chính trị, Bí thư Trung ương Đảng, Akaok ban Tuyên giáo Trung ương Võ Văn Thưởng  hu ngak bruk haong Tỉnh ủy Cao Bằng ka bruk peih ngak bruk tuyên giáo pak tỉnh ini. Tapa nan, ong Võ Văn Thưởng ndom lac, Cao Bằng njauk sangka tal bruk patagok cơ sở hạ tầng jalan mbak nao mai piah pambuak pagam dom labik, ngak jeng mbuan laghaih dalam nao mai pablei salih patagok kinh tế; caik hatai khai thác dom inem mek dak rai sajarah hu siam mekre.

# Pagaiy harei 25/5, di Hà Nội, Ủy viên mintri Chính trị, Bí thư Trung ương akaok mBan Dân vận Trung ương Trương Thị Mai pan akaok var ngak bruk saong Ban thường vụ Trung ương kapul Chữ Thập đỏ Việt Nam ka bruk ngak hu di kapul di tukvak tapa. Di var ngak bruk, amuk  Trương Thị Mai ndom lac : Trung ương kapul  Chữ Thập đỏ Việt Nam njauk peih padang 1 tal 2 pasak duah asal kadha urang buh pren yava ka cách mạng daok caong khin daong; peih bruk brei darah, pataom tame daong tuk hu bala rah tabiak; roh duah peih praong bruk ngak sarak an sinh xã hội, ka sarak bảo hiểm y tế, bảo hiểm thất nghiệp, lương hưu di bhapbini.

# Hadei di 3 thun peih ngak Bảo hiểm xã hội, Bảo hiểm y tế, bhap bani tỉnh Bình Định hu paglaong akaok saneng saong ý thức dalam jang ka nghĩa vụ, trách nhiệm di drei tuk hu blei bảo hiểm xã hội, bảo hiểm y tế. Hatai saneng ka bruk ngak, labik dang, makna di bảo hiểm xã hội saong bảo hiểm y tế ngan haong bruk cakrok patagok saong grap tanat chính trị - xã hội dak harei dak ginup jang. Mai meng nan bo manuac urang blei bảo hiểm xã hội saong bảo hiểm y tế dak harei dak ralo. Manuac urang blei bảo hiểm y tế dut haong dân số meng 64,7% thun 2013 tagok 77% thun 2015. 

# Ủy ban pilih ruah tỉnh Bình Dương barau brei thau sơ bộ bruk pilih ruah urang  ka Quốc hội mbang XIV saong urang  ka Hội đồng bhapbini dom pakat tukvak 2016-2021. Tui nan,  urang ka Quốc hội di tỉnh hu pilih ruah 9 urang  saong dom urang trúng cử lac 9 urang, njauk tui bruk ba tabiak. Daok bruk pilih ruah Hội đồng bhapbini pakat tỉnh, dom labik pilh ruah jeng hu pilih ruah ginup. Dom cử tri nao pilih ruah hu tỷ lệ quy định yau nan ye oh hu labik halei njauk pilih ruah them atau pilih ruah veik. Cơ cấu urang jakar chủ chốt, akaok tỉnh, Thường vụ Tỉnh ủy, Tỉnh ủy viên saong dom urang jakar chuyên trách pakat tỉnh tái cử jeng hu trúng cử. 

#  Tui ong Trần Văn Quân, Ủy viên Thường trực Ủy ban bầu cử tỉnh Hậu Giang, bruk palih urang ka Quốc hội mbang XIV, tỉnh Hậu Giang mek hu ginup số lượng, cơ cấu thành phần saong trình độ urang njauk cử, ngan haong phiếu bầu meng 68,10% tal 75,28%. Cambaih laih, taong abih urang hu palih ruah lac 6 urang saong urang njauk cử lac 6 urang. Dalam nan, hu sa urang kamei, meblah 16,67%; tái cử hu 3 urang, meblah 50%. Tapa palih ruah urang ka Hội đồng bhap bani dom pakat tukvak 2016 – 2021 jeng  hu ginup số lượng, cơ cấu thành phần saong trình độ di urang njauk cử.

# Tui ông Hồ Thanh Sơn, Giám đốc Quỹ Bảo trợ uranaih (Sở Lao động, Thương binh saong Xã hội) tỉnh Tiền Giang, meng ini tal puac thun, brei peih ngak rilo danakdak siam lagaih piah daong jien ka labaih 10.000 uranaih sang kan kandah. Cambaih laih, daong 30 urang blac raih baoh hatai, 35 urang blac raih mbaih cambuai,  40 urang blac raih dom khuyết tật di meta; taphia nan, alin 200 paok jien bac ka dom urang anek di thương binh, liệt sĩ, sang kathaot takre bac, bac naih joi dalam thun bac 2015 – 2016.

# 120 doanh nghiệp dalam negar hu mbaok dalam Nyaom darak Hàng Việt Nam chất lượng glaong thun 2016 pak bal Cần Thơ. Nyaom darak rah tabiak meng ini tal harei 29/5, ngan haong 350 gian hàng, dalam nan hu: tiêu dùng samar, jik menyim, kim khí điện máy, pandap panda pandar dalam sang, jru cavao, pandap mbang menyum... hu parang pablei saong meyaih khan pandap panda pak nyaom darak. Amuk Võ Thị Hồng Ánh, Phaok Akaok Ủy ban bhap bani bal Cần Thơ brei thau: Nyaom darak Pandap Việt Nam chất lượng glaong daong ka mikva thau cambaih jang ka dom janih pandap panda chất lượng glaong di Việt Nam; daong ka doanh nghiệp khai thác saong pambuak bruk peih prong darak pasar jang yau duah thau hatai caong khin, hatai takre di urang blei pandar piah patui veik patagok dom janih pandap panda dịch vụ kien laba, chất lượng, an toàn saong abih di nyu lac ngak po hu darak pasa blei pandar.

Khaw tin dunya

# Gah ngoại giao Nhật Bản brei thau, Thủ tướng Nhật Bản Sin-dô Abê hu mbang ginum biai dua gah di melam  25-5, saong tổng thống Mỹ Barắc Obama saong Thủ tướng Anh Đa-vit Ca-mơ-rôn (David Cameron) dahlau di nyaom biai thượng đỉnh 7 taneh ia công nghiệp (G7) rah tabiak di I-sê Si-ma (Ise-Shima), Nhật Bản. Bruk duh hatai ka pren di kinh tế dunya meda lac asal kadha praong di nyaom biai G7, yaom lac kan si hu dom taneh ia dalamn G7 njauk gauk ba tabiak sarak kinh tế vĩ mô. Nyaom biai G7 jeng hu ndom tal dom bruk karei ye caga khủng bố, urang tị nạn, an ninh mạng, an ninh jalan tasik….

# Tui Gah di trú quốc tế (IOM), bruk manuac urang nhập cư tame Địa Trung Hải trun dalam tukvak jaik di ini meda brei mboh sarak siam jang dalam bruk khik iek manuac urang di cư tame ini. Ndom puac dalam mbang họp báo pak Giơ-ne-vơ (Geneva), Thụy Sỹ, urang tabiak panuac di Gah Di trú dunya Giô-en Min-man (Joel Millman) brei thau, kuhria meng akaok thun tal ini, hu 1370 urang nhập cư metai angaok Địa Trung Hải. Tui ong, ini jeng lac bruk biak jhak min anak meta nyu trun hu 25% dut haong tukvak ini thun dahlau.

# Dom chuyên gia y tế Liên hợp quốc brei thau, bruk pacang cakak ruak lao njauk hu jalan ngak barau. Tui gah Y tế dunya, sa phần klau menuac sia di dunya  hu ruak lao tiềm ẩn min oh ka hu chẩn đoán, dalam tuk bruk iek ruak abih biak rilo  jien ngak ka bruk caga ruak oh ka hu siam. Gah Sáng kiến y tế dunya (UNITAID) dahlau thiah hu đầu tư tame bruk  chẩn đoán, pacang caga, iek ruak HIV/AIDS daok hu danakdak đầu tư yau nan ka ruak lao, lac ruak ngak ka 1 triệu 500 ribau menuac metai yaok thun./.