# Patui veik danak dak mbang nyaom ka 31 di Ủy ban Thường vụ Quốc hội, harei 25/9, dom urang lambaok brei panuac ka Dự án Hukum pasiam veik, pabak dom paka di Hukum thuế tiêu thụ đặc biệt. Tapa ginum biai, mboh ralo urang njauk hatai haong quy định di Dự thảo hukum ka tanut  thuế suất thuế tiêu thụ đặc biệt ngan haong pakao hala. Yau nan min, urak ini bruk buôn lậu pakao hala dak harei dak ralo, bruk pacang cakak oh ka hu siam, pambak tal bruk pablei salih dalam negar. Meyah patagok thuế suất tiêu thụ đặc biệt ngan haong pakao hala di tanut glaong ye meda ngak patagok bruk buôn lậu pakao hala. Piah plaih ngak pambak tal bruk ngak tatiak ye lộ trình saong tanut tagok thuế yau đề xuất 5% nan lac hợp lý.

 

# Pagaiy 25/9, kapul urang nao pataom mbaok dalam nyaom roya mat tran negar Biet Nam mbang yaka 8 kayua ông Nguyễn Thiện Nhân, Ủy viên mintri Chính trị, akaok uy mban trung uong mat tran negar Biet Nam ba akaok hu nao am cuh gilau pahadar dom anh hung liet sy saong tame lang ravang CT HCM .Dom urang nan brei mboh hatai thanh kinh anak anh linh chu tich HCM, hadar tal bruk ngak praong glaong di Wa brei ka bruk cach mang hadah hadai di Dang saong bangsa drei. Abih di nyu nan lac, bruk ngak praong glaong di Wa dalam bruk sangka dak padang, khik ramik, pakhang, patagok bruk jum pataom abih bangsa. Bair harei, dom urang nan hu mbaok tame nyom phien tru bi. Harei ini, mban peh ngak nyaom roya hu peih parang iek thaot binguk ngan saong kadha “ mat tran negar Biet Nam saong bruk jum pataom abih bangsa, dak padang saong khik caga taneh ia”

 

# Thị xã Nghĩa Lộ, tỉnh Yên Bái daok kham merat peih ngak Đề án “Dak padang Thị xã ilamo – du lịch Nghĩa Lộ, tukvak meng thun 2013 tal thun 2020”. Jalan ngak di Dự án nan lac dak padang Thị xã patagok taong abih gah, paglaong rai diuk ka bhap bani; khik ramik, patagok ilamu siam gheih meng kan di dom bangsa takik; khik iek alam môi trường sinh thái pambuak pagam haong jhul patagok du lịch. Nan lac sa dalam 7 huyện, thị hu Mentri Ilamo – Padhih saong rivang ma-in quyết định dak padang Thị xã văn hóa điểm di negar.

 

# Tui mban tacei pato Tây Nguyên, taong abih dom xa di dom tinh Tay Nguyen jeng hu tram y te, pabak siam bruk iek glang pren yava tuk camereip ka bhapbini dom bangsa. Dom thun tapa, taphia bruk brei menuac nao bac megru piah mai ngak bruk y tế di palei, dom tinh Tay Nguyen jeng hu sarak pachreih y, bac sy mai ngak bruk di dom tram y te xa. Urak ini, dom urang jakar y te di dom tram y te xa lac 18.325 urang, tagok 3,5 mbang duk saong thun 2001.

 

# Hadei di tuk ngak bruk di huyện Chư Quynh, harei 22/9, tỉnh Đắc Lắc hu peih ngak chiến dịch kluak jru pacang caga Sởi – Rubella dalam tỉnh. Bal Buôn Ma Thuột, labik hu uranaih klauk jru ralo abih dalam mbang ini nan jaik 22 ribau uranaih meng sa tal lime thun. Bác sĩ Nguyễn Thị Thu Loan – Akaok Balai Y tế phường Tân Lập, bal Buôn Ma Thuột brei thau, hadei di 3 harei peih ngak, hu blaoh labaih 800/1.200 uranaih hu klauk jru pacang caga Sởi – Rubella siam mekre. “Dahlau si klauk jru ye taong abih ranaih hu khám sàng lọc, khám sàng lọc njauk ka nyu cambaih kayua lac bilan ini uranaih mbuan njauk viêm jalan suak yava, hu ralo jit ruak. Tal tukvak urak ini, balai y tế Tân Lập tạm hoãn 50 uranaih. Dom uranaih tạm hoãn ye hadei ini drei hu sa harei klauk veik. Urang khám sàng lọc jeng hu tư vấn ka amaik ame di uranaih tui iek uranaih hadei di 30 minit saong hadei di 24 tuk klauk. Urang ngak amaik ame jeng pambuak haong trạm, taong abih mikva thei thei jeng hưởng ứng chiến dịch ini saong nao tui njauk lịch trạm y tế.

 

# Rệp sáp bột hồng daok palai pajoa rilo mblang taneh pala bei plom pajaih KM94 di tỉnh Phú Yên. Urak ini, hu labaih 15 hécta di 4 xã pala bei plom di huyen Tuy An gaok rep sáp bột hồng palai pajoa meng 60% tal 90%. Chi Cục khik caga phun pala tỉnh Phú Yên daok pambuak bruk saong karja palei jak ba urang nong jah tak cip taneh pala bei plom nyaom ruak piah plaih pambak praong.

 

# Meng akaok bilan 10 tal mai, Sang iek ruak Chấn thương chỉnh hình bal raya Hồ Chí Minh meda peih Khoa vệ tinh pak Sang iek ruak đa khoa Sài Gòn. Ini lac sang iek ruak ka 5 pak bal raya hu peih ngak di Khoa vệ tinh. Bruk peih Khoa vệ tinh pak sang iek ruak đa khoa Sài Gòn piah paglaong chất lượng pasang iek ruak ka bhap bani. Khoa vệ tinh di sang iek ruak Chấn thương Chỉnh hỉnh bal raya hu 2 khoa nan lac: Chấn thương Chỉnh hình tổng quát hu công suất 100 baoh taneng saong Talang ka-ing hu công suất 50 baoh tanenh.

 

Khaw tin dunya

# Pandar sóng siêu âm tập trung cường độ khang lac jalan ngak barau piah iek ruak dom te bao ung thư nhất định, daong urang ruak meda mai sang hadei di tuk blac raih klak khoi u ac tinh saong pasiam pren yava samal jang. Dom bac sy blac raih di pasak  y tế Kếch (Keck) di sang bac đại học Nam Caliphoócnia (California) Mỹ, daok lac dom urang akaok meti pandar jalan ngak ini.  Jalan ngak ini pambak tame dom dao dong am thanh cuong do glaong oh meda pang mehit hu piah palai lihik dom te bao ung thu bo oh ngak khut dom mo jaik taphia.

 

# Liên minh Châu Âu bahrau brei thau, dom urang Châu Âu hu mbaok tame kapul nyaom khủng bố phiến quân karja Hồi giáo pak I-rắc saong Xy-ri hu tagok biak ralo dalam dom bilan tapa. Ong Gi-lét đơ Kơ-chốp (Giles de Kerchove) ngak gah jabat pacang cakak khủng bố di Liên minh châu Âu (EU) brei thau, hu jaik 3 ribau urang Châu Âu hu mbaok tame  bol lin phiến quân Karja Hồi giáo, tagok 1 ribau urang dut haong dua bilan dahlau.

 

# Sa kapul y te hu angan je di My kuhria mboh lac, tal dahlau bilan 1 thun tal, dom urang nyaom virut ngak metai menuac Ebola meda tagok tal 1,4 trieu urang meyah dom jalan pacang caga yau urak ini oh patagok hu siam lagaih. Kuhria tal harei 19/9 barau blaoh, urang metai kayua virus Ê-bô-la di Ghi-nê, Li-bê-ri-a saong Xi-ê-ra Lê-ôn tagok tal 5843 urang. Labaih 2800 urang metai kayua jit ruak kan kandah ini./.