Khaw tin dalam taneh aia:

# Harei 26/3, pak jabat văn phòng Quốc hội, akaok Quốc hội Nguyễn Sinh Hùng hu taduan raok Akaok mentri Ngoại giao New Zealand Murray McCully (Mơ-rây Mác-cơ-ly) daok hu mbang rivang saong ngak bruk pak Việt Nam. Dua gah brei mboh bruk praong di dom mbang taom gaok, ndom biai nao mai di kapul yau jalan ngak piah patagok talei pambuak dalam dom gah chính trị kinh tế, pablei salih, buh jien tame di dua negar. Akaok Quốc hội Nguyễn Sinh Hùng brei mboh hatai caong khin New Zealand daong ka Việt Nam dalam bruk ginum biai piah tame Hiệp định pambuak bruk xuyên Thái Bình Dương saong dom diễn đàn dunya karei. Daok gah New Zealand, Akaok mentri Mơ-rây Mác-cơ-ly caong khin tukvak anak tal dua negar njauk jhul pakhang jang talei pambuak bruk nao di Quốc hội Việt Nam saong nghị viện New Zealand tapa bruk ndom biai nao mai di kapul, patagok ilamu padang hukum.

# Harei 26-3, di Hà Nội, Ủy viên mintri Chính trị, akaok Ủy ban Trung ương Mặt trận negar Việt Nam Nguyễn Thiện Nhân dang akaok nyaom biai klah rabha ilamu saong patagok talei pambuak bruk piah paglaong kein laba dom mbang jak ba saong bruk pakacah anit ranam taneh ia. Tukvak tapa, mat tran negar saong dom jabat di Mat tran hu pambuak bruk saong dom jabat di karja peih dom bruk jak ba, dom bruk pakacah anit ranam taneh ia, rik daong siam mekre ka bruk kinh te – xa hoi di taneh ia. Min, bruk ngak ini daok rilo tavak tavaiy, abih di nyu nan lac bruk pilih ruah dom angan pakacah rilo labik daok ngak meng ngak, bruk dak padang, pambak praong menuac urang hadah krah oh ka hu sangka njauk tanut.

# Kuhria tal harei ini, tỉnh Đồng Nai hu mek gilac 318 dự án hu phun jien buh tame tapak meng negar langiu, dalam nan hu 186 dự án dalam khu công nghiệp saong 132 dự án langiu khu công nghiệp. Urak ini tỉnh ini hu 31 khu công nghiệp hu ba tame ngak, pachreih hu jaik 1.400 dự án hu phun jien buh tame ngak tapak di negar langiu ngan haong phun jien buh tame labaih 24 tỉ 500 triệu đô la Mỹ.

# 99.000 tấn brah nan lac chỉ tiêu tỉnh Long An hu parabha dalam sa trieu tan brah tui bruk blei caik piah padai, brah bilan dong xuan 2013-2014 di Thủ tướng Rajaei, tukvak blei meng harei 15/3 tal 30/4. Piah blei hu kadung brah ini sumu 198.000 tấn padai, Long An hu jao bruk blei ka 16 doanh nghiệp dalam tinh.

# Thun bloh, yaom lac bruk ngak mbang kinh tế dalam negar daok gaok ralo kan kandah min bruk jak ba Kadung jien brei ka urang kathaot di bal raya Hồ Chí Minh mek hu biak glaong: labaih 122 tỷ đồng, tapa tanut ba tabiak labaih 52 tỷ saong hu buh tabiak jaik 130 tỷ đồng. Langiu di nan, dom kapul nyaom dalam Mặt trận, hội đoàn, tổ chức… jeng jak ba saong iek glang, daong tapak ka urang kathaot labaih 290 tỷ đồng, daong patrun baoh sang kathaot dalam bal raya meng 2,12% trun daok 0,57%.

# Pahadar 83 thun harei padang Kapul dam dara cộng sản Hồ Chí Minh (26/3/1931- 26/3/2014) saong 68 thun harei padhih Biet Nam (27/3/1946 – 27/3/2014), harei 26-3, rilo tinh, ban dalam taneh ia hu peih ngak rilo bruk chreih chrai:

Di Hà Nội, Kapul dam dara Cộng sản Hồ Chí Minh, mintri Công an peih harei pataom võ thuật dam dara công an mbang yaka 3- thun 2014 saong labaih 2 rabau vận động viên mai meng 33 labik, puk palei mai pataom mbaok. Di harei pataom ini, dom van dong vien parang mein saong pakacah dom bruk methuh, alamu cap mek kol kanjah jhak...

# Pak Đà Nẵng, Sở Nội vụ pambuak haong Thành Đoàn peih diễn đàn “ndom biai nao mai bilan 3, bruk ngak di dam dara dalam cakrok patagok kinh tế- xã hội”. Danak dak ini pataom tame dom kadha, dom sarak pambuak pagam tapak tal bruk patagok di dam dara. Ini lac labik piah ka urang pal akaok bal Đà Nẵng saong dom jabat chức năng klah rabha, caik hatai tui pang, duah thau hatai caong khin di dam dara dalam bruk cak rok patagok kinh tế xã hội, daong padang hatai jia saong paglaong hatai sahneng di dam dara ngan haong bruk cak rok patagok di bal sit Đà Nẵng.

Khaw tin dalam taneh aia:

# Harei 26-03), bruk duah sruh kapal ahaok MH370 di Malaysia lahik kayua Ôxtrâylia ba akaok hu peih veik di Nam Ấn Độ Dương, tuk lingik tasik hu siam lagaih veik. Dom urang ngak praong di Malaixia jeng khan brei thau cambaih ka bruk langyah dữ liệu ba tal panuac lac sruh kapal ahaok nan nyu laik trun Nam Ấn Độ Dương saong oh hu thei daok diuk.

# Jabat Khí tượng Trung Quốc bahrau ini brei tabiak cảnh báo sambo màu kanjik katam ka bruk dhul mul kapal meda pambak tal dom labik Bắc Kinh, Thiên Tân saong tỉnh Hà Bắc dalam 3 harei anak tal. Tui Pasak khí tượng pakat negar Trung Quốc, langik tasik hu aia kakuan meda hu mboh di bhum gah Barak Trung Quốc saong dom labik kraong Hoàng Hà saong kraong Hoài. Dalam tuk nan, dom labik di Bắc Kinh, Thiên Tân saong dom tỉnh yau Hà Bắc, Sơn Đông, Liêu Ninh meda njauk ô nhiễm không khí trak.

 # Piah daong langyah bruk kurang sang daok di Philipin, barau ini, sa  doanh nhân urang Mỹ asal Philippin hu hatai saneng tal bruk brei padang dom baok sang bướm”. Ini lac sang hu padang haong khung meng thép, meda lauk hu saong tok lahik labaih 15 minit piah padang tagok. Ngan saong taneh  praong 11,5 mét vuông saong jien  padang ngak abih jaik 1000 đô la Mỹ, sahaneng lac nyu meda daong hu binah halei ka raidiuk kan kandah di bhapnini pak ini. Tal urak ini, sang bướm” ini taduan mek hu 5 rabau harak tut angan ngak./.