# Pak Hà Nội, Mentri ilamo – padhih saong rivang ma-in, Ủy ban bhap bani tỉnh Kiên Giang peih nyaom biai Ban Tacei pato, Ban Peih ngak Thun rivang ma-in pakat negar – Kiên Giang thun 2016 mbang ka sa. Thunrivang ma-in pakat negar 2016,  Kiên Giang tui kuhria hu dom bruk ngak yau harei nyaom Hội chợ ẩm thực bhum taneran Cửu Long; Giải vô địch pakacah thuyền rồng pakat negar; Giải Teakwwondo ranaih anek saih gah Meraong; Harei nyaom đàn, daoh kadha daoh bhap bani, trọng tâm nan lac đờn ca tài tử; parang iek tranh cổ động jalan phố “Pulao tasik saong palei negar”…

# Cục Nghệ thuật parang me-in, Mintri ilamu Padhih song Rivang ma-in bahrau peih họp báo “Harei patom ragu ragam meng kan dom negar ASEAN 2015” ngan saong kadha: Pambuak pagam dom inem krung dunya. Harei patom hu rah tabiak meng harei 1 tal harei 8/8 di tỉnh Thanh Hóa. Dom danak dak hu mbaok di harei patom hu asal kadha song jalan parang iek biak gheih yau độc tấu, hòa tấu alat ragam, parang main dom janih lagu doh, mblang ca kịch meng kan, doh ragu bhap bini.

#  Nyaom pakacah Cảnh sát giao thông naih jioy tỉnh Lào Cai thun 2015 hu rah tabiak anak bruk hưởng ứng di ralo bhap bani urang jakar chiến sĩ dalam lực lượng Công an tỉnh saong bhap bani dom bangsa dalam tỉnh. Ini lac sa dalam dom bruk ngak pamong tal pahadar 70 thun harei ilamu Công an bhap bani. 10 kapul hu mbaok tame nyaom pakacah nan lac 45 urang jakar, chiến sĩ mai meng Phòng Cảnh sát giao thông, Công an tỉnh Lào Cai saong 9 Đội cảnh sát giao thông di dom huyện, bal sit dalam tỉnh. Thành viên dom kapul nyaom brei mboh tài năng tapa dom binah pakacah: văn nghệ, ứng xử tình huống, tổng hợp ilamu ka hukum nao mai angaok jalan…

# Di Ha Noi, mintri ngak nong song patagok palei pala bahrau peih nyaom biai pataom iek veik 5 thun peih bruk salih bahrau hành chính tuk vak 2011-2015 song jalan salih bruk hành chính tuk vak 2016-2020. Dalam tuk vak meng thun 2011-2015, peih ngak nghị quyết 30c di rajaei ka danka dak salih bahrau hành chính karja, mintri ngak nong song patagok palei pala hu patabiak song pok tagok dom jabat thẩm quyền 323 văn bản, kuhria rah tapa hu 72 harak văn bản dalam sa thun, dalam nan hu 3 hukum lac khik caga song dut iek thực vật, hukum pacang caga bala memng lingik tasik, hukum Thú y.

# Pak Mblang kabo liệt sĩ Dốc Bà Đắc, xã Thới Sơn, Tịnh Biên, Ủy ban Bhap bani tỉnh An Giang bahrau peih ngak lễ cải táng 205 talang liệt sĩ bol lin halar htian Việt Nam van klaak rup drei tapa dom saman mesruh metak angaok taneh Campuchia, kayua Đội K90 (Quân khu 9) saong Đội K93 (An Giang) roh duah, mek talang saong ba mai palei dalam bilan thu thun 2014-2015. Dalam nan hu 85 talang hu pataom caik pak Tri Tôn saong Tịnh Biên. Dahlau di nan, pak quận Kirivong (tỉnh Takeo, Vương quốc Campuchia) jeng rah tabiak bruk pok jao saong taduan mek 18 talang liệt sĩ bol lin halar hatian Việt Nam.

# Mintri Công thương brei adat peih bruk “rami ramik patagok jalan nding xăng menyek VN tal thun 2020 song pamong tal thun 2030” Tui nan, brei padang jalan nding meng sang mac halang menyek Long Sơn, tỉnh Bà Rịa-Vũng Tàu tal tổng kho xăng menyek Nhà Bè, huyện Nhà Bè, ban raya Hồ Chí Minh, atah abih tih 52 km (hu 2 dhar nding ka 2 janih xăng song diesel) nao tapa cụm cảng xăng menyek Nhơn Trạch.

# Urang dang akaok dom negar Pháp, Đức, Nga saong Ucraina bahrau hu mbang taong phon ndom biai ka tình hình Ucraina.Tui thông tin meng văn phòng Tổng thống Pháp Ô-lăng (Hollande), pak mbang ginum biaia, urang dang akaok 4 negar hu njauk hatai lac dom gah pak Ucraina njauk samar mboh tangin tame dom harak sanya ka bruk peih prong lệnh brei padeih mesruh metak pak gah Pur negar ini. Raja-ei Ucraina saong bol lin đối lập dahlau nan meng adit dahlau hu njauk gauk brei rút radaih tăng saong hệ thống phao ndao tabiak truh jalan tapen negar tui harak sanya hu mboh tangin blaoh pak Min-xcơ (Minsk) meng bilan 2.

 Khaw tin dunya:

# Bruk patagok di bạo lực cực đoan song khủng bố di Trung Đông dok caih tabiak rilo kan kandah ka bruk padang Karja Palextin độc lập song an ninh di Ixraen. Ni lac sa dalam dom kadha hu ndom tal dalam pathau khan di Đặc phái viên Liên hợp quốc ka bruk Trung Đông Mla-đen-nốp (Nickolay Mladenov) bahrau payua tal  Hội đồng Bảo an Liên hợp quốc. Ixraen meblak mek Bờ Tây song Đông Giê-ru-xa-lem dalam mbang mesruh metak Trung Đông thun 1967.

# NASA bahrau brei thau tin biak tatuak drei, hu duah mboh baoh taneh ka 2, ini lac “phiên bản prong jang, taha jang” di Baoh taneh saong meda lac hu rai diuk angaok nan. Yaom lac oh hu chắc bề mặt hành tinh ini hu haluk, patau, aia atau không khí yau angaok baoh taneh, ini lac sa dalam dom hành tinh dreh haong baoh taneh abih bo NASA hu duah mboh./.