# Pak Hà Nội, ong Nguyễn Thiện Nhân, Ủy viên Bộ Chính trị, Akaok Ủy ban Trung ương Mặt trận Negar Việt Nam hu mai rivang, tadhau ayuh Mentri  Y tế uan harei Gru jru Việt Nam (27/2). Akaok Ủy ban Trung ương Mặt trận negar Nguyễn Thiện Nhân payua panuac tadhau ayuh siam mekre di abih tal urang pal akaok, urang jakar, urang ngak gah Y tế, hu panuac dhal phol kapul nyaom urang jakar gah y tế tuk halei jeng abih hatai  ka pren yava di bhap bani.

# Bhap bini NT daok gaok kan kandah dalam bruk pala drak saong ngak mbang ngak huak yaok harei kayua pandiak bhang biak khang. Danao Ông Kinh, tỉnh NT caik hu 800.000 m3 ia lac labik pruh ka yaok ribau ha taneh pala lasun tỏi, nho, medar di xã Nhơn Hải, huyện Ninh Hải, min urak ini danao nyu thu abih ia. Yaom lac yau nan, min yaok rituh nding mek ia di bhap bini jeng kham pagam tame piah caong hu hasit ia ka taneh thu lagu di drei.

# Langik oh lagaih, aia kakuan kapal dalam van page ngak ka halak halin saong takuh cakrok khang angaok mblang padai đông xuân di tỉnh Phú Yên. Gah chức năng saong mikva urang nong labik ini daok kham merat peih ngak ralo jalan pacang caga, khik iek padai đông xuân.

# Chi cục kiểm lâm tỉnh Cà Mau brei thau, urak ini ia di dom labik glai tràm dalam tỉnh daok trun biak samar, hu labik tabiak panuac lac glai mbuan khuah tal pakat pak. Bruk pandiak bhang thun ini mai tal avar jang saong tabung glaong meda dui atah jang thun dahlau jaik sa bilan. Kayua yau nan ye yaok jalan ngak chip meng pren yava menuac urang tal pandap panda piah pacang khuah glai daok hu peih ngak.

# Bhum pak kieng Long Xuyên dalam 3 tỉnh An Giang, Kiên Giang saong Cần Thơ praong labaih 480 ribau ha. Ini lac labik pala saong pabak padai brah praong ka bhum taneran kraong Cửu Long saong dalam negar. Tukvak tapa, dom công trình thủy lợi hu padang ngak pak labik ini hu ba mai kein laba biak prong dalam bruk cak rok pataok kinh tế-xã hội;  khik caga siam mekre tính mạng drap ar bhap bani, pasang iek hu ia ndik ia sua.

# Meng dahlau tết nguyên đán tal ini, urang pala menaih di tỉnh Hậu Giang biak chreih chrai kayua yaom menaih di Hậu Giang gam gam tagok yaom, glaong jang jaik dua mbang duk saong akaok vụ. Urak ini menaih hu urang mai blei  yaom meng 8.000 tal jaik 12.000 đồng sa baoh, iek tui baoh praong atau sit. Ngan saong yaom ini, urang pala menaih hu laba jaik 40 triệu đồng sa ha.

# Urak ini, pak tỉnh Tiền Giang hu padang tagok ralo cơ sở Đông y, duk jru Nam pahla piah iek ruak ka urang ruak kathaot, urang prong thun, brei mboh hatai anit ranam gauk di anek menuac. Ong Cao Văn Đẹp, daok pak ấp Bình Chánh Tây, xã Tam Bình khan lac: “Meng harei hu hội từ thiện iek ruak, mikva, adei sa-ai pak ini ndom puac, iek glang urang ruak biak siam. Yau dahlak njauk ruak viêm phế quản saong pandik bao tử hu gru jru pasang iek ruak, brei jru munyum tal ini hu padam trun ruak. Jru siam ggru gheih nan ye mikva mai ini iek ruak biak ralo”.

Patui di ini dom khau tin dunya:

# Harei 25/2, di Băng Cốc - Thái Lan hu rah tabiak var ginum meyai saong mbaoh tangin tame danak dak pambuak bruk thun 2016 di dua mintri tư pháp TL saong mintri tư pháp VN. Di var ginum meyai, dua mintri ndom lac tuk halei jeng iek praong saong caong khin talei pambuak bruk dalam gah adat hukum saong tư pháp di dua taneh ia dak harei dak hu kein lagaih.

# Amuk Ma-grít Chan , urang pan akaok gah Y tế dunya brei thau, virus Zika daok lac sa cuang kandah prong kan pasang iek. Taong yaom virus Zika lac sa mối đe dọa praong jang dom bruk duh hatai halei di gah y tế jaik di ini pambuak pagam tal bruk njaom mbak samar, amuk Chan tacei tabiak dom kan kandah gah anak dalam bruk pasang iek jit ruak ini. Yaom lac hu rilo menuac metai jang min virus Ebola tok rah tabiak pak 9 negar. Tui gah Y tế dunya, hu tal 46 negar brei thau lac hu urang njaom mbak Zika.

# Biến đổi khí hậu daok ngak ka ikan nao tal Nam cực, Bắc cực, ngak ka dom taneh ia kan kathaot jaik xích đạo lahik janih pandap mbang hu yaom ini. Dom urang ruah duah sinh vật học Mỹ harei 25/2 brei thau bruk ruah duah di drei lac, dom janih ikan daok nao truh dom labik hu khí hậu ấm, nao tal 2 cực baoh taneh tuk nhiệt độ baoh taneh daok tagok glaong./.