# Ong Đinh Thế Huynh, Ủy viên Bộ Chính trị, Thường trực Ban Bí thư bahrau ngak bruk haong Thành ủy Cần Thơ ka bruk peih ngak sarak Nyaom roya Đảng bộ bal mbang XIII, vaktu 2015 - 2020 saong bruk ngak mbang patagok kinh tế -xã hội di bal. Lambaok Bộ Chính Trị, ong Đinh Thế Huynh pok meyaom dom jak jeng siam mekre di Đảng bộ, bol lin saong bhap bani, taphia di nan tacei pato Thành ủy Cần Thơ pasiam veik dom kan kandah, patagok bruk ngak mbang kinh tế; pataom tame dak padang saong peih talaih dom cuang kandah gah hạ tầng jalan mbak nao mai; jhul pakhang bruk pato megru.

# Phó Thủ tướng Trịnh Đình Dũng ba akaok kapul rajaei barai nao pasang iek bruk pandak bhang saong tui iek dom bruk jalan mbak, thủy lợi di tỉnh Ninh Thuận. Pasang iek đập dâng Tân Mỹ urak ini daok ngak piah langyah bruk pandaik bhang, Phó Thủ tướng Trịnh Đình pacheih dom gah thầu saong urang ngak pak nan jhul samar tiến độ, khik caga chất lượng. Nao ravang mikva di labik ba ia pandar saoh kayua Quân khu 5 peih ngak;  klah rabha dom kan kandah di mikva gaok pandaik bhang, Phó Thủ tướng Trịnh Đình Dũng pandar tỉnh Ninh Thuận oh caik ka urang halei kurang ia pandar.

# Pak Hà Nội, Thương vụ, Đại sứ quán Thái Lan bahrau peih Nyaom Darak pablei lẻ pandap Thái Lan. Ini lac thun ka 9 Nyaom darak pablei lẻ pandap Thái Lan hu peih tabiak pak Hà Nội saong pachreih ralo urang blei pandar Việt Nam. Nyaom darak pablei lẻ pandap Thái Lan daok dalam dom bruk xúc tiến thương mại, đầu tư pamaong tal pahadar 40 thun  padang talei pambuak bruk di dua negar Việt Nam-Thái Lan (6/8/1976-6/8/2016). Nyaom darak hu peih tabiak tal abih harei 29/5.

# Di sang bac Đại học Quy Nhơn, mintri pato megru peih họp báo brei thau ka Vòng chung kết mbang pakacah “ sap daoh sinh viên pakat negar mbang yaka XIV” thun bac 2015-2016. Pataom tame Vòng chung kết hu 14 sang bac Đại học, Cao đẳng hu yam tapa vòng pakacah khu vực di 3 bhum. Dom labik mai pakacah hu ba mai vòng chung kết 60 tiết mục daoh, tamia, nhạc, gheih di abih dalam vòng pakacah  khu vực ngan saong kadha : pok meyaom hatai anir palei negar, taeh ia, Đảng, Wa Ho; brei thau caong khin, trách nhiệm di urang ranaih umo, di sinh viên dalam bruk salih barau di taneh ia saong di gah pato megru…

# Urang pal akaok Ủy ban bhap bani huyện Phú Ninh, tỉnh Quảng Nam bahrau nao rivang, daong brei jien ka  sang amuk Ngô Thị Tùng daok pak xã Tam An njauk takala taong metau dalam tuk nao tabiak hamu. Dalam biar harei 25/5, amuk Ngô Thị Tùng, umo 51 thun, daok di palei An Mỹ 1, xã Tam An, huyện Phú Ninh, tỉnh Quảng Nam nao tabiak hamu tui aia caga ngak vụ Hè – Thu ye gaok sa mbang hajan prong. Amuk Tùng oh ka mhu duah labik kandauc hajan ye njauk takala taong metai.

# Barau ini, di tỉnh Đắk Lắk hu hajan praong. Ini lac mbang hajan praong , tukvak hajan dui atah kuhria meng akaok bilan thu tal ini di Đắk Lắk. Hajan jeng daong ka labaih 200.000 ha cà phê, labaih 21.000 amraik kalu di Đắk Lắk hadei tukvak atah thu lagu kayua kurang ia pruh hu hijao tagok; yaok ratuh hecta glai pala, glai tự nhien jeng oh daok mbuan si khuah glai…abih di nyu nan lac, hajan praong jeng daong ka bhapbini Đắk Lắk pasiam bruk kurang ia pandar. 

# Nyaom darak kaya nong mbang ka pak ngan haong kadha “Kaya nong đô thị chất lượng saong an toàn” bahrau peih tabiak pak bal raya Hồ Chí Minh. 99 jabat saong menuac urang mai meng 15 tỉnh bal gah kreh negar, gah miền Đông saong miền Tây Nam bộ ngan haong labaih 210 gian hàng dalam nan hu dom janih kiểng Bonsai, dom janih kaya nong, baoh kayau, dom janih pandap hu ngak meng tangin di dom pelei ngak, patau non bộ… hu mbaok dalam nyaom darak mbang ini. Ong Đoàn Văn Thanh, Phaok akaok Kapul urang nong bal raya Hồ Chí Minh, Phaok Ban thường trực mban tacei pato Nyaom darak mbang ini brei thau: Bruk peih nyaom darak mbang ini hu palaghaih ka mikva urang nong meyaih khan angan je pandap di drei. Tapa nan daong ka mikva pablei hu pandap ngak tabiak saong bac megru ilamo haong gauk dalam bruk pandar khoa học kỹ thuật ngak nong công nghệ glaong, ngak nong đô thị dalam sản xuất.).

Khaw tin dunya

# Thủ tướng Nhật Bản Xin-dô A-bê (Shinzo Abe) barau ginum biai dua gah saong Tổng thống Mỹ Ba-rắc Ô-ba-ma (Barack Obama) saong Thủ tướng Anh Đa-vít Ca-mê-rôn (David Cameron) di nyaom biai thượng đỉnh Nhóm dom taneh ia công nghiệp patagok (G7) rah tabiak dalam dua harei meng 26 - 27/5. Tui kuhria, Tổng thống Mỹ Ô-ba-ma dalam harei 27 jeng hu mbang ravang tal ban Hi-rô-xi-ma (Hiroshima). Ini lac mbang akaok mereip di sa urang tổng thống đương nhiệm Mỹ tal Hi-rô-xi-ma kuhria meng tuk ban ini njauk gaok bom nguyên tử meng thun 1945.

# Urang pal akaok bol bala Thái Lan saong Myanmar bahrau njauk hatai gauk brei patagok talei pambuak bruk nao mai dua gah tapa bruk klah rabha thông tin tình báo quân sự saong pambuak bruk langyah dom kadha tapen negar. Panuac sanya angaok nan mek hu dalam mbang nao rivang Thái Lan di Tổng tư lệnh dom tapon nyom bol pan phao kraong Myanmar, Tướng Min Aung Hlaing (Min Oong Lênh). Mbang nao rivang rah tabiak dalam dua harei hadei di tuk Ngoại trưởng Thái Lan Don Pramudwinai (Đôn Pra-mu-đuy-nai) rivang Nay Pyi Taw dalam angan đặc phái viên di Thủ tướng Prayut Chan-o-cha (Pray-út Chan Ô Cha).

# Dom mbang glut jaleih haluk kayua hajan dui atah di dom harei tapa ngak gar dom canah jalan praong Trung Quốc-Pakistan, ngak ka labaih 100 radaihnao mai saong labaih 200 urang gar jalan. Cảnh sát  brei thau, dom mbang glut jaleih haluk mboh ralo di labik langiu Bulungkol, hạt Akto di Tây Bắc Khu tự trị Tân Cương (Xinjiang) di Trung Quốc. Cảnh sát hu nao tal labik nan piah khik tani tanat bruk nao mai  saong ramik pasiam  jalan phố. Pandap mbang ia menyum saong jru tavao jeng hu brei ka tuai damui daok gar./.