# Thủ tướng raja-ei bahrau mboh tangin brei peih ngak danak dak bruk ngak pakat negar brei ka uranaih nyaom HIV/AIDS tukvak 2014 – 2020 ngan haong  asal kadha “taong abih sang bac palagaih ka uranaih njom HIV/AIDS hu nao bac tui hatai caong khin”. Kham merat tal thun 2020 hu 90% dom uranaih njaom HIV/AIDS dalam diện khik iek hu daong brei dom dịch vụ y tế, pato megru, tư vấn, daong dinh dưỡng saong patagok thể chất, iek glang, ma-in giải trí saong dom sarak xã hội tui quy định. 90% labik daong ba uranaih, labik iek glang saong điều trị ka uranaih njaom HIV, dom kapul nyaom xã hội hu pambuak pagam tal uranaih HIV hu daong ba ilamu ka bruk khik caga, iek glang uranaih njauk HIV/AIDS. Kapul nyaom uranaih njaom mbak HIV/AIDS nan lac: uranaih njaom HIV; uranaih njauk pambak tapak kayua HIV (uranaih metui kayua ame saong amaik atau amaik atau ame metai kayua HIV/AIDS; uranaih daok haong ame, amaik atau urang raong  njaom HIV); uranaih mbuan njaom HIV (uranaih pandar jru phien; uranaih anek di kumei me-in, anek di urang me-in kumei me-in, pandar jru phian; uranaih daok dalam dom labik daong ba uranaih).

# Sở ilimo, padhih saong Du lich tinh Kon Tum barau jao sang rong ilimo palei Kon Bring, xã Đăk Long, huyện Kon Plông hadei di 5 bilan  padang ngak. Sang rông ini praong 172 mét vuông, glaong 20met, jien ngak abih 1 tỉ meteh meng jien daong di Tổng công ty Điện lực dầu khí Việt Nam. Sang ngak salah blaoh saong ba tame pandar piah daong ka bhapbini daok pak ini hu labik nyaom, pataom mbaok bhapbini; patagok talei jum pataom di bhapbini. Taphia nan, rik daong ka xã Đăk Long samal ngak blaoh dom tiêu chí dalam bruk padang ngak palei pala barau.

# Kapul urang nong tỉnh Khánh Hòa brei thau, tal urak ini, dom pakat Kapul dalam tỉnh hu taduan labaih 294 triệu đồng jien rik tame Kadung jien “Urang nong haong Trường Sa”. Bruk jak bak “urang nong haong Trường Sa” kayua Trung ương Urang nong Việt Nam peih tabiak meng akaok thun 2014, piah jak bac dom kapul nyaom, menuac urang, abih di nyu nan lac urang nong dalam negar pamaong tal Trường Sa. Jien rik tame hu pandar ka bruk nao rivang, pachreih tui, jak ba urang jakar, bol lin saong bhap bani huyện pulao Trường Sa. Ini lac sa dalam dom bruk ngak biak siam, hu makna biak dalam piah paglaong hatai saneng di urang jakar kapul urang nong saong bhap bani dalam negar ka chủ quyền pulao, tasik di negar.

# Tui Sở Lao động, Thương binh saong Xã hội ban raya Hồ Chí Minh, ban raya meda brei ramik pasiam danakdak pato bruk, ba bruk ngak ka urang daok cai nghien saong hadei di tuk cai nghien ma tuy di ban raya tukvak 2011-2015 piah daong jien mesraiy ba bruk ngak ka urang hadei cai ngien. Tapa nan, daong ka dom urang nan tani tanat raidiuk saong ba drei tame xa hoi. Uy mban bhapbini ban raya Ho Chi Minh jao ka So lao đong, Thương binh saong Xã hội saong dom labik pagam tal bruk nan, pambuak bruk roh duah, peih ngak iek bruk salih pasak cai nghien ma tuy bat buoc tapa pasak cai nghien matuy tự nguyện.

# Kapul Urang kamei tỉnh An Giang pambuak bruk haong Sở Lao động Thương binh saong Xã hội tỉnh bahrau peih mbang pathau khan, pacang caga pablei salih menuac ka labaih 90 urang kamei dalam 2 xã tapen negar nan lac An Nông saong bal sit Tịnh Biên. Tapa nan, paglaong ilamu pacang, caga pablei salih manuac ka urang kamei, abih di nyu nan lac urang kamei di dom xã tapen negar saong bhap bini bangsa takik.

# Pasak daong động vật hoang dã pambuak bruk saong Hạt kiểm lâm huyện Hòn Đất, tỉnh Kiên Giang saong karja xã Thổ Sơn barau peih palao 4 drei anek Đồi mồi dứa (daok ieu lac anek kara kanduh tasik), trak abih tih 47kg. Ini lac dom động vật kayua Chi cục khik ramik gah kaya ikan dalam ia huyện Củ Chi, ban raya Hồ Chí Minh mek di dom urang blei, pablei suan hukum. Hu thau, Đồi mồi nan lac sa dalam dom động vật quý hiếm njauk khik caga catang. Yau nan ye, bruk peih palao 4 drei Đồi mồi ini tabiak tasik nyu hu makna biak praong, piah paglaong akaok sahaneng di bhapbini dalam bruk iek glang saong khik caga dom janih dong vat hoang dã quý hiếm. Taphia nan, rik daong ngak brei phong phu saong cakrok jang janih kaya ikan dalam ia tự nhiên di puk palei .

 Khaw tin dunya:

# Trung Quốc bahrau brei tapa dom salih bahrau dalam hukum khik caga alam môi trường, tui nan patagok khung taong phạt ngan haong dom cơ sở saong manuac urang ngak ô nhiễm. Hadei di tuk ramik veik, Hukum Khik caga alam Môi trường bahrau meda hu peih ngak meng harei 1/1/2015. Hukum bahrau daong ka Mentri Môi trường hu ralo quyền hạn jang dalam xử lý manuac urang ngak ô nhiễm. Bruk salih bahrau ka gah pháp lý akaok meti di hukum ini hadei di 25 thun nan lac cơ sở ka raja-ei bal Bắc Kinh dalam bruk mesruh haong bruk ô nhiễm.

# Sa roh duah ngak tatuak drei barau ini brei thau lac, di Mỹ - taneh ia hu nền kinh te praong dang akaok dunya hu tal jaik 5 triệu urang taha umo angaok 60 thun daok dang anak bruk mbuan si eik lipa saong pren yava oh siam. Bruk kurang mbang yaok harei saong pren yava oh siam di urang taha daok lac sa dalam dom cuang kandah praong praong bo gah y te di My daok dang anak. Tui kuhria mboh di pasak pasang iek dinh duong saong pren yava negar My, urak ini, taneh ia ini hu jaik 9 trieu urang umo angaok 50 thun mbuan si gaok eik lipa yaok harei, tagok 70% kuhria meng thun 2001. Sarak cakak trun dom phuc loi an sinh xa hoi di rajaei My hu maong lac makna ngak ka yaok trieu urang taha njauk glaih glan piah hu jien blei pandap mbang menyum, nang luong saong iek glang pren yava dalam tuk yaom kaom pandar cai di My dak harei dak glaong.

# Mentri Y tế A rập Xê-út brei thau bahrau hu gilac 12 urang njaom virus Corona, chủng virus jaik dreh virus ngak Hội chứng viêm jalan suak yava cấp (SARS). Saong dua dalam 12 urang bahrau njauk ruak nan metai blaoh, patagok urang metai kayua njaom virus Corona pak A rập Xê-út tagok 87 urang. Yau nan, kuhria meng urang camereip njaom virus Corona pak A rập Xê-út di bilan 9/2012 tal ini, negar A rập vùng Vịnh ini hu 299 urang njaom saong jaik 1/3 dom urang njaom ruak nan metai blaoh. Mentri Y tế A rập Xê-út sanya brei ka menuac sia saong dunya thau cambaih laih ka jit ruak./.