# Patui mbang nyaom ka 10, harei 27/10, Quốc hội pang Akaok mentri Jien padai Đinh Tiến Dũng, thừa ủy quyền di Thủ tướng Raja-ei puac harak khan brei thau dự án Hukum pasiam veik, pabak dom paka di dom hukum ka thuế. Tui harak khan brei thau di raja-ei, anak dom mbuan lagaih saong dom cuang kandah bahrau kayua bruk mbeik drei yam tame ba mai, bruk ngak mbang kinh tế negar drei meda gaok oh takik kan kandah, tavak tave. Kayua yau nan ye, piah daong ka dom doanh nghiệp yam tapa kan kandah ye njauk hu dom jalan ngak gah thuế ka nyu lagaih.

# Kuhria tal urak ini, mintri Tư pháp taduan hu 119 harak pathau khan di 30 mintri, nganh , jabat di Trung ương, 63 tỉnh, ban di Trung ương saong 20 cơ quan, labik karei ngan saong jaik 7 triệu mbang ý kiến di bhapbini pataom tame brei kadha ka Dự thảo Bộ luật Hình sự (pasiam veik). Panuac di bhapbini biak đa dạng, pataom tame di abih dom quy định di dự thảo bộ luật, dalam nan pataom tame 8 bruk praong bo rajaei likau panuac di bhap bini.

# Piah paglaong chất lượng iek ruak, pasiam pren yava ka bhap bani dalam tỉnh, abih di nyu nan lac bhum atah bayah, bhum urang bangsa takik, tỉnh Kon Tum hu jalan padang ngak 19 công trình gah y tế dalam tỉnh ngan haong yaom jien buh tame abih tih labaih 53 tỷ đồng. Phun jien hu kaoh tabiak meng jien xổ số kiến thiết saong dom jien karei di tỉnh Kon Tum. 

# Di dom harei meng 26 tal 29/11, di ban sit Cần Thơ, Ủy ban Trung ương Hội Liên hiệp dam dara Việt Nam pambuak bruk saong Thành Đoàn Cần Thơ peih trại Nguyễn Chí Thanh bhum Tây Nam bộ mbang yaka I – 2015. Trại huấn luyện Nguyễn Chí Thanh bhum Tây Nam bộ mbang yaka sa pataom hu labaih 100 urang jakar hội, urang dang akaok dam dara naih joi di 8 tỉnh, ban bhum taneran kraong Cửu Long tame danakdak pato pasram, pok brei angan huấn luyện viên pakat 1 Trung ương.

# Chi cục Thú y tỉnh Tiền Giang bahrau pambuak haong Ban tacei pato pacang cakak jit ruak angaok phun pala, anek athur raong huyện Gò Công Tây pacang cakak hu sa sruh jit pabui tangi hijao pak xã Thạnh Nhựt. Amuk Nguyễn Thị Mến, Akaok Chi cục Thú y tỉnh Tiền Giang brei thau: Tal urak ini, sruh jit pabui tangi hijao hu tapa blaoh 21 harei, dom drei pabui daok veik dalam tapol ini oh njaom mbak ruak.

(Băng: Dom drei pabui ini kluak jru tame ye abih ruak, drei jeng pruh jru pametai anek ruak, khan brei ka mikva thau, blaoh jak ba manuac urang blei vắc-xin mai klauk. Dom harei ini, drei nao pasang iek pak dom puk palei mboh siam oh daok tamuh sruh jit bahrau. Drei nao pathau khan, jak ba mikva pak labik nan mong iek ka tani tanat.)

# Tỉnh Kiên Giang hu jaik 60.000 sang bhapbini dom bangsa takik saong labaih 250.000 urang, meblah jaik 15% dân số dalam tỉnh; dalam nan, bhapbini bangsa Khmer hu labaih 51.000 sang, meblah 12,49%. Meng thun 2010 tal ini, tapa dom danakdak, dự án, sarak di Trung ương saong dom sarak di tỉnh, Kiên Giang pataom tame peih bruk daong padang kết cấu hạ tầng bhum bhapbini bangsa Khmer, saong yaom phun jien yaok ratuh tỷ đồng. 

# Mentri Ilamo, Padhih saong Rivang ma-in Việt Nam saong Mentri Ilamo Nghệ thuật Campuchia meda pambuak gauk peih ngak adit ilamo Campuchia pak Việt Nam meng harei 8 - 14.11, di bal raya Hồ Chí Minh saong Sóc Trăng. Tui kuhria, kapul urang pal akaok, nghệ sĩ Mentri Ilamo Nghệ thuật Campuchia hu 35 urang kayua amuk Menh Kossony, Quốc Vụ khanh, Mentri Ilamu Nghệ thuật Campuchia ba akaok meda mai rivang Việt Nam saong hu mbaok tame bruk ilamo ini.

Khaw tin dunya

# Urang jakar pan akaok mintri Y tế Nhật Bản barau brei thau, hu mboh dua urang akaok meti njaom viêm gan E mãn tính dalam mbang dut iek dalam negar kayua mintri ini peih ngak di 1.893 urang ruak hu cấy ghép gan. Tui dom urang ngak praong di mintri Y tế Nhật Bản, dua urang ini hu sa urang kumei umo 60 thun daok di gah timul Nhật Bản saong sa urang likei jaik 40 thun daok di bhum Tây Nam Nhật Bản. dua urang ini jaom virus viêm gan E hadei tuk tame darah kayau blac raih cấy ghép gan.

# Harei 26/10, vòng ka dua di bruk pataom mbaok tapak mbang ka 20 dom baoh sang njauk pa-atah gauk dalam mbang Mesruh metak Triều Tiên (1950-1953) hu tamat blaoh tuk jaik 250 urang di 90 baoh sang Hàn Quốc saong dom gauk gar di dom urang nan daok pak Triều Tiên lia gauk pak labik padeih padei angaok ceik Kumgang (Cưm-cang), di takai tasik gah timur Triều Tiên. Dahlau di nan, dom urang ini hu taom gaok gauk mbang puac abih dalam page harei 26/10 nan.

# Anak bruk mintri Quốc phòng Mỹ khan lac brei kapal mesruh nao tame bhum 12 hải lý taphia dom mblang patau bo Trung Quốc padang ngak suan hukum di Trường Sa piah pasang iek, gah Trung Quốc phản  ứng biak khang, lac gah Mỹ oh hu ngak dom bruk bo Trung Quốc ieu lac “gây sự” di Biển Đông. Tui báo chí Trung Quốc, pagaiy harei 27/10 tui tukvak Bắc Kinh, mintri Quốc phòng Mỹ hu khan brei thau lac “tàu chiến pasang iek bhum 12 hải lý hu ba tabiak ”./.