# Hadei di tuk ngak blaoh bruk bầu cử saong brei thau angan 180 ủy viên chính thức saong 20 ủy viên dự khuyết, ndom biai gah langiu nyom roya, dom urang hu mbaok dalam nyaom roya brei thau, Ban Chấp hành Trung ương khóa XII hu cơ cấu hợp lý, chất lượng, gam hu dom urang meda ilamu hu kinh nghiệm, gam hu dom urang daok ranaih, dom nhân tố bahrau. Dom urang lambaok jia lac Ban Chấp hành Trung ương khóa XII meda pabak hu bruk ngak patagok taneh aia dalam tukvak bahrau. Hadei ini lac pataom veik panuac ndomn di dom urang hu mbaok dalam nyaom roya.

# Taong yaom ka bruk pilih ruah urang ka mban chấp hành TƯ Đảng mbang XII, ong Vũ Ngọc Hoàng, phaok mban thường trực mban tuyên giáo TƯ ndom lac, tapa nan brei mboh bruk dân chủ, bruk yasa hatai saneng, bruk sangka tal kế thừa saong hacih saat di bộ máy, brei mboh bruk salih barau saong paranaih urang jakar. Dân chủ dalam bruk ngak di Đảng, dân chủ di nyaom roya hu dom salih barau duk saong dahlau daih.

#Ong Hồ Đức Phớc (Nghệ An) brei thau, Nyaom roya hu caik tal 2 harei meteh piah roh duah dom tài liệu, hồ sơ di dom urang hu giới thiệu tame Ban Chấp hành Trung ương Đảng. Urang lambaok jia lac Ban Chấp hành Trung ương khóa XII meda ngak siam bruk ngak di drei piah pal akaok Đảng, taneh aia, rahra patagok. 

# Ong Cao Đức Phát, akaok mintri ngak nông saong patagok palei pala brei thau: dalam tukvak nyaom roya jeng yau dahlau nan, bruk kuhria caga nhân sự hu peih ngak catang, dân chủ. Nyaom roya hu ngak salah bruk pilih ruah urang ka Ban Chấp hành Trung ương mbang XII siam mekre, brei mboh bruk ngak njauk dalam kuhria caga nhân sự jeng yau bản lĩnh, trách nhiệm glaong di urang lambaok anak Đảng, anak taneh ia saong bhap bini.  

# Ong Đặng Huy Hậu (Quảng Ninh) mboh lac Nyaom roya Đảng pakat negar mbang ka XII biak dân chủ, dom urang lambaok hu tinh thần trách nhiệm glaong haong Đảng, negar, bangsa. Bruk palih ruah tabiak Ban Chấp hành khóa bahrau nan brei mboh bruk tập trung trí tuệ di Đảng, hatai caong di taong abih urang Đảng, taong abih bhap bani tame Ban Chấp hành khóa bahrau ginup khang, gul pataom piah ba taneh aia, ba bangsa mek hu dom jak jeng praong jang dalam tukvak anak tal.

# Ong Bùi Văn Cường, Bí thư Đảng ủy khối doanh nghiệp TƯ brei thau hatai jia tame mban chấp hành TƯ khóa barau saong hatai caong tame dom urang hu pilih ruah tame mban chấp hành TƯ khóa barau thau jum pataom gauk, njauk gauk ngak siam sarak nyaom roya Đảng pakat negar mbang XII, rik daong ba taneh ia patagok dalam tukvak barau.

          Patui veik lac dom khaw tin njauk caik hatai:

# Tỉnh Phú Thọ kaoh tabiak jaik 2 tỷ meteh meng kadung jien karja tinh piah iek glang Tết ka dom baoh sang sarak karja, urang kathaot saong  urang bảo trợ xã hội. Tui nan, labaih 4.100 urang lac sang kathaot hu rai diuk biak kan kandah, baoh sang sarak karja, urang hu kong, dom  nghệ nhân, baoh sang bol lin, urang ngak bruk gah quốc phòng pak pulao kaoh labik tapen negar, Amaik Việt Nam Anh hùng, Anh hùng tapon nyom bol pan phao kraong, Anh hùng Lao động daok mbang trợ cấp, baoh sang kathaot, uranaih hu rai diuk biak kan kandah saong dom urang taha hu umo meng 90 thun tagok taduan mek hu pandap Tết. 

# Tỉnh Đồng Nai barau peih bruk taom gaok mikva urang Việt daok di negar lingiu mai palei mbang tết nguyên đán anek sak kara 2016. Hu 200 kiều bào saong gauk gar kiều bào mai pataom mbaok. Sở ngoại vụ tỉnh Đồng Nai brei thau: urak ini Đồng Nai hu labaih 3200 urang Việt daok di negar lingiu saong jaik 18.000 baoh sang gauk gar kiều bào daok diuk rai saong ngak bruk di dom taneh ia saong bhum lãnh thổ di dunya. Yaok thun, Đồng Nai hu jaik 25.000 urang Việt daok di negar lingiu mai palei rivang sang, rivang gauk gar saong buh jien tame ngak mbang pablei salih dalam ralo gah. Tui kuhria mboh, meng thun 2004 tal thun 2014, kiều bào hu payua mai Đồng Nai 3,4 triệu USD kiều hối saong ralo drap ar hu yaom glaong karei.

Khaw tin dunya:

# Tui Tân Hoa Xã, Gilang pariak Bhap bani Trung Quốc (PBOC, nan lac gilang pariak trung ương) bahrau buh tame gah jien padai sa yaom jien ralo di abih dalam sa harei kuhria meng bilan 2/2013. Bruk ngak ini piah patrun căng thẳng gah jien mbaok dahlau di Tết Nguyên đán. Bruk thanh khoản bhian gaok kan kandah dahlau di adit padeih  Tết Nguyên đán yaok thun saong gilang pariak trung ương Trung Quốc bhian buh tame sa yaom jien mbaok biak praong tame darak pasar  jien padai piah grap tanat jien jhung.

# Tổng thống Indonesia Giô-cô Uy-đô-đô saong diuk di ong barau hu mbang nao rivang Dili, Timor Leste, harei 26/1. Ini lac mbang nao rivang akaok meti di tổng thống Widodo tal Timor Leste piah patagok dom talei pambuak bruk dalam tukvak anak tal di dua taneh ia saong brei thau lac Indonesia halan hatian lac sa gah pambuak bruk patagok khang di Timor Leste.

# Thủ tướng Thái Lan Prayuth Chan-ocha (Pray-út Chan-ô-cha) brei thau negar ini jeng brei peih bruk tổng tuyển cử dalam thun 2017 yaom lac bản dự thảo Hukum negar oh tapa hu bruk trưng cầu dân ý dalam thun ini. Brei panuac anak báo giới, ong Prayuth ndom lac: "Bản dự thảo Hukum negar meda yam tapa hu bruk trưng cầu dân ý halei oh, raja-ei jeng brei peih bruk bầu cử dalam thun 2017 tui jalan ba tabiak blaoh./.