# Birau ini, gilai katung halam njul bo urang nao tasik di tỉnh Quảng Ngãi bhian iew lac bruk giã cào cak rok biak samar, ba tal mbuan khat lahik abih kaya ikan di tasik. Mentri ngak nong saong patagok palei pala patabiak sarak brei padeih ngak gilai nan birau, oh brei pasiam veik, oh brei harak ba-ar taong chap kaya ikan ka dom gilai karei salih tapa giã cào ini.

# Tổng cục pato bruk ngak, mintri lao động – thương binh saong XH brei thau, tui bruk ba tabiak, meng ini tal thun 2020 hu pambuak bruk padang saong peih ngak 45 sang bac hu pato bruk ngak chất lượng glaong, dalam nan hu 10 sang bac mek hu tanut dunya; pato pakai, paglaong ilamu ka jaik 5.500 mbang jru pato, urang jakar khik iek pato megru bruk ngak, piah duh ka bruk mbeik drei tame dunya, dalam nan hu 1.400 gru pato hu pato di negar langiu piah pato hu urang jakar danak dak chuyển giao tui tanut dunya.

# Tal urak ini, labaih 54 hecta taneh glai pacang caga tapen tasik, taneh tapen tasik, tapen kraong…di tỉnh Phú Yên njauk urang lih mek nhgak danao raong hadang. Dua huyện caik ka bruk lih mek taneh glai pacang caga nagk danao raong hadang suan hukum nan lac Tuy An saong  Đông Hòa. Jakar dua huyen brei ba tabiak taong phat hành chính jaik 160 mbang saong chap brei ngak pasiam veik. Min, labaih metah dom urang ngak suan nan oh ngak tui bruk taong phat nan.

# 5 thun tapa, ban sit Phan Rang – Tháp Chàm, tỉnh Ninh Thuận hu peih ngak siam dom sarak an sinh XH, daong urang kan kathaot patagok kinh tế, paglaong chất lượng rai diuk, truh kan kathaot khang kajap. Tapa dom tổ mesraiy phun jien – patak pataom meng dom puk palei, kapul nyaom saong kadung jien ba bruk ngak, kadung jien sarak karja tỉnh hu brei mesraiy jaik 170 tỉ đồng ka labaih 12.000 mbang baoh sang kan kathaot, jaik si kan kathaot mesraiy piah patagok kinh tế, ralo meng lac raong glang, pablei salih, dịch vụ sit.

# Labaih 6.300 baoh sang di tỉnh Trà Vinh, ralo meng baoh sang urang abngsa Khmer si hu điện pandar dahlau Tết Bính Thân ini. Hadei Danak dak “Brei điện ka baoh sang urang oh ka hu điện lac sang urang bangsa Khmer” tukvak ka 2 tamat, tỉnh Trà Vinh hu Tổng công ty Điện lực Miền Nam buh jien tame patagok lưới điện tukvak 3, ngan saong phun jien 87 tỷ đồng. Danak dak hu peih ngak di 83 xã di 7 huyen dalam tỉnh, ralo meng bhum urang bangsa takik, bhum atah bayah.

# Dom thun tapa, meng phun jien ưu đãi di danak dak brei mesraiy ia hcih saong vệ sinh môi trường palei pala, yaok rituh ribau baoh sang bhap bini daok di tỉnh Sóc Trăng padang hu dom  bingun, bể ia, sang jaman ginup tanut chuẩn, hu vệ sinh. Tal ini, abih tih jien brei mesraiy di danak dak ia hacih saong vệ sinh môi trường palei pala  jaik 155 tỉ đồng, abih tih công trình hu padang ngak saong ba tame pandar nan lac 9.268 công trình.

# Tapa 36 thun padang ngak saong cak rok patgok mbiah tal ini, Hợp tác xã Rạch Gầm, tỉnh Tiền Giang daok lac labik dang akaok dom Hợp tác xã vận tải jalan ia ribaong kraong dalam taneh ia, hu Thủ tướng Rajaei saong dom Mentri Trung ương , Ban tacei jalan Tây Nam bộ meyaom.

Patui di ini dom khau tin dunya:

# Dua công ty di Mỹ barau kakei blei 20 động cơ tên lửa di Nga piah duh ka bruk dân sự saong pablei salih. Harak pambuak bruk pablei salih ini hu jhul khang hadei di tuk QH Mỹ yah klak lệnh oh brei pandar động cơ tên lửa di Nga brei ka dom bruk ini.

# Karaj Xyri brie thau khin tame dom bruk ginum biai saong gah cagar veik  piah  padeih bruk meruh gauk dalam taneh ia. Min bruk nan oh njauk lac bruk  khủng hoảng hu langyah ba siam blaoh, kayua panuac ba tabiak nan hu nao gam haong dom điều kiện, tantu nyu ngak ka gah phương Tây pandik akok./.

# Mbang nao rivang Nga di thủ tướng Ấn Độ mek hu dom thỏa thuận yaom yaok tỷ đô la, abih di nyu nan lac dalam pambuak bruk QP saong năng lượng. Dom urang dang akaok  akaok 2 taneh ia jeng caong khin mbang taom gaok ini hu ba mai sa pren yava barau ka talei pambuak bruk dua gah saong kain laba di Nga saong Ấn Độ./.