# Tui Mentri Ngak nong saong patagok palei, kuhria tal abih harei 28-1, mbang la-ar trak ngak ka labaih 7600 drei limo kubao gah Barak nyu metai. Daok gah ngak nong, ngak glai hu jaik 6000 ha padai, 81 ha mạ saong jaik 4.700 ha njam patam khut khat. Mblang taneh glai njauk tuyết pacang abih labaih 80.000 ha. Ban Tacei pato pacang cakak bala meng langik tasik saong daong duah urang njauk bala dom tỉnh njauk mbang la-ar trak daok padang kapul urang ngak bruk nao trun tal dom xã, puk palei piah jak ba, tacei pato bhap bani  jalan pacang cakak lar trak ka manuac urang saong limo kubao, taphia di nan pasang iek saong duah thau dom khat lahik piah hu jalan daong.  

# Tuk tết anek sak kara, tỉnh đoàn Quảng Ngãi hu alin hadiah labaih 4.000 paok pandap ka dom baoh sang sarak karja, baoh sang kan kathaot, uranaih gaok kan kandah dalam tỉnh. Yaok paok pandap yaom meng 100 tal 500 ribau đồng, hu har kẹo, menyek, ia mesin, bột ngọt, brah…

# Ủy ban bhap bani bal Hội An bahrau brei thau danak dak peih ngak dom bruk dui pachreih tuai damuai mai rivang ma-in thun 2016 ngan haong kadha  “Ấn tượng Hội An 2016”. Piah  dui pachreih labaih 2 triệu tuai damuai dalam thun ini, bal Hội An peih ngak dom bruk dui pachreih tuai damuai mai rivang ma-in thun 2016 dalam 3 tukvak ngan haong kadha karei saong danak dak pachreih ba cambaih laih, taphia di nan bal Hội An meda ba tabiak rilo pandap rivang ma-in bahrau dui pachreih tuai damuai.

# Tết anek sak kara, sở công thương tỉnh Qung3 Bình hu tacei pato dom đơn vị kuhria caga 9.000 tấn brah nduik, brah tẻ, jaik 4.000 tấn ralo pabui, ralo limo saong dom pandap đông lạnh, duh ka bhap bini. Tuk ini, chi cục khik iek drak pasar tỉnh Quảng Bình hu patagok bruk pasang iek, pacang cakak buôn lậu, pandap ja, pandap oh siam di dom labik pabah mbang negar, drak pasak.

# Danak dak nghệ thuật  “Thun bahrau anit ranam Tết Bính Thân” kayua Ban tacei pato Tây Nam Bộ pambuak haong Pasak Truyền hình  Việt Nam tại bal Cần Thơ peih tabiak di melam 6/2/2016 (njauk tame harei 28 Tết). Ban tacei pato Tây Nam Bộ saong Kapul daong urang ruak kathaot Tây Nam Bộ meda alin  sang ranam saong pandap ka baoh sang kathaot yaom 420 triệu đồng. Tết Bính Thân thun ini hu 100 baoh sang kathaot taduan mek tượng trưng 100 baoh sang ranam, yaok baih yaom 32 triệu đồng..v..v.

# Dalam dom harei meng harei 16 tal harei 30/1, dom pakat công đoàn lao động ban Cần Thơ hu peih ralo bruk alin hadiah pandap saong harei pakacah salam uan tết anek sak kara ka urang ngak di ban Cần Thơ saong tỉnh Hậu Giang. Jien hu kaoh tabiak meng kadung jien jak ba XH hóa, abih tih jaik 500 triệu đồng. 

# Danak dak “Tết Việt”, padang ngak  veik Tết meng kan di bhum taneran Bắc Bộ mbang akaok meti rah tabiak di Miuyim Hà Nội meng harei  29/1 tal harei 3/2. Ini lac sa dalam dom bruk ngak ilamo di bal ine piah salam uan Xuân Bính Thân 2016. Danak dak “Tết Việt” hu labaih 200 gian hàng, dalam nan hu palei ngak meng kan Hà Nội, khu ẩm thực; meyaih khan ilamo, du lịch Hà Nội; phun cảnh Tết, kadha ma-in meng kan di bhap bani.

Patui di ini dom khau tin dunya:

# CPC hu sa urang njom sởi akaok meti, hadei di tuk gah y tế dunya tabiak panuac lac taneh ia ini tabiak truh jit di bilan 3 thun bloh. Tui panuac di mintri y tế CPC, urang njom barau nan lac uranaih likei umo 7 bilan daok di tỉnh Kam-pong S-pêu di kreih bilan 1. Hadei di tuk cambaih laih yau nan, mintri y tế CPC hu peih sa mbang nyaom chip saong brei kapul pasang iek nao tal dom tỉnh piah kuhria  jalan pacang cakak. 

# Trung Quốc bahrau brei thau sa urang bahrau njaom cúm menuk ada H7N9 pak manuac urang di tỉnh miền Trung Hồ Nam. Ủy ban Y tế saong Kế hoạch hóa gia đình Hồ Nam brei thau, urang ruak nan lac sa urang likei umo 33 thun saong daok hu điều trị pak sang iek ruak. Dalam bilan la-ar ini, dom labik Thượng Hải, Chiết Giang, Quảng Đông saong Phúc Kiến di Trung Quốc jeng hu urang ruak njom cúm H7N9. Dalam nan, hu 2 urang metai pak Chiết Giang saong Quảng Đông.

# Karja TL barau brei thau, takik di abih 12 urang di taneh ia ini metai kayua langik li-ar, ralo meng lac kayua njauk dom janih ruak ka jalan suak yava. Sa mbang li-ar nyu nao rah tapa taneh ia Thái Lan, ngak ka nhiệt độ di dom khu vực trun ala 5 độ C biar jang nền nhiệt độ trung bình di tukvak ini yaok thun lac 10 độ. Dalam tuk nan, ia sua saong ribuk praong di gah meraong TL jeng ngak kan kandah tal labaih 3 ribau baoh sang. Rajaei TL jeng hu tabiak panuac brei thau lac langik tasik oh siam di dom tỉnh gah ia-san saong hu daong pandap mbang menyum, khan ao ka bhap bini./.