# “Njauk mong iek du lịch lac mũi nhọn”. Nan lac panuac di Thủ tướng Nguyễn Tấn Dũng dalam mbang nyaom raja-ei bhian kỳ bilan 4.  Thủ tướng pandar dalam mbang nyaom bhian kỳ bilan tal hu harak khan brei thau ka bruk mong iek veik 6 bilan peih ngak Sarak di Raja-ei ka bruk cakrok patagok du lịch. Thủ tướng ndom lac: Khaol drei oh meda lah biak atah Thái Lan, Singapore, Malaysia. Khaol drei meda ngak hu, meda jhul pakhang jang du lịch. Taphia di nan, dom hagait kan kandah pambuak pagam tal  harak ba-ar dalam gah du lịch, njauk pataom tame duah jalan langyah.

 

# Kapul Chữ thập đỏ Việt Nam barau pambuak bruk saong Quỹ Prudence Việt Nam  alin brei 50 drei limo pajaih ka 50 sang kathaot, sang kan kandah di dom xã biên giới: Ia Mơ, Ia Púch (huyện Chư Prông) saong Ia Nan (huyện Đức Cơ) di tỉnh Gia Lai. Pachreih tui danakdak “Ngân hàng limo” – daong pren yava gam saong bhapbini dom huyen kathaot, xa bien gioi padang ngak palei pala barau” kayua kapul Chữ thập đỏ Việt Nam ba tabiak. Quỹ Prudence Việt Nam  sanya alin brei 150 drei limo ka dom sang bhapbini kan kandah di 3 tỉnh : Kon Tum, Bắc Kạn saong Gia Lai saong yaom jien abih tih jaik 2 tỉ meteh.

 

# Peih ngak tukvak ka 2 di danak dak padang ngak cụm tuyến dân cư  saong sang daok labik aia duak piah hu rilo jang labik daok bahrau ka 56.000 baoh sang dalam 7 tỉnh, bal nan lac Hậu Giang, Vĩnh Long, Đồng Tháp, An Giang, Kiên Giang, Tiền Giang saong Cần Thơ, tal urak ini, dom tỉnh peih ngak hu 178/179 dự án, dalam nan 129 cụm tuyến dân cư  saong 49 ar pacang labik daok di bhap bani. Taphia di nan, bố trí hu 49.540/56.510 baoh sang dalam đối tượng di danak dak hu 88%; dalam nan hu 27.185 baoh sang tame daok dalam dom cụm tuyến dân cư .  

 

# Ngak tui sarak daong urang ngak di palei pala bac bruk ngak, dalam 5 thun tapa, tỉnh An Giang hu pato bruk ngak ka 70.984 urang ngak di palei pala, dalam nan hu 45.830 urang ngak hu bruk ngak; 7.957 urang ngak hu doanh nghiệp tuyển dụng; 3.568 urang ngak hu doanh nghiệp, đơn vị blei pandap; 34.503 urang ngak daok pambuak pagam saong bruk ngak klak saong eng drei duah bruk ngak. Maong rah tapa , dom mo hinh di dom bruk ngak nong, urang nong hadei di tuk bac jeng eng drei padang hu bruk ngak di labik.

 

# Hadei di labaih 4 thun peih bruk padang ngak palei pala bahrau, huyện Giồng Trôm (Bến Tre) mek hu ralo siam mekre, ba mai kein laba biak biai, ngak salih mbaok meta palei pala. Dalam huyện Giồng Trôm padang ngak  hu 239 km jalan mbaok nao mai dalam palei, mek hu 239%, dalam nan hu 113 km jan mek hu tiêu chí palei pala bahrau, padang ngak bahrau 363 baoh tatua, mek hu 189,13%, ngan haong taong abih phun jien jak ba hu labaih 564,5 tỉ đồng.

 

#  Liên đoàn Xiếc Việt Nam hu 5 suất diễn saoh duh ka urang maong ban raya HCM. Ini lac sa dalam 11 labik nghe thuat trung uong pataom tame bieu dien duh pahadar 40 thun harei yasa taneh ia di ban raya HCM. Rilo tiet muc ye : Patanh, Nhào lưới, Quay khung nghệ thuật, Lắc vòng, ridaih juak sa baok,  Xiếc thú, ảo thuật… hu dom nghệ sĩ biểu diễn. Taphia nan lac dom vở xiếc hu angan ye Sơn Tinh - Thủy Tinh, Xứ sở phù thủy saong urang likei  dũng cảm, Alibaba saong dom akol meblah, ndam likhah tikuh..v..v.

 

# Công ty Patabiak tapuk Bal raya Hồ Chí Minh bahrau peih 2 sang tapuk bahrau pak Dĩ An tỉnh Bình Dương saong bal Vũng Tàu, tỉnh Bà Rịa Vũng Tàu. Ngan haong mblang taneh prong meng 300 tal 400m2, labaih  100.000 bản tapuk quốc văn saong ngoại văn dom janih, dom sang tapuk bahrau meda pabak hu hatai caong khin di urang puac tapuk di puk palei. Patui nan, Công ty patabiak tapuk bal raya Hồ Chí Minh meda peih pakak 2 sang tapuk bahrau pak Việt Trì – Phú Thọ saong tỉnh  Ninh Bình.

  

Khaw tin dunya

# Dalam tuk pahadar 29 thun harei rah tabiak thảm họa hạt nhân Chéc-nô-bưn (Chernobyl) di Ucraina, Tổng thư ký Liên hợp quốc Ban Ki Mun (Ban Ki-moon) hu brei thau veik sanya di Liên hợp quốc daong dom urang gaok kan kandah di thảm họa, taphia nan, ieu padang sa dunya an toàn hạt nhân. Harei 26/4/1986, tổ máy ka 4 di sang mac điện nguyên tử Chéc-nô-bưn patuh, ba tal nguy cơ nhiễm xạ ka sa bhum biak praong di châu Âu, dalam nan praong lac Ucraina, Bê-la-rút saong Nga. Tui kuhria, lượng phát xạ meng mbang bala ini sumu 400 baoh  bom nguyên tử hu palao trun ban Hi-rô-xi-ma (Hiroshima) di Nhật Bản. Hadei thảm họa, karja Liên Xô klak jeng brei padang hầm thép úp tagok abih labik rah tbaiak patuh piah cakak rò rỉ chất phóng xạ.

 

# Ngoại trưởng Hiệp hội  dom taneh ia Đông Nam Á (ASEAN) ieu  Trung Quốc padheih padang ngak saong ramik pasiam di bhum tasik meriak gauk di Biển Đông saong pataom tame dom mbang ginum biai dahlau di nyaom biai thượng đỉnh khu vực. Brei panuac di mbang họp báo, Ngoại trưởng MalaixiaA-ni-pha (Anifah Ahman), taneh ia chủ tịch luân phiên di ASEAN brei thau  “Kol dahlak taong yaom glaong meyah TQ padheih dom bruk ramik pasiam, meblah tasik di bhum biển Đông  saong ginum biai gam saong dom taneh ia thành viên ASEAN. Dom taneh ia thành viên ASEAN caong mboh lac bruk ini njauk hu langyah dalam siam mekre, thân thiện “.

 

#Tổng thống Ucraina Pô-rô-sen-cô (Petro Poroshenko) hu mai mong iek mbang pathram quân sự prong abih di bol lin negar ini hu peih ngak pak labik gah meraong Mi-cô-lai (Mykolaiv). Pok panuac dalam pathram, Tổng thống Pô-rô-sen-cô sa mbang tra ndom lac cam kết di negar ini ngan haong panuac sanya hòa bình mek hu meng bilan 2 meng blaoh pak bal ine Min-x cơ (Bê-la-rút). Ong Pô-rô-sen-cô lac:“Dahlak caong khin khaol drei meda samar mboh dom bhum taneh di Ucraina hu peih paha. Min dahlak caong khin sa mbang tra khang panuac lac, dom lực lượng vũ trang Ucraina meda oh tuk halei lac gah akaok meti peih mbaok ka sa mbang tấn công ”.

 

# Yaok rabau nhạc công barau tuh trun mai ban ine Lima di Pê-ru piah padang  kỷ lục mein gar Ca-giông (Cajon), sa nhạc cụ taong hu dom nô lệ asal  châu Phi daok diuk rai di châu Mỹ paneh di abap ka 18. Gar Cajon  hu thaik greih yau sa hộp hình chữ nhật.  Urang mein daok la tagok gar yau daok di kik, pandar tangin taong tame mbaok meng kayau ngak jeng dom tiết tấu samal,  mộc mạc, min rilo ngẫu hứng. Thun ini lễ hội pachreih jaik 3500 urang mein nhạc cụ gõ di Lima saong kuhria phá vỡ kỷ lục ka số lượng urang mein gar Cajon praong abih di dunya. Thun 2001, Viện ilimo taneh ia Pêru brei angan gar Cajon lac inem krung ilimo pakat negar./.