# Dalam mbang nao rivang saong ngak bruk haong Quân khu 7, page harei 28/4, akaok negar Trương Tấn Sang hu nao rivang saong ngak bruk haong Lữ đoàn pháo binh 75 pak Đồng Nai saong Trung Đoàn Gia Định pak Củ Chi, bal raya Hồ Chí Minh. Pok panuac ndom pak lữ đoàn pháo binh 75, akaok negar Trương Tấn Sang brei thau: Lữ đoàn pháo binh 75 nan lac đơn vị hu truyền thống anh hùng, ngak siam taong abih bruk hu jao. Yaok urang jakar, bol lin njauk oh padeih bac megru, pathram, halan hatian caga piah ngak siam bruk dak padang saong khik caga palei negar Việt Nam xã hội chủ nghĩa. Rivang saong ngak bruk haong urang jakar, bol lin Trung đoàn Gia Định, akaok negar Trương Tấn Sang ndom lac: ngan haong ilamu 55 thun dak padang saong patagok, meng 10 chiến sĩ akaok mereip, Trung đoàn Gia Định oh padeih prong tagok saong khang tabiak, ginup pren taong palai kol khamang dalam dom mbang mesruh metak khang, jeng sa dalam đơn vị naih gheih abih di bol lin bhap bani Việt Nam.

# Langiu jien daong 40 triệu đồng di tỉnh Quảng Nam, sang nghệ nhân Y Kông di palei Tổng Cói, xã Ba, huyện Đông Giang (tỉnh Quảng Nam) hu pabak tame jaik 100 triệu đồng piah rimik pasiam miunyim bangsa Cơ Tu ngak sit di sang nghệ nhân. Miunyim ini hu gam sang daok di nghệ nhân Y Kông), praong abih tih jaik 200 mét vuông. Kabung sang tak kiak, hu gang, kèo, đòn tangin ngak meng kayau, nen sang lot kiak men. Miuyim bangsa Cơ tu  ngak sit di sang ong hu jaik 100 janih pandap hu yaom glaong hu ong roh duah dalam jaik 40 thun tapa. Ini lac dom pandap pandar yaok harei, pandap piah pala drak, main pateok, duan, paik di urang Cơ Tu mengkan. Miunyim bangsa Cơ Tu ngak sit di sang nghe nhan Y Kong hu gah ilimo padhih saong du lich tinh Quang Nam ba tame angan sa dalam dom labik tame rivang di dom tour du lịch bhapbini.

# Liên đoàn Lao động tỉnh Khánh Hòa bahrau peih tabiak Bilan Công nhân thun 2014 ngan haong kadha “Công đoàn nao gam haong bruk cak rok patagok di doanh nghiệp”. Tui nan, dom bruk ngak dalam bilan Công nhân 2014 meda pamaong khang tal cơ sở piah iek glang tal  quyền, kein laba njauk adat hukum di urang ngak; dak padang talei pambuak bruk siam mekre, grap tanat, tiến bộ dalam doanh nghiệp; patagok bruk pasang iek, mong iek bruk peih ngak sarak adat hukum pambuak pagam tal quyền lợi urang ngak; peih ngak prong dalam bruk pakacah urang ngak naih jioy, urang ngak hadah krah; pok meyaom dom kareih camin urang ngak naih jioy saong pok glaong urang jakar công đoàn cơ sở naih gheih.

# Thủ tướng Rajaei barau hu harak jao ka mintri jien padai brei oh mek jien 31 tan brah ka tinh Binh Phuoc daong ka urang “di cư tự do” meng Campuchia mai Biet Nam ka oh hu ho tich, ho khau, gaok kan kandah dalam raidiuk.

# Pamaong tal bruk pahadar 39 thun harei peih paha gah meraong, yasa taneh ia (30/4/1975 – 30/4/2014), pagaiy harei 28/4, miunyim tỉnh Gia Lai pambuak bruk saong So ilimo – padhih saong du lich tinh peih parang iek thaot binguk “ tasik pulao Biet Nam”. Parang iek 120 tu lieu thaot binguk yaih khan dom blah ban do mengkan, brei thau chu quyen di taneh ia drei di dua quan dao Hoang Sa saong Truong Sa. Dom blah rup thaot ini piah daong urang maong hu thau rilo jang ka dom kadha brei thau lac Hoang sa, Truong Sa nan, lac di Biet Nam. Tapa nan, pato pakai hatai anit ranam taneh ia, halan hatian buh pren yava khik caga chu quyen tasik pulao bhum palei, abih di nyu nan lac di rairah dam dara.

# Meng akaok thun tal ini, kayua langik tasik mbuan lagaih nan ye sara di Ninh Hải, tỉnh Ninh Thuận mek hu sản lượng glaong. Dalam huyện mek hu 71.954 tấn sara, mek hu 71,95% bruk ba tabiak di thun 2014, rilo jang 9.704 tấn dut haong tukvak ini thun 2013. Urak ini Ninh Hải hu 537 ha taneh ngak sara saong 40 ha sara lang blah bạt. Yaom lac yaom sara nyu trun, daok meng 700-900 ribau đồng sa tấn (trun 200 ribau đồng sa tấn dut haong puac thun 2013) min kayua sara hu sản lượng glaong nan ye urang ngak sara jeng daok  hu laba.

# Baoh tapuk “Gia đình lung linh” pataom labaih 50 kadha vak ka dom đề tài jaik taphia, bhian randap ngan haong yaok urang, nan lac tổ ấm baoh sang. Ini lac baoh tapuk di ralo urang vak chuyên saong oh chuyên vak ka baoh sang bahrau hu Nhà xuất bản Văn học saong pasak ilamo Đông Tây ấn hành. Dalam baoh tapuk, taphia ralo kadha drut drui ka urang amaik, dom hatung hatian brei ka urang ame, hatai ranam di dam dara, hadiuk pasang jeng hu ralo urang vak cih tabiak, bak anit ranam.

Khaw tin dunya

# Công nghệ phone pan tangin daok ba mbuan lagaih ka bruk “xóa mù chữ” di dom taneh ia daok cakrok. Harak pathau khan “ puac dalam ky nguyen di dong” kayua UNESCO barau ba tabiak brei mboh lac, dak harei dak hu rilo urang puac angaok dom màn hình sit di dom taneh ia bo bruk oh thau akhar daok hu rilo menuac. UNESCO kuhria mboh lac, dalam dunya daok hu labaih 770 triệu menuac urang, dalam nan hu 123 triệu dam dara uraniah oh thau puac, oh thau vak bo makna athau akhar kayua kurang tapuk. Yau nan ye, cong nghe di dong rik tame praong ka bruk “xóa mù chữ”di dunya. Urak ini, dalam 7 ty bhapbini angaok baoh taneh meda hu 6 ty urang hu pandar phone pan tangin.

# Dalam gah roh duah ilamo, gah y học dunya jeng daok sangka tal  panuac lac dom Công ty Jru tavao di Mỹ bahrau ini hu ngak iek jeng sa janih jru pasiam ruak ung thư darah hu angan lac CE-Melphalan. Janih jru ini mboh hu siam mekre dalam tukvak ngak iek, meda salih ka jalan hóa trị urak ini hu takik tác dụng phụ jang. Jru daok ngak iek angaok urang ruak đa u tủy – sa janih ruak di ung thư darah, hu tapa blaoh cấy ghép tế bào gốc saong meda hu brei adat dalam thun anak tal.

# Dalam harak pathau khan di gilang pariak dunya barau patabiak, gilang pariak dunya taong yaom glaong bruk patagok kinh te di khu vực Đông Nam Á. Tui nan, Cam-pu-chia saong Lào lac dom taneh ia hu toc do patagok kinh te glaong abih khu vuc di thun ini, kuhria hu 7,2%. Dalam tuk nan, Myanmar kuhria hu tanut patagok kinh te 7,6%; patui nan lac Phi-líp-pin 6,6%, Việt Nam 5,5%, In-đô-nê-xi-a 5,3%, Ma-lai-xi-a 4,9% saong Thái Lan hu tanut patagok 3%... daok ngak pahadah tagok hatai jia tame sa bhum cakrok khang saong năng động dalam tuk rilo gah kinh te praong abih di dunya glaih glan piah pasiam veik/..