# Patui veik mbang nyaom ka 10, page harei 28-10, Quốc hội pang akaok Mentri công an Trần Đại Quang, tui ủy quyền di Thủ tướng Raja-ei, puac harak pathau khan ka bruk pacang caga, cakak bruk ngak suan adat hukum saong kaol kanjah jhak. Jeng dalam harei, Quốc hội pang harak pathau khan bruk ngak di Akaok Viện kiểm sát bhap bani pakat glaong;  Chánh án Tòa án bhap bani pakat glaong; harak pathau khan ka bruk thi hành án; harak pathau khan ka bruk pacang cakak tham nhũng thun 2015.

# Ngak tui Sarak tukvak 2010 – 2015, tỉnh Lai Châu brei nao bac megru, paglaong ilamu chuyên môn, nghiệp vụ saong chính trị ka labaih 34.000 mbang urang jakar. Tapa nan urang jakar, abih di nyu lac urang jakar puk palei ilamu ngak bruk saong chất lượng, bruk ngak hadei di tuk nao bac megru hu patagok biak rilo. Dalam nan dom urang jakar dang akaok pakat uy, karja, abih di nyu lac urang jakar bangsa takik pakat cơ sở di bhum atah bayah, bhum tapeng negar hu ngak siam bruk hu jao.

# Hu bruk kuhria caga glaong di gah y tế, meng akaok thun tal ini, dalam tỉnh Yên Bái oh hu dom jit ruak nguy hiểm. Dom janih ruak njaom mbak yau aih craoh, tagok baoh aia, vi rút rubella, takai – tangin – cambuai…  trun meng 15 tal 35% dut haong tukvak ini thun 2014. Dalam bruk klauk jru pacang caga, dalam tỉnh hu labaih 14.000 ranaih hu klauk ginup 8 janih vắc xin pacang cakak dom janih ruak, samu 86%.

# Meng ini tal thun 2020, Ủy ban bhapbini tỉnh Thanh Hóa meda buh tame jaik 200 tỷ đồng piah peih praong, ramik pasiam sang daok nội trú saong dom  công trình phụ trợ: sang ging, sang mbang, ia hacih…pabak bruk ngak mbang ngak huak saong bac megru ka anek saih trung học cơ sở saong trung học phổ thông di 7 huyện bhum ceik. Urak ini, dalam tỉnh Thanh Hóa hu 19 sang bac hu sang gam bac gam daok ka anek di dom huyen bhum ceik, bahrau pabak hu hasit bruk caong khin kayua rilo adei njauk nao takai yaok pluh km piah nao tan sang bac. Rilo anek saih njauk padang lều, sang tạm daok jaik sang bac piah lagaih ka bruk nao bac. 

# Nyaom roya Đảng bộ tỉnh Sóc Trăng mbang ka 13, vaktu 2015-2020 hu peih tabiak di page harei 28/10. Hu mbaok dalam nyaom roya hu Uỷ viên Bộ Chính trị, Akaok Uỷ Ban trung ương mặt trận negar Việt Nam Nguyễn Thiện Nhân gam haong 347 urang lambaok ka labaih 37.000 urang đảng dalam tỉnh. 5 thun tapa, kinh tế di tỉnh daok patagok, mek hu tanut patagok mbiah, cơ cấu kinh tế salih bahrau biak siam; GDP kuhria rah tapa tui akaok manuac thun 2015 nan lac 1.800 USD. Rai diuk di bhap bani dom bangsa dalam tỉnh oh padeih patagok, mbaok meta bal prong bal sit saong palei pala hu ralo salih bahrau. An sinh xã hội hu grap tanat, bhap bani Khmer hu sangka iek glang siam.

# Tỉnh Cà Mau urak ini hu labaih 40 km takai tasik glut jaleih nguy hiểm, dalam nan hu 6 labik biak nguy hiểm. Dom labik nguy hiểm ini rilo meng mboh di takai tasik gah pai tỉnh saong atah abih tih jaik 23 km. Daok gah timul, glut jaleih khang mboh rilo di mblang tasik xã Đất Mũi huyện Ngọc Hiển saong xã Tân Thuận huyện Đầm Dơi. Ủy ban bhapbini tỉnh Cà Mau hu pok tagok Thủ tướng rajaei saong dom mintri, ngành Trung ương pasang iek brei ngak labaih 5.100m kè khẩn cấp pacang glut tapen tasik Tây dalam huyện U Minh. Taphia nan, njauk samal daong ka Cà Mau 150 tỷ đồng meng phun jien caik piah piah ngak chip dom jalan khik caga bhum glut jaleih khang. 

# Dom harei jaik di ini, aia ndik glaong ngak duak saong glut jaleih khang pak tỉnh Tiền Giang. Di ar gah Timur kraong Chợ Gạo, huyện Chợ Gạo, tỉnh Tiền Giang, aia ndik tapa jalan, nduac tame sang bhap bini. Langiu di dom labik glut jaleih dahlau diah oh ka pasiam ye aia ndik ngak ka ar pacang, takai kraong Tiền, krong Bảo Định,  bal sit Mỹ Tho; krong Ba Rài - huyện Cai Lậy saong dom krong ribaong dalam huyện Cái Bè jeng hu ralo labik glut jaleih prong sit ngak kan kandah tal bruk nao mai pajeng ba di mikva. Ong Lê Văn Mười, sa urang daok pak xã Long Trung, huyện Cai Lậy lac: Aia ndik aia trun, nduac khang ngak glut jaleih trak. Aia bilan 10 ini duak ralo ngak ka nyu glut trun, mbaih mboh ralo. Ar langiu nan nyu jaleih abih. Karja hu ngak ar pacang min jeng glut jaleih. Nyu ngak kan kandah biak ralo, langiu nan aia trun daok daong veih hu daok labik dalam ye aia duak miat, phun Duriang duak  metai abih.

Khaw tin dunya

# Meng bilan 6 thun ini, vi rút cúm A(H7N9) daok hu mboh di menuk ada dalam rilo tỉnh di Trung Quốc. Meyah daok tui mô hình pambak ruak yau dom thun dahlau, dom urang njom kum di menuac pak TQ meda tagok dalam dom bilan tal. Việt Nam hu jalan biên giới atah saong Trung Quốc, nao mai, ngak mbang pablei salih di dua taneh ia biak praong  nan ye jit ruak mbuan si pambak tame, abih di nyu nan lac bruk pablei salih menuk ada lậu meda daok rah tabiak. Urak ini, oh ka hu bằng chứng brei mboh vi rút cúm AH7N9 meda pambak mbuan meng menuac tapa menuac min VN jeng nyauk pasang iek catang meyah hu menuac ruak.

# Chuẩn đô đốc Hơ Blơ-gin (Herve Blejean), urang dang akaok chiến dịch pacang cakak bruk pablei salih manuac urang di Liên minh Châu Âu, bahrau pachreih raja-ei Libi pambuak bruk dalam chiến dịch quân sự piah cap mek saong taong tayah dom sruh gilai di kaol pablei salih manuac daok rah tabiak angaok bhum tasik Địa Trung Hải. Chiến dịch Xô-phi-a oh lac daong pacang cakak manuac di cư metai dalam tukvak nao tapa tasik bo daok pacang cakak manuac urang nhập cư mbuan tổn thương tuh tame Libi, tui kuhria hu jaik 500 ribau tal 1 triệu urang.

# Thượng viện Mỹ barau brei tapa Đạo luật klak rabha thông tin an ninh mạng ngan saong 74 phiếu thuận saong 21 phiếu chống. Dom nghị sỹ pachreih tui brei thau, Đạo luật nan meda daong bruk klah rabha thông  tin ka dom mbang tấn công mạng di dom công ty tư nhân saong dom jabat rajaei hu mbuan jang, dalam tuk nan, dom urang phản đối mboh huac lac, nyu meda jhul patagok bruk tui iek, pasang iek catang jang thông tin mạng. Min, Đạo luật nan jeng gaok bruk phản đối di rilo tập đoàn công nghệ praong ye Áp-pồ (Apple), Giép (Yelp) saong Đrop-bóc (Dropbox)./.