#  Pak Hà Nội,  Saong daoh tamia Nghệ thuật Đương đại Việt Nam hu peih bruk taduan mek angan Anh hùng Lao động. Akaok negar Trương Tấn Sang mai hu mbaok saong pok brei angan prong glaong ini ka Sang daoh tamia Nghệ thuật Đương đại Việt Nam. Akaok negar taong yaom glaong dom cống hiến nghệ thuật di Sang daoh tamia dalam luac 30 thun dak padang saong patagok. Peih mbaok meng Kapul Daoh tamia Nhạc nhẹ Trung ương ngan haong 15 urang jakar, nghệ sỹ, tal urak ini Sang daoh tamia Nghệ thuật Đương đại Việt Nam hu prong tagok ngan haong 140 nghệ sỹ, diễn viên, kỹ thuật viên hu pato pathram ilamu chuyên môn khang kajap.

# Di tỉnh Đắk Lắk, bilan hajan thun ini suai jang min abih avar jang ngak kurang ia biak ralo duk saong ralo thun. Dalam tỉnh hu 599 danao ia min urak ini hu tal 150 danao bahrau hu 30 tal 80% dung tích ia, jaik 30 danao hu meng 30 tal 50% dung tích ia. Tỉnh Đắc Lắc tacei pato gah chức năng pasang iek, taong yaom cambaih laih ia daok hu di yaok puk palei. Meng nan, parabha taneh, janih phun pala, tukvak mùa vụ lagaih ka bilan dông xuân, khik kajap bruk pabak ia duh ka bruk pala drak saong ngak mbang ngak huak di bhap bini.

# Peih ngak danak dak bruk ngak negar padang ngak pala pala bahrau, dom puk palei di tỉnh Bình Thuận jak ba hu labaih 5.900 tỷ đồng piah padang ngak cơ sở hạ tầng, patagok bruk ngak mbang pala drak, peih ngak Bộ tiêu chí palei pala bahrau. Tỉnh Bình Thuận hu  padang ngak saong pabak dom cơ chế biak karei yau: Đề án patagok jalan mbak nao mai dalam palei; thủy lợi sit, pakhang pakajap ribaong kraong; brei buh jien dahlau saong patagok bruk ngak mbang  kinh tế, xã hội …laghaih haong yaok puk palei.

# Dhar gilang pariak sarak karja tỉnh Hậu Giang dom thun tapa hu brei mesraiy labaih 10 tỷ đồng ka yaok rituh baoh sang sarak piah langyah dom kan kandah dalam rai diuk. Yaok baoh sang hu mesraiy rilo di abih 30 triệu đồng, tukvak mesraiy dalam 10 thun saong oh mek jien laba luac dalam tukvak mesraiy

# Klup kapul “Kayua Hoàng Sa – Trường Sa anit ranam” hu pambuak bruk haong Rayo papar binguk bal raya Hồ Chí Minh peih ngak danak dak giao lưu “Xuân labik pulao atah”. Tapa danak dak, dom urang ngak pahla hu daong brei 5 tỷ đồng duh ka Tết Bính Thân thun 2016 brei ka urang jarka urang lin labik pulao atah. Klup kapul “Kayua Hoàng Sa -  Trường Sa anit ranam” bahrau padang hu labaih 1 thun min hu jeng labik pambuak pagam dom kadha anit ranam meng baoh taneh tal tasik pulao atah bayah anit ranam.

# Tổng Công ty Điện lực gah meraong saong UB bhap bini huyện Tân Trụ, tỉnh Long An barau peih bruk alin hadiah saong jao 2 baoh sang tình nghĩa ka 2 sang sarak karja dalam huyện. Dua sang taduan hu baoh sang tình nghĩa harei ini nan lac amaik VNAH Trần Thị Bay, daok di palei Bình Thạnh, xã Bình Tịnh hu dua urang anek lac liệt sỹ saong amuk Nguyễn Thị Tám,  diuk liệt sỹ daok di palei 3, xã Tân Phước Tây jeng lac dalam huyện Tân Trụ, tỉnh Long An. Yaok baoh sang hu urang jakar, nhân viên Tổng công ty Điện lực gah meraong daong 60 triệu đồng.  

# Tỉnh đoàn Sóc Trăng bahrau pambuak bruk haong Tổng Công ty bia, alak, aia  menyum Sài Gòn alin brei limo pajaih saong sang anit ranam ka urang đoàn dam dara hu rai diuk kan kathaot. Danak dak hu daong 9 drei limo ka 9 dam dara kathoat, hu rai diuk biak kan kandah, oh hu taneh pala drak. Yaok drei limo  yaom jaik 20 triệu đồng. Bruk ini piah peih tabiak jalan ka dom dam dara hu rai diuk kan kandah di puk palei yam tagok dalam rai diuk. 

Patui di ini dom khau tin dunya:

# Nyaom roya mbang ka dua hội đồng hương tỉnh Quảng Bình barau peih tabiak di ban ine Pra-ha (Praha - Cộng hòa Séc) hu ba tabiak jalan ngak di anak tal lac, padang sa kapul jum pataom, khang kajap, hu mbaok tame dom bruk ngak pamaong mai palei negar. Langiu di nan kapul jeng hu sangka tal dom bruk ngak piah salih barau rai diuk mbang ngui daok dang di urang hội, pachreih mikva diuk rai saong ngak bruk tui hukum di taneh ia drei daok, taphia di nan pato pakai rai rah ranaih umo khik ramik saong patagok ilamu bangsa. Dalam 10 thun tapa kuhria meng harei padang tagok, kapul đồng hương tỉnh Quảng Bình hu taong yaom lac sa kapul jum pataom, daong ba gauk, samar ba drei tame saong dom kapul nyaom urang Việt karei di Cộng hòa Séc. Kapul pachreih hu labaih 300 urang hội.

# Raja-ei Anh njauk peih sa mbang nyaom chip piah ba tabiak jalan pacang bruk aia sua trak di gah Barak negar ini, ngak ka yaok rituh urang njauk klak sang danaok di drei nao daok di labik karei. Ralo urang lin hu mbaok piah caga daong tuk hu bruk kan kandah. Labaih 250 cảnh báo ia ndik ia sua hu ba tabiak grauk labik dalam negar, dalam nan hu 24 cảnh báo khang. Yaok rituh urang njauk panduan nao daok di labik karei, yaok ribau baoh sang oh hu điện pandar.

# Gah Irac harei 27.12 hu pan quyền pasang iek labik tổ hợp karja di pasak ban Ramađi,  labik puac abih di IS di ban gah pai ini. Urak ini oh mboh kol IS halei di labik ini.Tui urang brei panuac di bol bala Irac, jalan ngak patui nan lac palahik abih dom hang ổ độc lập di kol IS urak ini daok hu mboh dalam ban. Bruk meblah veik Ramađi hu maong lac sa jayah praong di Irac kuhria meng tuk IS pasang iek 1/3 taneh riya negar ini meng thun 2014./.