# Piah daong jhul pakhang bruk roh duah ilamu saong ngak vắc xin pacang cakak ruak ka manuac urang hu siam mekre, Phaok Thủ tướng Vũ Đức Đam jao ka Akaok công ty Đầu tư saong và Kinh doanh phun jien karja (SCIC) dang tabiak pambuak bruk haong  Mentri Y tế, Mentri Khoa học saong Công nghệ, Jabat Raja-ei padang ngak Dự án padang sang mac ngak vắc xin praong tui jalan công nghiệp, pathau khan tagok Thủ tướng dahlau di bilan 12/2015.

# Pahadar 70 thun Cách mạng bilan 8 song harei negar (2-9), Thành Đoàn Đà Nẵng bahrau peih harei pataom dom kapul pathau khan kadha daoh cách mạng hu angan “Hulin ranam taneh ia hulin”. Harei patom pachreih hu labaih 500 diễn viên mai meng 24 cơ sở Đoàn dalam ban sit hu mbaok tame parang main dom kadha doh pok meyaom Đảng, Wa Hồ, anit ranam taneh ia. Mban peih harei pataom hu palih ruah dom kadha gheih di abih hu mbaok tame Chung kết harei patom dom kapul pathau khan kadha daoh cách mạng di bhum Duyên Hải  Nam Trung bộ di jhung bilan 9 anak tal.

# Pak Hà Nội, Mentri Công an bahrau peih ginum biai brei thau bruk khik kajap an ninh, trật tự bilan 8/2015; peih tabiak jalan ngak dom bruk di Công an meng ini tal puac thun 2015, dalam nan pataom tame bruk khik kajap siam mekre, salamat dom bruk pahadar Harei negar 2/9; tacei pato peih ngak siam bruk đặc xá thun 2015.  

 # Mintri Công thương bahrau peih nyaom pasram megru ka urang vak, BTV cih vak bruk jak ba urang VN pandar pandap VN thun 2015. Meng akaok thun tal ni, dom puk palei peih hu labaih 100 mbang ba pandap nao pablei di palei pala, hu 1355 DN pataom mbaok tame, pachreih hu labaih 600 ribau urang mai blei, jien mek tame labaih 8 tỷ đồng. Dom tỉnh ban hu peih ngak jiak 100 nyaom darak pasa, parang iek, pachreih hu labaih 50 ribau DN hu mbaok, jien mek hu dalam mbang pablei pandap ni hu labaih 200 tỷ đồng.

# Tỉnh Đắc Lắc daok peih ngak dom jalan samar drah piah khik kajap trật tự, an toàn angaok jalan mbak nao mai dalam harei lễ Quốc khánh 2/9. Tui nan, dom gah chức năng patagok bruk pasang iek, langyah dom bruk ngak suan adat hukum yau: pajeng biak trak, padeih saong raok tuai oh njauk labik brei adat; patagok bruk khik caga di dom canah jalan mbuan hu bala, mbuan ùn tắc giao thông, abih di nyu lac jalan Hồ Chí Minh labik nao tapa tỉnh.

# UB bhap bini ban raya HCM bahrau peih ginum biai ba tabiak dom bruk ngak prong di puac thun ni. 8 bilan tapa, kadung jien karja di ban raya mek tame hu labaih 181 ribau tỷ đồng, tagok 5% dut song tuk vak ni thun dahlau. Meng ni tal puac thun, ban raya kham merat ieu pachreih phun jien FDI hu 3,5 tỷ đô la Mỹ.

 # Pak tỉnh Bến Tre, Hội Thánh Cao Đài Tiên Thiên peih nyaom roya Nhơn Sanh Cao Đài Tiên Thiên mbang ka V (2015-2020). Tal urak ini, Hội Thánh Cao Đài Tiên Thiên hu jaik 80 ribau chức sắc, tín đồ daok di 16 tỉnh, bal dalam negar. Dalam mbang ka 4 meng bloh, Hội Thánh Cao Đài Tiên Thiên kham merat hu mbaok tame dom bruk ngak pahla yau: van huak brei saoh ka urang ruak kan kathaot, padang ngak tatua, jalan mbak nao mai, brei jien bac ka anek saih kan kathaot… kuhria tabiak yaom jien abih tih jaik 45 tỷ đồng./.