# Thủ tướng Raja-ei daok hu dom Quyết định jao ka Mentri Jien padai buh tabiak brei sraoh labaih 5 ribau tấn brah meng gilang khik piah di negar brei ka 6 tỉnh: Cao Bằng, Quảng Bình, Quảng Ngãi, Hà Nam, Yên Bái, Bình Định piah daong  ka bhap bani dalam tuk Tết nguyên đán thun 2016. Thủ tướng Raja-ei pandar dom tỉnh taduan mek saong pandar brah nan piah daong samu saong njauk menuac tui quy định.

 

# Harei 28/1, Ủy viên mintri chính trị, phaok thủ tướng rajaei Nguyễn Xuân Phúc, akaok mban tacei jalan Tây Bắc gam saong kapul ngak bruk di rajaei hu nao pasang iek bruk pasiam dom khat lihik meng bala di bilan li-ar meng bloh di huyện Sa Pa, tỉnh Lào Cai. Phaok thủ tướng caong lac, karja palei peih ngak siam bruk an sinh XH, peih bruk alin hadiah pandap, brah ka bhap bini uan rok tết anek sak kara hu bui sambai, patak pataom, siam mekre, salamat.

 

# Phaok Thủ tướng Hoàng Trung Hải njauk hatai brei pabak 414.676 USD meng phun jien daong brei oh bayar veik di Quỹ Kế hoạch chung di Liên hợp quốc daong peih ngak danak dak bruk ngak negar padang ngak palei pala bahrau. Bruk ngak di dự án piah daong ilamu chất lượng glaong ka danak dak bruk ngak negar padang ngak palei pala bahrau piah patagok pren khang di labik palei pala Việt Nam.

 

# “Điện Biên kham merat mek hu tanut chuẩn palei pala barau”. Nan lac kham merat di kapul urang QH tỉnh Điện Biên di var pasang iek bruk peih ngak danak dak bruk ngak negar padang ngak palei pala barau tukvak 2011 – 2015 di dom huyện Mường Ảng saong Điện Biên Đông. Tapa pasang iek brei mboh, hadei di 5 thun peih ngak, mbaok meta palei pala hu ralo salih barau, rai diuk mbang ngui daok dang di bhap bini hu salih barau biak ralo. 

 

# Pak Hà Nội hu peih tọa đàm pambuak haong dom urang daong ba ka du lịch Việt Nam ngan haong bruk hu mbaok di lambaok 10 gahtài trợ dunya. Bruk ngak kayua Dự án danak dak patagok bruk du lịch hu trách nhiệm haong môi trường saong xã hội kayua Liên minh châu Âu daong brei (Dự án EU-ESRT). Tukvak tapa, du lịch Việt Nam taduan mek hu bruk daong ba khang di ralo negar, kapul nyaom dunya saong khu vực, dalam nan Liên minh châu Âu lac gah daong prong ngan haong bruk daong ilamu biak siam lagaih, pambak siam tal bruk cakrok patagok di du lịch Việt Nam.

 

# Tỉnh Đoàn Quảng Bình barau peih harei “Adit meriah” saong tabiak bruk brei drah halan hatian thun 2016. Tui jalan ngak lac “brei drah daong ka urang, sinh mệnh ayut saong dahlak”, harei nyaom brei drah “Adit meraih” pachreih hu labaih 1.000 urang đoàn, anek saih, sinh viên, urang jakar dalam dom doanh nghiệp, kapul nyaom bol pan phao kraong di tỉnh Quảng Bình hu mbaok tame. Di labik ini, dom ayut ranaih umo hu brei 800 đơn vị drah ka dom sang iek ruak, dom balai y tế.

 

# Chi cục khik iek darak pasar bal raya Hồ Chí Minh hu ngak salah blaoh hồ sơ piah xử lý Công ty trách nhiệm hữu hạn Sa thành viên Saigon Ve Wong vi phạm ka nhãn mác bao bì, ngak ja asal xuất xứ. Taphia di nan, khik mek 108 tấn bột ngọt caik dalam mbao janih 25 kg hu asal mai meng Trung Quốc saong dom negar Đông Nam Á karei.

 

Patui di ini dom khau tin dunya:

# UB đối ngoại di Thượng viện Mỹ hu mbaoh tangin brei tapa dự luật peih praong dom jalan taong phat Triều Tiên pambuak tal danak dak hạt nhân saong quyền anek menuac di TT. Bruk nan hu rah tabiak hadei di tuk TT brei thau lac ngak iek hu mbom nhiệt hạch, daok ieu lac mbom H.

 

# Dom urang ilamu Mỹ daok pachreih Gah Y tế dunya (WHO) hu jalan ngak samar drah piah pacang cak bruk njaom mbak di virus Zika, janih virus nguy hiểm ngak cateo glo akaok uranaih, meda mbuan tamuh jeng jit praong. Dalam harak pathau khan gah y tế, dom chuyên gia Mỹ caong WHO maong veik dom kadha tapa bloh meng jit Ebola, kayua suai  ba tabiak jalan ngak, nyu ngakka yaok ribau urang metai. Ngan haong urang kamei metian, virus caik veik dị tật thai nhi ngan haong chứng cateo glo akaok. Urak ini, oh ka hu jalan ngak halei piah pasiam ruak  virus ini.

 

# Rilo taneh ia Mỹ Latinh saong Ca-ri-bê njauk peih rilo jalan ngak khang piah pacang  jit Zika. Bruk ngak ini hu rah tabiak hadei di tuk gah y tế dunya tabiak panuac lac, janih virut ini daok pambak samar tal tanut báo động. Tui kuhria hu meng 3 tal 4 triệu urang  di  châu Mỹ meda njom janih virut ini. Daok di châu Âu, dom taneh ia jeng brei thau hu dom urang njom Zika akaok meti./.