# Pak Hà Nội, Mentri Lao động Thương binh saong Xã hội peih  nyaom biai brei thau, peih ngak Nghị định 85 di rajaei “Tacei tabiak cambaih laih dom paka di Hukum lao động ka sarak brei ka urang ngak lac urang kamei. Nghị định 85 hu 3 Chương, 13 paka, brei thau cambaih dom paka di Hukum lao động ka sarak brei ka urang ngak lac urang kamei. Tui nan, urang pandar urang ngak njuak khik ka urang ngak lac urang kamei hu  iek glang pren yava định kỳ; urang kamei daok raong anek ala 12 bilan hu padeih 60 phút yaok harei piah brei ka anek mum, tukvak padeih hu mbang tamo jien bilan…v..v..

# Di HN bahrau rah tabiak nyaim biai “Quy hoạch, thiết kế, padang ngak song khik iek tatua dalam ban, bruk di anak meta saong jalan ngak”. Tui dom urang lambaok bruk padang ngak rilo danak dak tatua dalam tuk vak tapa hu rik dong tame bruk pasaim hạ tầng đô thị Việt Nam, min dok tavak tavaiy dalam bruk quy hoạch, thiết kế đầu tư, khik ramik dom danak dak tatua. Di HN urak ni hu labaih 50 tatua song rilo jalan ngak karei di gauk min oh tagok hu kein lagaih, urang nao takai pandar tatua ni biak takik.

# Pak Hà Nội, Pasak khik iek sinh vật tasik saong patagok cộng đồng dom kapul nyaom xã hội dân sự saong biến đổi khí hậu pak Việt Nam peih nyaom biai “Đối thoại: roh duah, truyền thông saong jak ba sarak dalam gah biến đổi khí hậu pak Việt Nam”.  Pak nyaom biai, dom urang lambaok brei thau, piah caga biến đổi khí hậu, njauk pambuak bruk ka nyu samu gauk di ralo pakat, ralo gah. Dalam nan, gah ngak nong njauk kuhri kuhria rami ramik veik bruk ngak mbang pala drak tui jalan suai lavik caga biến đổi khí hậu.

# Di HN hu rah tabiak nyaom biai pakat glong pabak khau tin ka bruk salih bahrau hành chính, pandar công nghệ thông tin tame bruk peih ngak sarak BHXH, BHYT. Urak ni, BHXH di 63 tỉnh, ban hu hệ thống giao dịch điện tử, taduan hu 82 ribau đơn vị pandar urang ngak tut angan tame pandar. BHXH Việt Nam hu patrun meng 263 thủ tục hành chính trun dok 33 thủ tục.

# Pak Bình Thuận, Ban tacei pato pakat negar bruk “Taong abih bhap bani gul pataom dak padang rai diuk ilamo” hu peih nyaom biai giao ban cụm dom tỉnh, bal bhum Đông Nam Bộ saong Tây Nam Bộ. Tapa bruk ngak, dom tỉnh, bal bhum Đông Nam Bộ saong Tây Nam Bộ hu panuac caong Mentri Ilamo – Padhih saong Rivang ma-in saong Mentri Nội vụ hu dom quy định brei thau cambaih laih ka biên chế Văn phòng thường trực Ban tacei pato “Taong abih bhap bani gul pataom dak padang rai diuk ilamo” dom pakat piah hu jalan padang Văn phòng Ban tacei pato di yaok puk palei. Ban tacei pato Trung ương njauk pasiam veik tiêu chí “xã mek hu ilamo palei pala bahrau” saong “xã palei pala bahrau”, kayua lac di 2 tiêu chí ini oh ka yasa haong gauk, ngak kan kandah dalam bruk xét cấp công nhận…

# Di ban sit Cần Thơ hu rah tabiak nyaom biai An toàn thông tin dalam bruk ứng dụng công nghệ thông tin Kayua pasak ứng cứu khẩn cấp máy tính Việt Nam (Mintri  Thông tin song truyền thông) pambuak bruk song Sở Thông tin song Truyền thông ban sit Cần Thơ peih ngak. Tui Cục An toàn Thông tin, thun tapa, VN taduan hu labaih 4000 mbang tấn công hu mong lac xâm phạm an toàn thông tin; labaih 50% jabat, kapul oh hu jalan ngak njauk piah phản hồi chip tuk hu duah mboh song njauk tấn công.

# Urak ini, biak ralo doanh nghiệp dalam negar njauk pandap ja, pandap mblah tui, pandap nhập lậu taong tame, dalam nan hu dom angan biak daneiy angan. Tui thống kê, dalam 9 bilan tapa, dalam negar hu jaik 150.000 bruk hu duah mboh pambuak pagam tal pandap ja, pandap lậu. Dom jabat chức năng hu taong phạt saong xử lý pandap panda labaih 8.700 tỷ đồng. Ta-eng bal raya Hồ Chí Minh hu tal labaih 9.000 mbang ngak suan adat ngan haong yaom jien taong phạt vi phạm saong xử lý pandap panda jaik 78 tỷ đồng.

Khaw tin dunya:

# Thứ trưởng mintri Quốc phòng Nhật Bản Kên-zi Oa-ca-mi-ya (Kenji Wakamiya) hu ba tabiak bruk  bol lin negar ni  meda ba labaih 500 urang lin nao tal dom palao kaoh meng thun 2019, dalam nan hu dom palao kaoh di labik tasik Hoa Đông, labik jiak song dom palao kaoh dok meriak gauk song TQ. Urak ni, palao kaoh dok meriak gauk di Nhật Bản song TQ dalam luac dom thun tapa lac Xên-ca-cư (Senkaku – tui panuac ieu di Nhật Bản), song Điếu Ngư – tui panuac ieu di Trung Quốc ala jalan tui iek di ban I-si-ga-ki.

#  Thủ tướng Bỉ Xác-lơ Mi-xen (Charles Michel) hu brei trun tanut cảnh báo an ninh pak bal ine negar ini hadei di jaik sa adit paglaong cảnh báo tagok tanut glaong abih. Bruk nan hu ba tabiak hadei di mbang nyaom di Jabat pambuak bruk phân tích đe dọa (OCAM) di Bỉ piah taong yaom veik tanut đe dọa khủng bố pak bal ine taneh aia ini. Quyết định angaok nan meda ba pandar dalam taneh aia Bỉ, dalam nan hu bal ine Brúc-xen (Brussels).

# Đức meda brei kapan haoh mesruh Tô-na-đô (Tornado) di Đứcpiah dong ka prang cakak kol (IS) di Xyri. Taphia bruk dong kapan mesruh, Đức daok saheng kuhria ba dom kapan mesruh song kapan haoh pabak nhiên liệu tame pandar yau sa binah di bruk dong ini./.