# Thủ tướng raja-ei bahrau mboh tangin tame quyết định phê duyệt jalan ngak đơn giản hóa dom harak ba-ar hành chính, quy định pambuak pagam tal pasang iek ruak ka bhap bani dalam phạm vi khik iek di Mentri Y tế. Tui nan,  urang hu harak bảo hiểm y tế oh njauk xuất trình thẻ dalam dom trường hợp chuyển tuyến pasang iek ruak atau hu cung cấp số brei thau ka angan je urang nan  (tuk cơ sở dữ liệu negar  ka bhap bani chính thức ba tame pandar). Langiu di nan, quyết định daok phê duyệt dom jalan ngak: klaak adat tạm khik thẻ bảo hiểm y tế  tuk salah blaoh bruk pasang iek ruak atau ba tame sang iek ruak; klaak quy định ba brei “dom harak ba-ar brei thau ka tình trạng ruak kik” dalam hồ sơ thanh toán ngan haong tổ chức bảo hiểm y tế dalam trường hợp urang ruak pasang iek ruak pak labik pasang iek ruak oh hu hợp đồng pasang iek ruak bảo hiểm y tế saong klaak dom quy định bắt buộc hội chẩn dahlau di tuk chuyển tuyến.

# Tui panuac caong di mban khik ramik dự án (PMU) 7 dalam  harak payua mintri Giao thông vận tải, yaom jien piah apdang tatua Mỹ Thuận 2 lac 5.535 tỉ đồng. Phun jien nan, lac mesraiy ODA Nhật Bản jaik 5.251 tỉ đồng, daok veik lac jien đối ứng di Viết Nam  pandar ka bruk giải phóng mặt bằng. Tui panuac caong di PMU 7, tatua Mỹ Thuận 2 atah di tatua Mỹ Thuận urak ini jaik 350m ka gah thượng lưu, atah abih tih  6,81km, lac tatua talei văng praong 25m ngan saong 6 làn radaih. Tui  PMU 7, tatua Mỹ Thuận 2 lac sa binah di canah jalan cao tốc ban raya HCM - Trung Lương - Mỹ Thuận - Cần Thơ.

# Tui Sở Tài nguyên Môi trường Đồng Nai, yaok harei khu công nghiệp  Nhơn Trạch 1 tuh trun jaik 4.300m3 aia nerak hu tapa xử lý. Yau nan min anak meta hu mboh, dahlau di tuk tuh trun kraong Thị Vải, baoh ribaong jhuk lộ thiên ba halau nerak ini nao tapa ấp 3, xã Hiệp Phước daok njauk ô nhiễm trak, ngak srau dhau tal rai diuk di labaih 800 khu sang trọ urang ngak daok pak ini. Hadei di tuk mek hu phản ánh ini, Sở  Tài nguyên Môi trường Đồng Nai hu trun pasang iek, meyah njauk yau phản ánh di bhap bani ye meda xử lý nghiêm.

#  Ủy ban bhapbini  tỉnh Kon Tum brei thau hu tabiak harak ka bruk padheih dự án pala hareik, raong limo rilo công nghệ glaong di Công ty Cổ phần Hoàng Anh Gia Lai. Dahlau di nan, Sở Kế hoạch saong Đầu tư tỉnh Kon Tum saong Công ty Cổ phần Hoàng Anh Gia Lai gam hu harak caong uy mban bhapbini  tỉnh Kon Tum brei padheih peih ngak dự án pala hareik, raong limo rilo  công nghệ glaong di huyện Ia H’Drai, tỉnh Kon Tum.

# Dalam puac bilan 5 ini, 40 học viên Việt Nam meda tagok jalan nao tapa Úc piah bắt đầu danak dak bac megru hadei đại học tui pok jien bac di raja-ei negar ini. Sa metah dalam nan lac urang kamei, hu 2 học viên nan lac urang jaoh jo saong sa học viên nan lac bangsa Tày. Thun 2016, Raja-ei Úc meda ba brei ka Việt Nam 80 pok jien bac ka dandak dak taong abih tukvak daok pak Úc bắt đầu dalam thun 2017.

# Salam uan harei dunya  uranaih 1-6 thun ini, Cung Văn hóa Lao động ban raya Hồ Chí Minh peih ngak dua danakdak daoh tamia praong nan lac  “harei roya uarnaih jaoh jo mbang yaka 20 – thun 2016” saong “harei roya uranaih thun 2016”.  Dua danakdak duh ka bruk bui mein di yaok ratuh adei uranaih sup meta, tangaoh, jaoh jo meng dom sang bac giáo dưỡng uranaih jaoh jo. Ini lac bruk ngak ndung bak ilamu meng kan di Cung Văn hóa Lao động ban raya Hồ Chí Minh piah pasang iek ka uranaih metui, jaoh jo rah tabiak yaok thun.

# Kapul nyaom roh duah di sang bac Đại học Dược Hà Nội bahrau điều chế hu jru daong điều trị ung thư. Jru “Made in Việt Nam” ini meda hu khả năng pasiam veik dom nhược điểm di jalan ngak hóa trị atau xạ trị. Meyah lac jalan điều trị ung thư meng kan mai nan lac pametai tế bào ung thư saong tế bào lành tính gam gam haong gauk ngak ka urang ruak glaih glar, suy nhược ye jalan ngak bahrau ini tok pametai dom khối u ác tính. Angan khoa học di jru điều trị ung thư kayua nyaom roh duah di sang bac Đại học Dược điều chế hu angan lac Liposome Doxorubicin.

 Khaw tin dunya

# Gah y tế tỉnh Quảng Đông, Trung Quốc, brei thau lac  sa ca njaom kum menuk ada H7N9 barau di menuac di tỉnh ini. Urang ruak lac sa urang kumei umo 69 thun, daok di ban sit Mai Châu. Ini lac urang njaom ruak H7N9 ka 12 di  tỉnh Quảng Đông dalam thun ini, dalam nan , 4 urang metai. Thun dahlau, tuk dauh mboh urang kum menuk ada H7N9, karja Quảng Đông saong Hồng Kông (Trung Quốc) brei patrun patakik bruk pablei salih menuk ada diuk, cuh klak rilo menuk ada njam ruak.

# Meng harei 26-05, yaom menyek mbang akaok mereip tapa 50 đôla sa thùng dalam thun ini, dui tui nan lac bruk tagok điểm pak dom thị trường chứng khoán angaok dunya. Ini hu mong yau sa tín hiệu siam ka nền kinh tế dunya. Pak  châu Âu, chỉ số FTSE di Anh hu tagok 0,1%, chỉ số CAC di Pháp tagok 0,7% saong DAX di Đức patui veik jalan patagok gam gam jang 0,7%. Pak châu Á, dom chỉ số Nikkei 225 di Nhật Bản, Hang Seng di Hồng Kông (Trung Quốc), S&P/ASX 200 di Ôxtrâylia jeng tagok meng 0,1% tal 0,3%. Tui dom chuyên gia, sa yếu tố prong daok pambak tal darak pasar dunya nan lac liệu Cục khik caga liên bang Mỹ (Fed) hu tagok lãi suất cơ bản dalam mbang nyaom chính sách patui veik dalam bilan 6 anak tal halei oh./.

# Tổng thống Nga Vla-đi-mia Putin ndom lac, Nga saong Liên minh châu Âu (EU) meda langyah hu dom bruk daok kandon, tui nan, Nga halan hatian ginum biai piah langyah rilo bruk saong EU. Tổng thống Nga ndom lac, piah padang veik talei pambuak bruk rilo gah ye dom gah njauk pok je gauk. Ông Putin brei thau, Nga caong ginum biai dom bruk ye tự do thị thực, padang liên minh năng lượng…min gah EU brei mboh lac drei oh khin yau nan./.