# Patui danak dak mbang nyaom ka 10, harei 29-10, dom urang Quốc hội pang Akaok Mentri Nội vụ Nguyễn Thái Bình puac Harak pathau khan ka Hukum tín ngưỡng, agama. Dut haong Pháp lệnh tín ngưỡng, agama urak ini, Dự án Hukum tín ngưỡng, agama hu ralo kadha bahrau, njauk caik hatai nan lac bruk peih prong phạm vi chủ thể ka quyền tự do tín ngưỡng, agama; pabak bruk ngak di kapul nyaom manuac urang dalam bruk iek prong quyền tự do, tín ngưỡng di manuac sia; caik tabiak sa chương tacei tabiak cambaih laih bruk hu mbaok di dom kapul nyaom agama dalam gah y tế, pato pakai, pato bruk ngak, ngak pahla; tacei tabiak bruk ngak agama di urang negar langiu daok pak Việt Nam; taphia di nan pabak chương bahrau ka bruk khik iek karja ngan haong bruk tín ngưỡng, agama.

# Thủ tướng rajaei brei pabak 2 dự án di tỉnh Ninh Thuận saong tỉnh Nghệ An tame angan dự án njauk ngak dahlau tui danakdak daong pacang biến đổi khí hậu. 2 dự án hu brei pabak nan lac: Dự án hệ thống thủy lâm pambuak gauk caga hoang mạc hóa saong thích ứng biến đổi khí hậu dalam huyện Ninh Phước saong huyện Thuận Nam, tỉnh Ninh Thuận saong Dự án padang ar tasik saong pala phun pacang riyak bhum Đông Hồi, xã Quỳnh Lập, Quỳnh Phương, Quỳnh Liên, ban sit Hoàng Mai, tỉnh Nghệ An.

# Cục Khik iek urang ngak negar langiu (Mentri Lao động -Thương binh saong Xã hội) brei thau, meda oh taong phạt vi phạm hành chính ngan haong urang ngak Việt Nam daok suan adat hulum pak Hàn Quốc halar hatian mai veik palei negar meng harei 1/9 tal abih harei 31/12/2015. Meng bilan 5, Hàn Quốc peih ngak sarak pachreih urang ngak oh njauk adat huum halar hatian mai veik palei negar. Tui nan, dom urang ngak ini oh njauk taong phạt jien, oh njauk cap khik saong patrun tukvak pakuac tame veik Hàn Quốc trun daok dua thun.

# Báo Tuổi trẻ, Thành đoàn ban raya Hồ Chí Minh pambuak bruk saong Sơ pato megru 7 tỉnh, ban bhum Đông Nam bộ brei 178 paok jien bac ka dom sinh vien barau yam tapa kan kandah, yaok paok yaom 7 triệu đồng. Ini lac bruk ngak dalam danakdak “ kayua harei hadei patagok” kayua Báo Tuổi trẻ peih ngak.  178 sinh viên hu taduan mek jien bac mbang ini lac dom ayut naih gheih dalam mbang pakacah Đại học, Cao đẳng barau blaoh. Yaok sinh vien barau yaom lac sang kan kandah, min lac dom urang daok dang hu phon saong amaik ame, hu sang kan kandah min bak hatai caong khin tui megru dom pakat bac glaong jang. 

# Tui Pasak Khik caga phun pala gah meraong (dalam Cục Khik caga phun pala – Mentri ngak nong saong patagok palei pala): meng bruk daong di Công ty Cổ phần Khik caga phun pala An Giang (urak ini lac kapul nyaom Lộc Trời) tal urak ini, danak dak "Gam haong urang nong khik caga môi trường" hu peih ngak pak dom xã điểm padang ngak palei pala bahrau di 22 tỉnh, bal gah Meraong. Tapa nan, pachreih hu labaih 3.100 urang nong hu mbaok tame danak dak ini. Hu mbaok dalam danak dak, urang nong hu dhul pataom jaik 11.000 kg mbao papok jru khik caga phun pala hu pandar blaoh ba nao am cuh; daong ka urang nong patrun hu jien buh tame bruk pala drak, patagok jien mek tame meng 1 tal 1,5 triệuđồng sa ha saong patrun bruk ô nhiễm môi trường, khik caga pren yava ka manuac sia...

# Di huyện pulao Phú Quốc,  Gilang parak karja Việt Nam saong gilang pariak Cộng Hoà Dân chủ bhapbini Lào peih nyaom biai dua gah yaok thun ala bruk dang akaok di Phó Thống đốc gilang pariak karja Việt Nam Đào Minh Tú saong Thống đốc  gilang pariak karja taneh ia cộng hòa dân chủ bhapbini Lào Sỏm-phao Phay-sith. Di nyaom biai, dua gah hu klah rabha alamu ka dom bruk ye : tacei ba sarak jien padai, khik ramik ngoại hối, khik ramik dự trữ, thanh tra pasang iek gilang pariak, pacang caga rao jien, alamu mbeik drei tame saong pambuak bruk dunya.

# Sở Ilamo – Padhih saong Rivang ma-in tỉnh An Giang bahrau peih  tal ka 2 ka bruk “pato tacei ilamu me-in đàn Chà pây” ka urang Khmer daok pak xã Ô Lâm (huyện Tri Tôn). Tal bac hu 10 urang tui bac, kayua Nghệ nhân Châu Hunh (umo 63 thun, daok di  ấp Phước Lợi, xã Ô Lâm) dang tabiak pato tacei tapak.Bruk me-in đàn Chà pây di urang Khmer Bảy Núi daok mbuan si lahik nao tuk dom urang thau ma-in nyu dak harei dak takik saong daok taha nao, urak ini daok hu dua urang min, dalam nan ong Châu Hunh jeng lac nghệ nhân duy nhất hu ilamu pato tacei alat ragam meng kan ini. 

Khaw tin dunya

# Gah thời tiết Inđônêxia kan si kuhria mboh dahlau hu dom kan kandah trak di hien tuong lingik tasik El Nino dalam thun ini. Ini lac panuac hu urang jakar ngak praong di Inđônêxia ba tabiak dalam tuk taneh ia ini daok kuhria tabiak panuac ka bruk khẩn cấp negar kayua dom mbang khuah glai rah tabiak rilo bilan tapa. Dom mbang khuah glai di Inđônêxia nyu ngak tabiak asak thur mur me-om bak bhum Đông Nam Á dom bilan jaik ini saong tui urang jakar ngak praong di Inđônêxia, bruk asak thur mur nyu ngak ka jaik meteh triệu menuac sia taneh ia ini gaok dom ruak ka jalan hô hấp.

# Rajaei Đức harei kabroi hu brei tapa dự thảo hukum brei adat ka yaok pluh ribau urang daok duah jalan tị nạn pak negar ini meda peih dom tài khoản gilang pariak. Tui dự thảo hukum bahrau ini, taong abih manuac urang jeng hu quyền taom gaok haong dom dịch vụ gilang pariak, dalam nan hu gam dom urang oh hu sang danaok saong dom urang tị nạn. Bruk nan jeng hu makna lac dom urang di cư hu peih tài khoản pak gilang pariak halei jeng hu, brei adat payua jien saong suak jien, hu giao dịch haong gilang pariak saong hu thanh toán meng thẻ.

# Tổng thống Hàn Quốc Pắc Cưn-hê (Park Geun-Hye) meda peih mbang taom gaok thượng đỉnh saong Thủ tướng Nhật Bản Sin-dô A-bê (Shinzo Abe) di adit tal ngan saong kadha caik dahlau dalam danakdak nghị sự lac bruk urang kumei Hàn Quốc njauk kateik ngak nô lệ tình dục tukvak mesruh metak. Urang brei panuac di Dinh Tổng thống Hàn Quốc brei thau, mbang taom gaok thượng đỉnh di Tổng thống Pắc Cưn-hê saong Thủ tướng Sin-dô A-bê meda rah tabiak di ban ine Xơ-un (Hàn Quốc) di harei 2 bilan 11 tal, lingiu nyaom biai thượng đỉnh 3 gah Trung-Nhật-Hàn. Di mbang gaok jaik tal, dua urang dang akaok meda ginum biai ka dom bruk haong gauk, dalam nan hu bruk nô lệ tình dục tukvak mesruh metak./.