# Tui harak brei thau di akaok Sở Y tế Bal raya Hồ Chí Minh saong Bưu điện bal raya, harei 29/12, Tổng đài điện thoại 1080 hu peih tabiak piah taduan mek bruk tut angan kluak vắc xin dịch vụ. Yau nan min, hu biak ralo urang oh ieu tame hu số 1080. Hu thau urak ini, Tổng đài 1080 Bưu điện bal raya Hồ Chí Minh taduan mek lịch paguan sanya iek ruak ngan haong 22 sang iek ruak pak bal raya. Phaok akaok Sở Y tế bal raya Hồ Chí Minh Phạm Khánh Phong Lan brei thau, Tổng đài 1080 meda ghar mạng min nan lac sự cố tạm thời, ini daok lac jalan  siam di abih piah langyah bruk tut angan kluak vắc xin dịch vụ.

# Ngan saong kadha “klah rabha, anit ranam”, ba tết bui sambai ka dom uranaih gaok kan kandah daok di bhum glaong tỉnh Hà Giang, anak tal mban ngak bruk uranaih, TƯ kapul dam dara cộng sản HCM hu pambuak bruk saong sang bac THCS Nguyễn Tri Phương, quận Ba Đình, ban HN saong saong kapul cơ sở Trung tâm tin, rayo sap ndom VN peih danak dak “tết klah rabha, tết anit ranam”. Danak dak piah rik daong ba mai ka dom uranaih oh patuah, metui medhua daok di bhum glaong Hà Giang hu sa tết bui sambai ngan saong 1000 mbaik ahar pei nung hajao kayua anek saih sang bac THCS Nguyễn Tri Phương saong uranaih dunya daok di HN ngak saong payua brei. Bruk “Ba tết klah rabha, Tết anit ranam” ka dom adei bhum glaong tui kuhria hu peih tabiak di Hà Giang di kreih bilan 1/2016.

 # Meng hatai kham merat oh caik rah tabiak bruk kurang pandap, tagok yaom dalam tuk Tết Dương lịch saong Nguyên đán Bính Thân 2016, Sở Công thương tỉnh Kon Tum hu peih danak dak grap tanat yaom kaom darak pasar meng ini tal baih bilan 3 thun 2016. Danak dak grap tanat yaom kaom pandap panda vaktu dahlau, dalam saong hadei di Tết Nguyên đán Bính Thân thun 2016 di tỉnh Kon Tum hu peih tabiak meng bilan 12/2015 tal abih harei 31/3/2016, hu mbaok di 4 doanh nghiệp, nan lac: Siêu thị Vinmart, Siêu thị Thành Nghĩa, Công ty thương mại tổng hợp Kon Tum saong Công ty Dịch vụ Thương mại Anh Thi.

# Mesup harei 29/12 angaok jalan HCM, labik nao tapa xã Pơng Drang, huyện Krông Buk, tỉnh Đắc Lắc, Chi cục khik iek darak pambuak bruk saong công an puk palei cap radaih pajeng ralo athur bruk. Tapa pasang iek, gah chức năng cap hu radaih pajeng tuai Thái Sơn biển kiểm soát 47V – 2589 kayua Nguyễn Bá Lễ (ndih tapui 1970, daok di xã Ea Tur, ban sit Buôn Ma Thuột) peih, pajeng 7 thùng xốp saong dua mbao tải, caik jaik 800 kg ralo bruk oh thau cambaih asal, mbau bruk meng ban sit Đà Nẵng nao ban sit Buôn Ma Thuột, tỉnh Đắc Lắc. Ini lac mbang pajeng ralo bruk ka 2 gam gam meng bhum kreih negar tagok Tây Nguyên.     

# Thun ini, taong abih yaom pandap  pablei tabiak negar lingiu di Tiền Giang hu jaik 1,7 tỷ USD, tagok labaih 100% dut haong tanut ba tabiak dalam thun saong mek hu tanut glaong abih meng dahlau  mai. Hu yau nan meng hu dom cơ chế, sarak di tỉnh patagok hu siam lagaih, dom doanh nghiệp patagok bruk samar drah dalam sản xuất, pablei salih, peih prong darak pasar pablei tabiak negar langiu. Ong Ngô Văn Tuấn, Akaok Sở Công thương tỉnh Tiền Giang lac: “Piah pabak bruk pablei tabiak negar langiu, khaol dahlak pataom tame roh ruah saong patagok dom pren khang abih di nyu nan lac hadei di tuk hu dom Hiệp định bo Việt Nam mboh tangin haong dom taneh aia. Taphia di nan, tui pren khang piah patagok, pachreih urang blei, salih khang dalam bruk patagok gah ngak kong. Khaol dahlak ba tabiak jalan patagok bruk ngak cong tui gah ralo ngành piah pabak bruk pablei tabiak negar langiu”.

# Harei 28/12, kapul urang taha umo tỉnh Bình Phước hu peih nyaom roya mbang ka II, tukvak 2015 – 2020. Nyaom roya hu pilih ruah mban chấp hành kapul urang taha umo tỉnh Bình Phước mbang II, tukvak 2015 – 2020 hu 17 urang. Ong Nguyễn Văn Vẫy hu pok ngak veik akaok kapul mbang II. Tapa nan, TU kapul urang taha umo VN hu pok harak meyaom ka 6 kapul nyaom, 12 menuac urang saong UB bhap bini tỉnh Bình Phước jeng alin bằng khen ka 5 kapul nyaom, 10 menuac urang hu ngak siam bruk dak padang saong patagok kapul tukvak tapa.

# Tỉnh Đồng Nai bahrau peih pakak labik ngak iek bruk raong glang praong di ấp Đức Long 2, xã Gia Tân 2, huyện Thống Nhất. Ini lac labik raong glang praong akaok meti dalam negar hu Gilang pariak Dunya (WB) daong padang ngak hạ tầng saong daong ka bhap bani pandar jalan raong glang siam. Dự án hu padang ngak angaok mblang taneh prong 162 ha ngan haong phun jien labaih ngak labaih 17,5 tỷ đồng dalam nan hu: jalan mbak nao mai, hệ thống tathuak aia, balai pasang iek ruak saong patagok jalan điện, balai biến áp 3 pha. 

Patui di ini dom khau tin dunya:

# Arap Xê út brei thau, thâm hụt kadung jien karja tui kuhria di taneh ia ini dalam thun 2016 meda tagok tal 87 tỷ đô la Mỹ kayua yaom menyek dunya daok di tanut biar ngak kan kandah tal jien mek tame di rajaei.

# Dalam thun 2016, Campuchia meda pandar adat bahrau ka quốc tịch, tui nan urang dang akaok dom đảng phái chính trị dalam negar tok brei adat hu sa quốc tịch Khmer. Thủ tướng Campuchia Hun Sen brei thau, bruk quy định urang dang akaok dom đảng phái chính trị saong jabat prong di taneh aia tok hu sa quốc tịch Khmer nan lac piah paglaong bruk ngak di dom urang nan ngan haong taneh aia saong bangsa, plaih njaik bruk ngak jeng bruk jhak ka taneh aia blaoh nduac duap tapa negar karei yau dalam tukvak tapa.

# Dom mblang kapal haok di ban Chi-ca-gô, dalam tiểu bang I-li-noi brei klaak labaih 500 mbang par kayua hajan tuyết saong ngin khang. Bruk ini rah tabiak njauk di tuk urang nao mai ralo di abih dalam thun. Hajan tuyết saong ngin khang jeng ngak suai mbang par meng 15 tal 45 minit di mblang kapal haok dunya Ô He ngan saong dom mbang par nao saong mai./.