#  Mbang nyaom taong abih Nyaom biai pambuak bruk saong patagok dom tỉnh tapen negar Việt Nam-Cam-pu-chia mbang ka 8 hu peih ngak di harei 28/10 pak Bal raya phố Hồ Chí Minh. Lambaok ka raja-ei dua negar, phaok Thủ tướng, Akaok mentri Ngoại giao Việt Nam Phạm Bình Minh saong Phaok Thủ tướng, Akaok Mentri Nội vụ Campuchia Xo Khêng hu pandar dom urang lambaok di mentri, ngành, puk palei tapen negar di dua taneh aia hu mbaok dalam Nyaom biai abih hatai pambuak bruk peih ngak jalan ba saong dom bruk ngak cambaih laih hu ba tabiak dalam Nyaom biai piah paglaong siam mekre talei pambuak bruk di dom puk palei tapen negar di dua taneh aia.

# Tỉnh Đắc Lắc hu 44 xã saong 129 palei, buôn daok din bhum kan kandah, bhum tapeng negar. Meng thun 2011 tal ini, dom puk palei ini hu ba tame jaik 500 tỷ đồng, dak padang labaih 700 công trình hạ tầng thiết yếu ye jalan mbak, thủy lợi, menyek, ia pandar, sang bac…saong daong phun pajaih, vat tu, tacei pato bruk ngak nong, dak padang mô hình daong mikva patagok sản xuất.

# Gilang pariak Ngoại thương Việt Nam ( iew lac Vietcombank ) saong Kadung jien Daong uranaih Việt Nam hu mboh tangin sanya daong brei taong abih jien padang ngak sang bac Tiểu học Lũng Lìu, daam xã Dân Chủ, huyện Hòa An, tỉnh Cao Bằng. Ini lac sa dalam dom sang bac daok gaok ralo kan kandah di tỉnh Cao Bằng. Sang bac hu 11 gru pato, 70 anek saih lac anek kamuan urang bangsa Mông. Labik mbang, labik ndih, jeng lac labik ngak bruk di 11 gru pato dalam sang bac tok hu sa baoh sang công vụ pakat 4. Bruk padang ngak sang bac Tiểu học Lũng Lìu piah pasiam, paglaong bruk pato saong bac di gru pato saong anek saih sang bac ini.

#Harei 29/10,  di Hà Nội, Trung ương kapul Liên hiệp dam dara Việt Nam pambuak bruk saong uy mban An toàn giao thông negar peih harei taong iek bruk Chiến dịch truyền thông grauk bhapbini me om ndon bảo hiểm hu chuẩn saong alin mbang pakacah sáng tác video clip "Tự tin me – om ndon bảo hiểm hu chuẩn- ka sang an toàn" thun 2015.Mbang pakacah rik daong pathau khan, paglaong akaok sahaneng ngak tui adat hukum ka an toàn giao thông ka bhapbini.

# Sở Y tế tỉnh Quảng Trị bahrau pambuak haong Tỉnh đoàn, Kapul chữ thập đỏ, Kapul gru jru ranaih tỉnh Quảng Trị peih bilan tabung glaong iek ruak, brei jru sraoh ka bhap bani urang bangsa takik bhum tapen negar Việt-Lào huyện Đakrông, tỉnh Quảng Trị saong huyện Sa Muồi, tỉnh Salavan, negar Lào. Kapul urang y bác sỹ halar hatian di tỉnh Quảng Trị peih bruk iek ruak, brei jru ka bhap bani urang bangsa njauk dom janih ruak yau: langiu kalik; tangi, idung tarakon, vak meta... dom urang ruak trak yau pandiak dom, pandiak tabiak darah; taphia di nan brei 200 pok pandap ka bhap bani bhum tapen negar, alin brei 250 triệu đồng ka xã Pa Nang, huyện Đakrông piah padang ngak sang bac mẫu giáo.

# Harei 29/10, di ban sit Huế hu rah tabiak nyaom biai Nhóm chuyên gia ka bruk ngak mìn pahla mbang yaka 3 dalam khuôn khổ ADMM+ (FTX 2016), ngan saong bruk pataom mbaok di lambaok 18 taneh ia thành viên saong Ban Thư ký ASEAN. Nyaom biai kayua Viện Quan hệ dunya ka pacang caga – mintri quốc tế Quốc phòng peih ngak. Nyaom biai piah paglaong talei pambuak bruk, klah rabha alamu di bruk ngakmìn pahlah di dom taneh ia thành viên ADMM+ di tukvak tal.

  # Meng kham merat paglaong rai diuk bhap bani Khmer, dalam dom thun tapa, xã Vị Thủy (huyện Vị Thủy, tỉnh Hậu Giang) jak ba daong brei baoh sang kathaot bangsa Khmer dom mô hình raong glang, pala drak, njauk haong rai diuk di bhap bani. Tal ini, 20 baoh sang bangsa Khmer kan kandah pak xã hu duk ngak nong huyện daong ngak mô hình raong pabui tapa kathaot; 40 baoh sang urang bangsa Khmer karei hu daong ngak dự án raong 192 drei limo. Meng sa xã hu 30% baoh sang kathaot, rilo meng lac dom baoh sang Khmer, meng dom bruk daong raong glang, pala drak lagaih, urak ini dalam xã Vị Thủy daok tok 9% baoh sang kathaot (lac 195 baoh sang). 

Khaw tin dunya

# Kapul urang jakar pakat glaong mintri Quốc phòng kayua Đại tướng Đỗ Bá Tỵ, Tổng Tham mưu trưởng, Thứ trưởng mintri Quốc phòng, ba akaok barau hu mbang ravang Cuba piah dui kajap talei pambuak bruk di bol bala jeng ye di dua taneh ia. Chủ tịch Cuba Ra-un Ca-xtơ-rô  hu tadun raok ông Đỗ Bá Tỵ, brei thau lac caong khin saong kham merat khik talei pambuak bruk pambuak pagam saong truyền thống siam mekre di kapul bol par phao kraong dua taneh ia Việt Nam – Cuba.

#Harei Ilamo Việt Nam pak Italy kayua Đại sứ quán Việt Nam pambuak haong Kapul Sinh viên Việt Nam pak Italy (ASVI) peih ngak di mblang bein bal gah kreh negar Cassino (Cát-xi-nô) hu jeng bruk ilamo praong di bal ini. Hu mbaok tame bruk ngak ini hu yaok rituh tuai damuai hu daa, ayut sahabat Italy saong dunya, gam haong anek saih, sinh viên saong Việt kiều pak Italy. Tapa dom bruk ngak ilamo yau parang iek thaik binguk, video, trình diễn ao atah, ma-in kadha ma-in bhap bani..., Ban peih ngak hu meyaih khan tal taong abih tuai damuai ka sa taneh aia Việt Nam siam gheih ngan haong 21 drap ar inem hu UNESCO pok brei angan lac inem krung vật thể saong phi vật thể di manuac sia dunya.

# Viện roh duah patagok Thái Lan (TDRI) barau cảnh báo taneh ia ini daok dang anak di bruk khủng hoảng halau ia. Dom urang nan ndom lac, thun ini, Thái Lan oh ginup ia pruh ka vụ mùa ka dua, dalam tuk nan tok caik piah hu 4 triệu mét khối ia ka thun 2016. Tanut ia di dom danao padang di Thái Lan daok di tanut bain kỷ lục di 50 thun tapa saong daok trun bain jang tuk bilan thu mai di bilan 11 tal./.