#  Pak Phủ Chủ tịch, Akaok negar Trương Tấn Sang bahrau taduan raok Kapul lambaok  urang dahlau diah lac urang đoàn, dam dara di dom jabat Trung ương cục gah meraong saman mesruh metak haong Mỹ tuk kapul urang lambaok ini mai rivang bal ine Hà Nội. Dalam tuk daok rivang Hà Nội, Kapul urang ini hu van giao lưu hu angan “Dom baoh hatai halar hatian” haong kapul dam dara dom jabat Trung ương tukvak pahadar 15 thun bruk halan hatian saong 40 thun harei peih paha gah meraong. 

# Di Hà Nội, Tổng Bí thư Nguyễn Phú Trọng, akaok mban tacei pato Trung ương ka pacang caga tham nhũng hu pan akaok mbang nyaom yaka 6 di mban tacei pato ka bruk ngak hu dalam pacang caga tham nhung thun 2014; bruk ngak di thun 2015. Tong bi thu caong lac, thun 2015 njauk padang hu jalan nao barau dalam bruk pacang caga tham nhung. Tong bi thu caong lac, meng trach nhiem trak, yaok urang dalam mban tacei pato njauk kham merat ngak khang jang piah thun 2015 bruk pacang caga tham nhung hu siam mekre jang.

# Pablei hadang tabiak negar langiu thun 2014 hu dang ka sa dalam dom janih pandap panda kaya nong, haong yaom jien mek tame hu jaik 4 tỷ USD. Yau nan min, bruk pacang cakak jit ruak saong chủ động ka hadang pajaih nan lac dom cuang kandah di jalan patagok bruk pablei hadang tabiak negar langiu. Tui Tổng cục Thủy sản, gah ini daok patagok pren pasang iek jit ruak, daong pasang iek samar, tantu saong khan brei thau chip ka jit ruak, ka alam môi trường, bruk njom hóa chất, kháng sinh.

# Hadei di 3 harei kham merat ngak bruk, pagaiy harei kabroi 29/12, di HN, nyaom roya Hội Liên hiệp dam dara Việt Nam mbang ka 7 rah tabiak var nyom praong prang saong salah bloh. Nyaom roya tabiak mbaok Ủy mban Trung ương Hội Liên hiệp dam dara Việt Nam mbang VII, tukvak 2014-2019 ngan saong 157 urang. Ủy ban Trung ương Hội Liên hiệp dam dara Việt Nam hu hiệp thương, pilih ruah Đoàn Chủ tịch Ủy ban Trung ương Hội Liên hiệp dam dara Việt Nam mbang VII hu 22 urang.

# Ngak tui tacei pato di Thủ tướng Raja-ei, tỉnh Yên Bái bahrau tabiak  Công văn pandar dom sở, ban ngành saong Uỷ ban bhap bani dom huyện thị, bal patagok bruk khik kajap trật tự an toàn giao thông dalam dom harei Tết Dương lịch, Tết Nguyên đán Ất Mùi saong Lễ hội xuân 2015. Taphia di nan tỉnh jeng jhul pakhang bruk pathau khan tal urang jakar, anek saih, sinh viên saong bhap bani thau ka makna, nguy cơ ba tal tai nạn giao thông brei ka bhap bani thau piah plaih.

# Urak ini, dalam tỉnh Bình Định quy hoạch blaoh jaik 270 mblang hamu praong pala padai, ritak lo, bei plom..di angaok mblang taneh praong abih tih labaih 8.600 hecta ngan saong bruk hu mbaok di yaok pluh rabau urang nong. Ông Ngô Đình Ba, akaok jabat ngak nong saong patagok palei pala huyện Phù Mỹ, tỉnh Bình Định brei thau: piah paglaong kein laba bruk peih ngak mblang hamu mau praong di thun 2014 ye thun 2015, huyen daok tacei pato mikva urang nong peih ngak rilo jang dom mblang hamu mau saong mblang hamu mau praong. Tui bruk ba tabiak, meda peih ngak 13 mblang hamu mau praongkai phun padei, ngan saong taneh pala abih tih 900 ha saong ka phun ritak lo meda ngak 2 mbalng hamu praong, phun bei plom kham merat peih ngak 3 mblang hamu plraong, saong atneh pala 110 ha.

# Harak pathau khan di Cục Thú y, Mentri ngak nong saong patagok palei pala bahrau brei thau, urak ini jit cúm A/H5N1 daok hu mboh angaok tapol menuk ada di 3 xã dalam 3 huyện di tỉnh Trà Vinh saong Vĩnh Long; dịch cúm A/H5N6 jeng daok rah tabiak angaok kapul anek vak pak xã Tịnh Hà, huyện Sơn Tịnh, tỉnh Quảng Ngãi. Mentri Y tế jeng pandar dom puk palei hu jalan ngak ka nyu njauk piah pacang cakak bruk cakrok patagok di jit ruak dalam bilan Đông Xuân.

 Khaw tin dunya

# Mbang nyaom Quốc hội Lào thường kỳ mbang yaka 8, khóa 7, hu  jak jeng siam mekre hadei di 14 harei rah tabiak. Dom bruk praong ba tabiak QH mbang ini jeng hu dom urang jakar roh duah tani tanat, ginum biai rilo jang saong dom Sarak di QH jeng hu dom urang jakar njauk hatai gauk brei tabiak. Hu rilo panuac brei kaharak pathau khan di rajaei ka bruk peih ngak sarak pachreih ngak tabiak pandap panda; taphia nan hu panuac caong rajaei tacei pato veik saong pachreih dom mintri, nganh pambuak tal njauk peih ngak sarak hu ba tabiak dalam mbang nyaom QH ini.

# Thủ tướng Thái Lan Chan Ô cha brei thau, Thái Lan meda abih hatai daong ka raja-ei Inđônêxia tui hagait drei hu dalam bruk daong duah sruh kapal haok daok lahik di hãng kapal haok AirAsia. Harei ka dua duah sruh kapal haok di Air Asia jeng oh ka hu kết quả hagait. Urak ini Mỹ, Hàn Quốc, Ôxtrâylia saong Việt Nam jeng brei thau lac meda hu mbaok dalam bruk daong duah sruh kapal haok daok lahik nan.

# Tổng thống In-đô-nê-xi-a Giô-cô Uy-đô-đô (Joko Widodo) harei kabroi 29/12) caong bruk kiên nhẫn meng dom sang hu gauk gar nao sruh kapal ahaok lahik hu angan QZ-8501 di hãng kapal ahaok E-ây-di-ờ (Air Asia), saong hu panuac sanya peih ngak abih jalan piah duah sruh kapal ahaok ini. Pambuak tal bruk duah, Tổng thống Uy-đô-đô brei thau, dom taneh ia Hàn Quốc, Malaixia, Xinhgapo, Ôx-trây-li-a meda daong In-đô-nê-xi-a peih bruk nao dauh./.