# Harei 30/12, Thủ tướng Raja-ei hu mboh tangin tame Quyết định ka 2476/QĐ-TTg brei angan huyện Cô Tô (tỉnh Quảng Ninh) lac huyện mek hu chuẩn palei pala bahrau thun 2015 saong lac huyện pulao akaok meti di negar mek hu chuẩn palei pala bahrau. Hadei di labaih 4 thun peih ngak danak dak palei pala bahrau, tal urak ini, taong abih 2 xã dalam huyện Cô Tô ngak hu taong abih 19 tiêu chí chuẩn palei pala bahrau. Dalam huyện pulao Cô tô urak ini daok 8 baoh sang kathaot min, meblah 0,49%.  Jien mek tame kuhria tui akaok manuac bhum palei pala hu patagok,  meng 10 triệu đồng sa urang sa thun di thun 2010 tagok labaih 45 triệu đồng sa urang sa thun dalam thun 2015.

# Di HN, sang bac Đại học Mỹ thuật Việt Nam peih bruk pahadar 90 thun padang tagok (1925 – 2015) saong taduan mek Huân chương HCM. Phaok Thủ tướng Vũ Đức Đam mai hu mbaok saong brei panuac. Tapa 90 thun, sang bac tuk halei jeng lac labik pato megru praong ka gah nghệ thuật tạo hình karja saong jalan ngak khoa học mek nghệ thuật phương tây pambuak saong nghệ thuật meng kan ngak nền tảng.  Tui ủy quyền di akaok negar, phaok Thủ tướng Vũ Đức Đam hu pok Huân chương HCM ka sang bac đại học Mỹ thuật Việt Nam.

# Tổng cục Lâm nghiệp, Mentri ngak nong saong patagpk palei pala bahrau peih mbang nyaom ba tabiak dom bruk ngak praong dalam thun 2016 pak Hà Nội. Thun 2015, ralo glai hu năng suất chất lượng glaong hu padang tagok,  min bruk jao glai, brei pah glai pambuak haong jao taneh glai saong brei harak chứng nhận quyền pandar taneh glai daok suai damuai. Thun 2016, gah lâm nghiệp kham merat khik caga, patagok saong pandar hu kein laba, khang kajap dom glai, patagok glai tal 41%.

# UB bhap bini tỉnh Bình Dương njauk hatai brei kaoh tabiak meng kadung jien karja 152 tỷ 700 triệu đồng (ralo jang 11% duk saong thun 2015) piah kuhria Tết anek sak kara ka urang hu buh pren yava ka taneh ia saong urang kan kathaot… dalam tỉnh. Kadung jien karja tỉnh jeng hu daong 6.900 suất, yaom 500 ribau đồng sa suất daong ka urang ngak kan kathaot gaok  kan  kandah oh nao palei mbang tết hu, công nhân ngak bruk puh ramik, pataom nerak dalam dom harei tết yaok urang 4 triệu đồng.

 # Tỉnh đoàn Quảng Ngãi bahrau peih bruk  tabiak mbaok danak dak halan hatian bilan brak pak xã Sơn Bua, huyện bhum glaong Sơn Tây, tỉnh Quảng Ngãi. Danak dak piah samar daong ka bhap bani xã Sơn Bua hu điều kiện patagok bruk ngak mbang, paglaong jien mek tame, grap tanat rai diuk. Tapa nan, Tỉnh đoàn jeng hu pok brei 60 drei pabui pajaih yaom 100 triệu đồng ka bhap bani hu rai diuk kan kandah di puk palei.

# UBMT negar VN ban Cần Thơ alin hadaih 10 bằng khen ka dom kapul nyaom urang Hoa kham merat dalam dom bruk pakacah gauk anit ranam taneh ia dak padang ban sit Cần Thơ. Urang Hoa di Cần Thơ urak ini hu jaik 14 ribau 200 urang meblah jaik 1,2% menuac sia, hu ilamu jum pataom gauk, rik daong tame bruk mesruh metak yasa taneh ia saong patagok kinh tế, dak padang ban Cần Thơ.

Khaw tin dunya:

# Harei 29/12, dom urang pal phao medhil lac kol phiến quân Hồi giáo nyu taong tame cảnh sát saong dom sang văn phòng raja-ei di gah Meraong Thái Lan, cap mek 13 urang jakar di văn phòng karja palei di tỉnh Na-ra-thi-oát (Narathiwat). Tuk cảnh sát mai, dom urang pal phao nyu pametai sa dalam dom urang jakar ngak prong di tỉnh saong dom urang karei nduac klah. Dahlau di tuk klaak nduac, dom urang pal phao  brei patuh sa baoh bom radaih saong cuh phao tame gah cảnh sát. Urak ini oh ka hu nyaom halei taduan lac drei ngak bruk ini.  

# Gah chức năng Italy brei thau, jaik 4.000 urang di cư soang tị nạn hu daong angaok tasik di Italy saong Bắc Phi dalam adit puac abih di thun 2015, tuk giáng sinh saong rok thun barau. Gah khik caga takai tasik Italy brei thau, urang hu daong labaih 3.000 urang, dalam tuk gah Na uy jeng daong hu labaih 900 urang dalam mesup harei 28/12. Gah di cư dunya brei thau: labaih 1 triệu urang di cư saong tị nạn hu nao tal châu Âu dalam thun ni, ralo meng nao tui jalan tasik. Dalam dom urang nan, hu jaik 3.700 urang metai blung ia atau lahik dalam bruk nao nguy hiểm ini.

# Harei 29/12, Trung Quốc phóng hu vệ tinh pasang iek Baoh taneh bahrau abih di negar ini hu angan Cao Phân-4 (Gaofen-4). Ini lac sa binah dalam dự án pasang iek Baoh taneh ngan haong độ phân giải glaong (HD) di Trung Quốc. Ini lac mbang ka 222 Trung Quốc cuh tên lửa jhul Trường Chinh, saong dalam thun 2015 Trung Quốc hu 19 mbang phóng thành công vệ tinh. Vệ tinh Cao Phân-4 hu pandar ka bruk daong pasang iek, kuhria mboh dahlau, pacang caga saong pasiam veik dom khut khat kayua bala meng langik tasik, saong kuhria mboh dahlau bruk khí tượng thủy văn./.