# Jabat raja-ei bahrau brei thau kết luận di Thủ tướng Nguyễn Xuân Phúc ka bruk padang Học viện Dân tộc. Thủ tướng jao ka Ủy ban Bangsa dang tabiak ngak, pambuak haong Mentri Pato megru saong dom Mentri, jabat pasang iek veik, ngak pasam Đề án padang Học viện Bangsa tui jalan ramik veik Sang bac Urang jakar Bangsa saong Viện Bangsa tui jalan pambuak gauk roh duah haong pato, pathram urang jakar ngak bruk bangsa.

     # Harei 30-5, di Hà Nội, Ban Tuyên giáo Trung ương peih nyaom biai bac megru, brei thau Sarak nyaom roya Đảng pakat negar mbang yaka 12 ka urang dang akaok Liên hiệp dom kapul  văn học, nghệ thuật saong dom văn nghệ sỹ. Bruk bac megru, brei thau Sarak piah salih barau jalan khik ramik, dak padang bruk, danakdak ngak bruk ka nyu sáng tạo dalam sáng tác saong bruk văn học nghệ thuật.

     # Huyện Mộc Châu (Sơn La) bahrau peih Harei pataom paik baoh huyện Mộc Châu mbang ka III thun 2016 ngan haong kadha “Mận hậu Mộc Châu”. Hu pala meng labaih 30 thun dahlau, Mộc Châu urak ini nan lac labik pala mận hậu praong abih tỉnh Sơn La, ngan haong mblang taneh labaih 1.200 ha. Bruk peih harei pataom paik baoh piah palagaih ka urang pala mận di puk palei hu giao lưu, peih prong talei pambuak bruk haong dom doanh nghiệp dalam saong langiu negar piah duah labik pablei baoh mận hậu Mộc Châu.

     # Meng thun 2011 tal ini, pasak pato bruk saong daong urang nong, kapul urang nong tỉnh Lai Châu hu peih jaik 130 tan pato bruk ka jaik 4.000 urang nong, rilo meng lac bhapbini bangsa takik. Abih di nyu nan lac, dalam thun 2015, pasak hu pato bruk trình độ sơ cấp saong pato bruk jaik 3 bilan ka labaih 800 urang ngak di palei pala; mbaoh tangin pambuak bruk saong dom labik peih 27 tan pato bruk di 6 huyện ka urang ngak palei pala saong urang kathaot dalam tỉnh. 

     # Huyện Lục Yên, tỉnh Yên Bái kham merat pala ka pahu 1.000 ha krem rabung bát độ dalam thun 2020. Tui kuhria ngan haong mật độ 500 phun angaok sa hecta, hadei di 3 thun, yaok gha krem meda brei 70 kg rabung, ngan haong darak pasar yau urak ini ye yaok ha krem rabung  bát độ meda brei ka bhap bani duah hu meng 140 - 150 triệu đồng sa thun. Krem rabung bát độ di huyện Lục Yên nan lac janih phun mbuan pala, hu yaom kinh tế glaong, hu labik pablei.

     # Urak ini, bhum Tây Bắc hu jaik  63.600  urang njaom HIV/AIDS, meblah jaik 27%  urang ruak HIV/AIDS dalam taneh ia ( dalam nan, labaih 39.000 urang ruak HIV daok diuk). Kuhria rah tapa yaok thun hu jaik 3.000 urang njaom HIV barau.   Sơn La lac tỉnh hu menuac nghiện ma túy di tanut glaong dalam bhum, yau nan ye, urang ruak njaom HIV jeng tagok glaong. Urak ini, Sơn La hu labaih  5.000 urang njaom HIV daok diuk daok hu khik iek.  Kuhria dalam 4 bilan akaok thun ini, dom cơ sở y tế di puk palei ini duah mboh 90 urang njaom HIV barau, rilo meng lac dalam umo meng 20-39.

     # Sang iek ruak Đa khoa tỉnh Gia Lai daok peih ngak dự án piah hu jeng sa dhar di Sang iek ruak Bạch Mai dalam bruk iek ruak ung thư.Tui nan, Sang ruak Đa khoa tỉnh Gia Lai meda padang Khoa Ung bướu dalam tukvak anak tal meng bilan 7 tal bilan 12/2016; pato pakai paglaong ilamu ka urang jakar, taphia di nan jao brei ilamu kỹ thuật ka hóa trị, phẫu trị, xạ trị saong mong iek patrun dom ruak ung thau bhian gaok. Taong abih phun jien piah ngak tui kuhria jaik 115 tỉ đồng. 

      Khaw tin dunya

     # Bang Tếch-dát (Texas), Mỹ harei 29/5 hu panduan ba jaik 2 rabau  600 urang guk di dua sang dalam sang guk daok jaik kraong Bra-zốt ( Brazos) mbuan si njauk ia haxua dauk. Hajan praong dui atah dom harei tapa di mbang ini jeng ngak ka 4 urang metai saong khut khat drap ar di bhapbini. Urang ini karja bang Tếch-dát daok kham merat piah caga bruk mbuan dauk ia di kraong Bra-zốt.

     # Yaok ribau bhap bani Nga hu mbaok tame mbang nduac pahla pak bal ine Mát-xcơ-va (Moscow) piah rik pataom jien daong uranaih jaoh jo. Hu mbaok tame mbang nduac ini langiu di bhap bani daok hu ralo dom vận động viện chuyên nghiệp saong dom urang hu angan pak Nga. Bruk ngak ini hu caong lac meda ba mai yaom jien jaik 37 triệu rúp, samu 560 ribau đô la Mỹ piah daong ka dom uranaih gaok dom kadha dalam bruk cakrok patagok rup babhap.

     # U-gan-đa barau tabiak panuac lac cakak klaoh talei pambuak bruk quân sự saong Triều Tiên pambuak tal bruk phổ biến hạt nhân di Triều Tiên. Dalam panuac khan di mbang nyaom saong Tổng thống Hàn Quốc Pắc Cưn Hê (Park Geun-hye) daok ravang U-gan-đa, akaok mintri Ngoại giao U-gan-đa, ông Xam Ku-tê-xa (Sam Kutesa) ndon lac, U-gan-đa oh pambuak bruk saong Triều Tiên kayua Triều Tiên oh tôn trọng dom bruk trừng phạt di Liên hợp quốc. U-gan-đa oh daong bruk phổ biến vũ khí hạt nhân di dunya bo oh duh ka bruk hòa bình./.