# Akaok negar Trương Tấn Sang hu mbaok dalam Lễ taduan mek Angan "Anh hùng tapon nyom bol pan phao kraong bhap bani saman salih bahrau" saong pahadar 17 thun harei ilamu cảnh sát tasik (28/8/1998-28/8/2015) kayua Bộ Tư lệnh Cảnh sát tasik peih ngak. Tapa 17 thun dak padang saong patagok, Cảnh sát tasik gam haong dom lực lượng karei hu khik kajap chủ quyền pulao tasik palei negar, khik kajap bruk hòa bình grap tanat piah cakrok patagok kinh tế taneh aia.

# Tui panuac khan di pasak dự báo Khí tượng thủy văn Trung ương, meng harei 28/8 tal harei 3/9,  bhum taneran Bắc Bộ hu hajan prong biak prong, hu labik hajan labaih 400 mm. Meng harei 31/8 tal harei 3/9 di labik tapen tasik đông bắc song bhum taneran Bắc bộ hu hajan khang biak hkang, yaom hajan meng 200-300mm, hu labik labaih 400mm. 

#  Dom baha pak tỉnh Thừa Thiên-Huế bahrau peih ngak Đại lễ cầu siêu bilan Vu Lan ghadar dhar phor amiak ame. Tukvak ini, Ban từ Thiện di Giáo hội Phật giáo Việt Nam tỉnh Thừa Thiên-Huế hu alin labaih 500 pok pandap yaom labaih 125 triệu đồng brei ka urang kathaot 2 tỉnh Thừa Thiên-Huế saong Quảng Trị.

# Tui dom bruk di danak dak ginum biai Thái Bình Dương 2015 (PP15), gah y tế Hải Quân Hoa Kỳ bahrau pambuak bruk song Sở Y tế ban sit  Đà Nẵng pasram megru bruk dong ba di angaok tasik hu angan “Dong ba y tế palao tasik” ni lac sa bruk ngak prong pahadar 20 thun harei padang talei rohim ngoại giao di VN song Hoa Kỳ, dong patagok talei rohim di 2 negar.

# Công ty Lọc-Hóa dầu Bình Sơn, tỉnh Quảng Ngãi bahrau mboh tangin tame harak pambuak bruk Tư vấn padang ngak Dự án paglaong, peih prong sang mac halang menyek Dung Quất ngan haong gah Amec Foster Wheeler, labik  daok pak London, Vương quốc Anh. Dự án hu phun jien buhtame labaih 1,8 tỷ đô la Mỹ piah ngak tabiak ralo pandap panda asal nhựa, nhựa jalan, xăng A97, A98, pabak ralo nhiên liệu biak karei duh ka gah quốc phòng. Công suất sang mac meda hu patagok meng 6,5 triệu tấn sa thun tagok jaik 9 triệu tấn sa thun, samu 192.000 thùng menjek dalam sa harei.

# 7 bilan thun ni, di dom tỉnh gah merong hu labaih 22 ribau urang njauk ruak pandiak tabiak darah, riklo jang 54% dut song tuk vak ni thun dahlau. Dalam nan hu 16 urang metai. Ban raya HCM song dom tỉnh Bình Dương, Đồng Nai hu urang njauk ruak biak glong, tagok tal 50% urang ruak pandiak tabiak darah di gah merong. Gah Y tế hu panuac ieu menuac urang caik 10 minite yaok harei piah puh ramik sang danaok pametai lăng quăng. Tuk hu urang ruak, ba nao chip tal cơ sở y tế jiak di abih piah iek ruak, klak nyaik pambak tal bhap bini./.

   # Mbang ginuh biak khang hu ngak jeng vết lõm dalam 20cm saong dui atah labaih 1m angaok rup kapal haok Airbus 330 di hãng China Airlines. Urang pal akaok Cục Hàng không Việt Nam brei thau bruk nan rah tabiak di page harei 27/8. Tui nan, radaih pajeng hành lý (radaih băng chuyền) dalam Xí nghiệp thương mại ala taneh Tân Sơn Nhất - TIAGS dalam quá trình pajeng ba saong ba hành lý tagok hầm pandap  mbang par hu tuan số hiệu CI782 di China Airlines ye rah tabiak bruk ginuh nan. Mbang ginuh oh ngak khat lahik ka manuac urang min ngak ka sruh kapal haok njauk khut khat trak... Cục Hàng không Việt Nam meda dang tabiak, dak padang sa tổ điều tra piah gam haong China Airlines ngak cambaih makna ba tal mbang ginuh nan piah hu jalan pasiam veik./.