# Ong Nguyễn Xuân Phúc, Ủy viên Bộ chính trị, Phaok Thủ tướng Raja-ei gam haong kapul urang Quốc hội tỉnh Quảng Nam hu taom gaok cử tri pak huyện bhum ceik Nam Trà My (Quảng Nam).  Ong Nguyễn Xuân Phúc caong khin bhap bani bangsa takik dalam huyện Nam Trà My kham merat yam tapa kan kathaot, abih hatai palih ruah dom urang naih gheih lambaok  ka ý chí, hatai caong khin di bhap bani.  

# Di Đắc Lắc hu rah tabiak nyaom biai pasang iek bruk kuhria caga ka harei palih ruah urang ka QH song Hội đồng bhap bini dom pakat tuk vak (2016-2021) song bruk pacang caga pandiak bhang di Tây Nguyên. Brei panuac tacei pato nyaom biai , Đại tướng Trần Đại Quang, Akaok mintri Công an  ndom lac: dom tỉnh Tây Nguyên  brei kuhria caga ka bruk palih ruah rah tabiak dalam siam mkere, njauk hukum, ngak ka nyu samu gauk dom jalan pacang caga pandiak bhang song khik caga an sinh xã hội.

# Tỉnh Thái Nguyên peih nyaom biai pataom iek veik 5 thun peih ngak Chiến lược Negar ka bruk bình đẳng giới giai vaktu 2011 – 2015. Dalam 5 thun tapa, Thái Nguyên hu ngak salah blaoh 7 mục tiêu daok dalam Chiến lược negar ka bình đẳng giới. Pak nyaom biai, dom urang lambaok yasa piah peih ngak jayak mục tiêu Chiến lược negar ka bình đẳng giới vaktu 2016 – 2020. 

# Ong Trịnh Văn Chiến, Bí thư Tỉnh ủy Thanh Hóa hu ndom nyai tapak song tui pang dom cong khin di urang tong chap ikan dalam tỉnh pambuak tal bruk peih ngak dự án “Labik du lịch tapen tasik gah pai jalan Hồ Xuân Hương, ban sit Sầm Sơn“.Ong Trịnh Văn Chiến hu taduan khuyết điểm anak bhap bini Sầm Sơn song ndom lac, oh hu bruk tỉnh mek veik ar tasik piah jao taneh ka doanh nghiệp halei, meyah lac oh njaku tui adat hukum. Hadei di mbang ndom nyai tapak, rilo bhap bini biak bui sambai song njauk hatai song bruk langyah di urang dang akaok tỉnh Thanh Hóa song brei thau urang tabiak tasik, pataok kapan gaiy yau klak.

# Sở Ngak nong saong patagok palei pala tỉnh Gia Lai bahrau xử lý kỷ luật 15 urang jakar, urang ngak di Hạt Kiểm lâm saong Ban khik iek glai pak huyện Krông Pa. Dom urang jakar ini njauk kỷ luật kayua  ngak suan, yếu kém dalam bruk khik iek glai. Urang njauk kỷ luật glaong abih lac ong Nguyễn Đình Sơn, brei trun chức meng Akaok mban tran ngak phaok Mban Khik iek glai pacang caga Ia Rsai.

# Hadei di 2 mbang gaok bala ngak metai menuac rah tabiak di jalan Cách mạng tháng Tám song tatua Nguyễn Tri Phương, quận Cẩm Lệ, Ban An toàn giao thông ban Đà Nẵng hu ginum biai song dom pakat chức năng  ka bruk khik caga an toàn giao thông. Urang pang akaok ban Đà Nẵng njauk hatai ka bruk  caik camera hu độ phân giải glong piah ghi veik thaot binguk song tui iek radaih nao mai.  Lingiu di nan, tacei dom gah patagok talei pambuak bruk piah pasiam bruk lihik an toàn giao thông, abih di nyu nan lac tui iek catang radeih ben tapa tải trọng, peih samar.

# Pak Quảng Ngãi, Gilang pariak Karja Việt Nam pambuak haong tỉnh Quảng Ngãi peih nyaom biai “Pataom iek veik sa thun peih ngak Nghị định 67/2014/NĐ-CP di raja-ei ka dom sarak patagok kaya ikan dalam aia”. Tal urak ini, dom gilang pariak thương mại hu mboh tangin tame hợp đồng tín dụng piah padang ngak bahrau, paglaong 385 sruh gilai ngan haong yaom phun jien labaih 4.000 tỷ đồng. Hu blaoh 84 sruh gilai ikan ngak bahrau saong 12 sruh gilai hu pasiam veik hu brei truj tasik nao taong mek kaya ikan. Pak nyaom biai mbang ini, 14 hợp đồng tín dụng tra hu mboh tangin di dom gilang pariak thương mại saong urang taong ikan piah  ngak bahrau 14 sruh gilai công suất prong, ngan haong yaom phun jien dom gilang pariak hu sanya ka mbang mesre ini nan lac labaih 190 tỷ đồng.

# Page 8/3, Kapul urang kamei bal raya Hồ Chí Minh peih ngak Lễ Pahadar  1976 thun harei khởi nghĩa Hai Bà trưng saong 106 thun harei dunya urang kamei 8/3, pok meyaom Urang jakar hội naih jioy tukvak 2011 – 2016. 

Tuk vak tapa, urang kamei Bal raya Hồ Chí Minh tabiak pren pakacah padang ngak thành tích, kham merat peih ngak siam mekre dom bruk pakacah ranam taneh aia saong dom bruk ngak prong dalam bruk ngak di Kapul nyaom. Kapul nyaom hu ngak siam bruk pathau khan, peih ngak dom Chỉ thị nghị quyết di Đảng, hukum di Karja tal taong abih hội viên, dak yam paglaong vai trò saong vị thế di urang kamei dalam sang saong xã hội, jak ba adei sa-ai abih hatai hu mbaok tame bruk jak ba “5 oh, 3 hacih”.

Patui di ni dom khau tin dunya:

# Kapul pambuak bruk Islam (OIC)   hu peih nyaom biai mbang ka 5 di ban ine Ja-các-ta (Jakarta) di Inđônêsia piah ginum biai ka bruk hòa bình Trung Đông. Tổng thống indonesia Jô-kô Uy-đô-đo ndom lac, dom negar Islam njauk lac sa binah ka jalan ngak dalam bruk mesruh gauk di Ixraen-Palestin. 

# Panuac brei thau di Triều Tiên ka bruk taong cakak akaok đối phương nan lac sa bruk ngak oh chấp nhận hu. Ini lac panuac  di Mentri Ngoại giao Nga hadei di tuk Triều Tiên lac peih  sa mbang taong cakak akaok saong taong abih piah cagar veikc mbang pathram trận yaok thun di  Mỹ-Hàn Quốc. Tui bruk ba tabiak, mbang pathram trận  di Mỹ-Hàn Quốc rah tabiak meng harei 7/3 tal harei 30/4 ngan haong quy mô prong abih meng dahlau ini mai, dalam nan hu bruk hu mbaok di 300.000 lin Hàn Quốc saong 15.000 lin Mỹ.

# Gah y tế tỉnh Quảng Đông -Trung Quốc bahrau khan lac hu 2 urang njom virus Zika di tỉnh ni, patagok urang njom  virus Zika di Trung Quốc lac 12 urang. Dua urang ruak lac  2 ame  anek bahrau mai veik meng Venezuela harei 3/3, mboh dom dalam rup  pandiak song tagok boh. Urak ni 2 urang ruak dok dalam tani tanat song dok hu iek ruak di sang iek ruak. Urang dang akaok y tế Trung Quốc hu panuac khan negar ni meda hu rilo urang njom virus Zika dalam bilan anak tal kayua anak tal lac tuk rija meng kan yau nan ye hu rilo urang TQ meda mai veik sang meng dom negar hu jit ruak./.