# Ngan haong ralo số phiếu tán thành, amuk Đặng Thị Ngọc Thịnh hu Quốc hội pok ngak Phaok Akaok negar Cộng hòa Xã hội Chủ nghĩa Việt Nam. Amuk  Đặng Thị Ngọc Thịnh ndih tapui thun 1959, palei daok pak tỉnh Quảng Nam, cử nhân hukum, cử nhân dak rai sararah, cử nhân lý luận chính trị, thạc sĩ xây dựng Đảng. Amuk hu khik iek dom chức vụ: Phaok Akaok Thường trực Kapul nyaom urang kamei Việt Nam, Phaok Bí thư Tỉnh ủy, Bí thư Tỉnh uỷ Vĩnh Long, Phaok Chánh Văn phòng Trung ương Đảng. Uỷ viên dự khuyết Ban chấp hành Trung ương Đảng khoá X, Uỷ viên Ban chấp hành Trung ương Đảng khoá XI, XII, đại biểu Quốc hội khoá XI, XIII. 

# Meng jaik 96% dom urang QH njauk hatai, ong Nguyễn Hoà Bình – Bí thư Trung ương Đảng mbang XII hu pok ngak Chánh án Toà án bhap bini  tối cao.Ong Nguyễn Hòa Bình ndih tapui thun 1958, palei tỉnh Quảng Ngãi, cử nhân luật, Phó Giáo sư – Tiến sĩ, lý luận chính trị cao cấp, hu ngak bloh dom bruk lac Phó Tổng Cục trưởng Tổng cục Cảnh sát, Phó Bí thư, Bí thư Tỉnh uỷ Quảng Ngãi, Viện trưởng Viện Kiểm sát bhap bin tối cao. Ong Nguyễn Hòa Bình lac Uỷ viên Ban chấp hành Trung ương Đảng mbang XI, XII, Bí thư Trung ương Đảng khoá XII, urang Quốc hội mbang XIII.

# Ong Lê Minh Trí – Uỷ viên Ban chấp hành Trung ương Đảng khoá XII, Phaok Trưởng Ban Nội chính Trung ương jeng hu Quốc Hội pok ngak chức vụ Akaok Viện Kiểm sát bhap bani pakat glaong. Ong Lê Minh Trí ndih tapui thun 1960, palei daok bal raya Hồ Chí Minh, Đại học An ninh, cử nhân luật, lý luận chính trị pakat glaong, hu ngak blaoh dom chức vụ: Phaok Akaok Ủy ban bhap bani bal raya Hồ Chí Minh, Phaok akaok Ban Nội chính Trung ương, Uỷ viên Ban chấp hành Trung ương Đảng khoá XII.

# Tỉnh Đắc Lắc bahrau peih nyaom biai peih tabiak “ Bilan ngak ka hacih saat pandap mbang thun 2016” Bilan ngak thun ni hu peih tabiak meng harei 15/4 tal 15/5, piah langyah dom kadha praong urak ni lac pandar chất cấm dalam rong glang, patrun patakik bruk kandaong labaih jru khik caga phun pala dalam njam patam, labaih jru hóa chất, kháng sinh dalam rilaow pabui, rilaow menuk, kaya ikan rong song paglong akaok sahaneng di dom kapul nyaom, menuac urang dalam bruk ngak mbang pablei salih, mbang njam patam, rilaow siam, patrun bruk njauk jru mek.

# Lễ Rija Negar 2016 – nan lac adat uan raok thun bahrau di urang Cam bahrau rah tabiak di dua tỉnh Ninh Thuận saong Bình Thuận. Rija Negar bhian hu peih ngak dalam dua harei harei Jip saong harei suk di adit akaok bilan 1 saka Cam ngan haong makna uan raok thun bahrau, likau patuah jamo, hajan siam, hangin laghaih, hu ralo pren yava khang tangin jap takai ngak mbang ginup meda.

# Tỉnh Đồng Nai lac tỉnh hu rilo khu công nghiệp song yaok ribau urang negar langiu daok ngak bruk. Ni jeng lac pambah mbang ba tame ban raya HCM nan ye mbuan si rah tabiak ruak kayua virus Zika. Piah pacang caga, Sở Y tế tỉnh Đồng Nai dok samar peih  bruk pathau khan piah urang negar langiu dok di tỉnh patakik nao mai di dom negar ruak dok tamuh khang, dahlau di tuk xuất nhập cảnh njauk dut iek thân nhiệt di mblang kapan haoh, pablak dự án pacang caga pandiak tabiak darah piah peih bruk “ bhap bini eng drei pametai jamuk, lăng quăng pacang caga jit ruak kayua virus Zika song pandiak tabiak darah”. 

# “Dom balai njuk mek aia angaok kraong Bei Gon saong kraong Đồng Nai njauk brei padeih bruk bơm mek aia tamo dalam dom tuk dalam harei kayua độ mbak tapa tanut brei adat”. Nan lac khaw tin hu ba tabiak pak Nyaom biai “Kavei padang aia grap tanat ba brei ka bal raya Hồ Chí Minh” kayua Sở Tài nguyên saong Môi trường, Sở Giao thông - Vận tải Bal raya Hồ Chí Minh bahrau peih ngak. Tui dom chuyên gia, kadha anak meta urak ini nan lac pasiam veik bruk dom sang mac aia njauk padeih mek aia dalam dom tuk dalam harei tuk độ mbak tapa tanut brei adat. Dalam nan bruk padang ngak kavei padang hu brei lac khả thi. Kavei padang aia tamo meda ba brei aia dalam trường hợp chất lượng aia biar.  

Khaw tin dunya:

# Urang tabiak panuac di bol bala Phi-líp-pin, đại úy Xê-lét-xte Phranh Xai-xon (Celeste Frank Sayson) bahrau brei thau, sa urang lin di gah nhảy dù Phi-líp-pin metai dalam mbang pasram  song bol bala Mỹ. Dahlau di nan, harei 4/4 labaih 3700 urang lin Phi-líp-pin song 5000 urang lin Mỹ hu mbaok tame mbang pasram  “ vai kề vai”. Tui bruk ba tabiak, mbang pasram hu dui atah 11 harei.

# Hội đồng lập pháp Thái Lan (NLA) bahrau buh phiếu njauk hatai brei tapa bruk pabak kadha sua tangi dalam mbang duah thau hatai saneng di bhap bani ka  dự thảo Hiến pháp bahrau. Tui nan, langiu di bruk brei panuac ka bản dự thảo Hiến pháp bahrau, bhap bani meda javap jaleiy mbluak dom kadha sua tangi hu njauk hatai bruk thượng nghị sỹ saong hạ nghị sỹ gam buh phiếu palih ruah Thủ tướng halei oh. Urak ini, Ủy ban bầu cử Thái Lan daok samar pambuak bruk haong dom jabat chức năng pambuak pagam piah kuhria caga peih ngak mbang duah thau hatai saneng di bhap bani ngan haong blah Dự thảo Hiến pháp bahrau dalam harei 7/8 anak tal.  

# Mintri Y tế Campuchia bahrau hu panuac pandar dom jabat y tế dom tỉnh ban dalam negar peih bruk brei ka urang jakar song nhân viên hu mbaok ngak bruk luac harei melam dalam dom harei Tết Chôn Chơ-năm Thơ-mây (Chol Chnam Thmay) meng 14 tal  17/4 ni. Panuac tacei di mintri Y tế CPC brei thau, dalam tuk vak anak tal, dalam song hadei harei tết, bruk nao mai angaok jalan bhain rah tabiak kan kandah kayua menuac nao mai ralo, yau nan ye bruk gah y tế hu mbaok ngak bruk  dalam dom harei ni piah samar langyah bruk menuac njauk bala angaok jalan meda rah tabiak./.