# Tỉnh Bạc Liêu bahrau peih bruk jao brei 60 baoh sang, taneh pala drak ka dom baoh sang kan kathaot urang bangsa takik oh ka hu sang danaok di  xã Vĩnh Trạch Đông (bal sit Bạc Liêu). Hu thau, 60 baoh sang hu jao brei mbang ini daok dalam Dự án padang ngak 1.000 baoh sang, brei taneh ka baoh sang kathaot, mikva urang Khmer dalam tỉnh daok gaok ralo kan kandah ka sang daok, oh hu taneh pala drak, saong yaom jien abih tih labaih 30 tỉ đồng.

# Mintri ilimo, Thể thao saong Du lịch hu harak payua Thủ tướng brei adat peih ngak dom thu tuc njauk ngak ka dua inem krung ilimo praong di Việt Nam, nan lac “Adat cambat saong bruk mein katung talei” hu angan ieu klak lac “ katung gauk mengkan” saong “Adat pok kakuh Mẫu Tam phủ di urang Việt" hu angan ieu klak lac "Adat chầu văn di urang Việt". Tui nan, harak hồ sơ "Adat cambat saong mein katung talei” hu payua tal Hàn Quốc piah pataom iek veik, ngak jeng hồ sơ rilo taneh ia. Daok harak hồ sơ “Adat pok kakuh Mẫu Tam phủ di urang Việt" hu payua tal jabat pato megru, khoa học saong ilimo di Liên hợp quốc.

# Ủy ban bhap bani tỉnh Bình Định bahrau hu harak pathau khan payua ka Mentri Ilamo – padhih saong rivang ma-in, Mentri Kế hoạch – Đầu tư, Mentri Jien padai  ka dự án Buh jien tame padang ngak paglaong Mu-yim Quang Trung di bal sit Phú Phong, huyện Tây Sơn. Tui nan, Mu-yim Quang Trung ngan haong ralo hạng mục bahrau yau: sang parang me-in võ, sang chiếu phim sajarah 3D, kalan kakuh Tây Sơn tam kiệt saong amaik ame di gait, kalan kakuh văn thần võ tướng, labik hậu cung, gheng dok tuan hala dok Quang Trung… gam haong ralo kadha karei yau ye mblang bein công cộng. Taong abih phun jien buh tame ka dự án labaih 211 tỉ đồng.

# Danakdak taom gaok ilamu “Gam saong bhum kreh negar yam tapa ribuk ia sua” kayua Quỹ daong plaih bala meng lingik tasik bhum kreh negar peih ngak, rah tabiak di puac adit tapa di ban sit Da Nang saong hu papar binguk tapak di rayo papar binguk Biet Nam. Ông Phan Diễn, Ủy viên Bộ Chính trị gam dang akaok Quỹ daong plaih bala meng lingik tasik bhum kreh negar brei thau, yaom jien ieu pataom hu meng danakdak hu pandar piah padang ngak dom bruk daong plaih bala meng lingik tasik saong daong ka bhapbini bhum kreh negar gaok khat lahik trak dalam dom mbang ribuk di thun  2013.

# Huyện Đà Bắc, tỉnh Hòa Bình bahrau peih bruk pakacah cuh haning – katung talei – jul gai thun 2014, hu mbaok labaih 300 vận động viên mai meng 17 đơn vị xã, thị trấn dalam tỉnh. Bruk ngak ini piah jhul pakhang bruk pasram pakhang pren yava rup babhap dalam bhap bani, saong duah dom vận động viên naih gheih.

# Barau ini, di ban sit Hạ Long, Sở thông tin truyền thông tỉnh Quảng Ninh peih var họp báo “ Rija roya bingu Anh đào Hạ Long 2014”. Tui nan, rija roya ini hu peih ngak meng harei 11 tal 13/4 di ban sit Hạ Long. Ini jeng lac thun ka 2 bruk ngak ini hu peih tabiak piah patagok bruk taom gaok ilimo, pambuak talei rohim di tinh Quang Ninh jang yau di Biet Nam saong Nhat Ban. Rija roya thun ini hu dom bruk ngak praong yau : danak dak peih mbaok rija roya saong parang mein nghe thuat Biet – Nhat; parang iek thaot binguk ka ilimo Nhat Ban saong khan brei thau dom bhum taneh inem krung Nhat Ban …Langiu di nan, daok hu jaik 40 labik pablei dom janih pandap du lich, mbang menyum, pandap luu niem, sinh vật cảnh saong dom janih pandap gheih mekre di tinh Quảng Ninh saong dom puk palei di Nhật Bản.

# Ngan haong kadha “dam dara uranaih dom bangsa tỉnh Đắk Nông bui sambai – khang kajap – pambaong tal pulao tasik palei negar”, labaih 500 thí sinh, vận động viên mai meng dom sang bac dalam tỉnh hu mbaok dalam Adit ilamo – padhih dam dara, uranaih dom bangsa mbang ka V, thun 2014. Ini lac bruk ngak piah ba mblang ma-in kein lagaih, chreih chrai bui sambai, patagok bruk me-in thể dục, thể thao di dam dara, uranaih; saong piah duah, piah pabak ilamu ka dom năng khiếu thể thao pak puk palei.

# Danakdak papar binguk tapak “Urang daok ngak hagait” piah pathau khan, paglaong akaok sahaneng di bhapbini dalam bruk khik caga moi truong pamaong tal bruk cakrok khang kajap hu papar binguk di melam thanecar yaok adit angaok VTV2, camereip di abih meng harei 29/3. Meng bruk hu mbaok di urang hu ngan je, hu anh huong dalam xa hoi, yaok tap phim katut meda brei thau sa kadha khik caga moi truong tapa dom dalikan di dom urang hu ngan je gam saong bruk ngak siam mekre mboh di anak meta.

# Bahrau ini, di Harei pataom tapuk bal raya Hồ Chí Minh, dalam Chuyên đề Văn học châu Âu pak Việt Nam, Đại sứ đặc mệnh toàn quyền Ý pak Việt Nam Lorenzo Angeloni hu klah rabha haong dom urang puac tapuk dom jalan taom gaok văn học châu Âu tapa meta iek di sa tác giả châu Âu jang yau duah thau ka bruk vak văn di sa urang ngoại giao pakat glaong. Ong đại sứ brei thau ong meda patui vak veik sa baoh tapuk ka bruk mbang huak jalan phố Việt Nam tui jalan duk haong bruk mbnag huak jalan phố Ý.

# Barau ini, di xã Hòa Tú 1, huyện Mỹ Xuyên, tỉnh Sóc Trăng, rah tabiak harei pataom pathau khan lưu động tỉnh Sóc Trăng mbang yaka 22 thun 2014 ngan saong kadha “Dak padang palei pala barau”. Danakdak pachreih hu labaih 200 diễn viên, urang pathau khan saong urang mein alat ragam mai meng 11 huyen, ban. Langiu di harei pataom pathau khan luu dong, dom labik daok parang iek thaot binguk, yaih khan dom jak jeng gah ngak mbang kinh te, ilimo – xa hoi, an ninh quoc phong di yaok puk palei dalam thun bloh./.