Khaw tin 6h30 harei theim 19/10/2015

# Dom janih kaya nong – kaya ikan pablei tabiak negar langiu di negar drei trun khang dalam 9 bilan akaok thun 2015. Langyah ka bruk trun ini, ong Trần Anh Tuấn, Thứ trưởng Mentri Công thương brei thau: dom pandap kaya nong, kaya ikan trun kayua dom negar karei pablei tabiak negar langiu biak ralo, ngak mariak gauk biak khang angaok darak pasa. Langiu di nan, jien đô la Mỹ tagok yaom dut haong ralo janih jien karei angaok dunya dalam nan hu dom negar meriak gauk dalam bruk pablei tabiak negar langiu haong Việt Nam ngak jeng pren meriak gauk khang ngan haong kaya nong, kaya ikan pablei tabiak negar langiu di taneh aia drei.

# Yaom dịch vụ iek ruak Bảo hiểm y tế di dom sang iek ruak dalam taneh ia kayua mintri Y tế pambuak bruk saong Bảo hiểm xã hội Việt Nam saong mintri jien padai padang ngak saong ba tabiak di bilan 11/2015. Jaik 1.800 dịch vụ y tế hu ramik veik yaom, dalam nan hu : yaom iek ruak, yaom harei ndih saong yaom dịch vụ kỹ thuật. 

#Bruk pok meyaom anek saih mek hu giải Olympic dunya saong anek saih mek hu điểm xuất sắc abih dalam mbang pakacah Trung học phổ thông negar thun 2015 kayua Mentri Pato megru peih ngak tui kuhria meda rah tabiak dalam 2 harei  30 saong 31/10.Tui nan, dom anek saih hu pok meyaom meda hu mbaok tame lễ pok gilau pahadar dom Po Hùng, ndom biai nao mai ngan haong kadha “Mai halau gha” pak Việt Trì (Phú Thọ).

# Sở Lao động, Thương binh saong xã hội ban raya Hồ Chí Minh brei thau, urak ini hu labaih 20.000 urang taneh ia langiu daok ngak bruk dalam jaik 5.490 labik, doanh nghiệp dalam ban raya . Dom urang ngak hu brei adat lac 19.629 urang . Dalam nan, Nhật Bản, Hàn Quốc, Mỹ, Anh, Trung Quốc… lac dom taneh ia hu rilo urang ngak daok ngak bruk di ban raya .

 # Mentri Ilamo Padhih saong rivang ma-in bahrau tabiak dom quyết định xếp hạng inem mek pakat negar ka 6 inem mek nan lac: inem mek kiến trúc nghệ thuật Đình Vĩnh Lộc Hạ, bal Hà Nội; Hamu kanyan thung lũng Thể Pả, tỉnh Lào Cai; inem mek dakrai sajarah Khu lưu niệm Chủ tịch Hồ Chí Minh pak Nam Cường, tỉnh Thái Bình; inem mek dakrai sajarah Từ đường Tiến sĩ Đặng Nghiêm, tỉnh Thái Bình; inem mek kiến trúc nghệ thuật Đình Hoàn Dương, tỉnh Hà Nam;  Bein negar Tràm Chim, tỉnh Đồng Tháp.

# Ủy ban bhapbini tỉnh Quảng Nam barau quyết định brei bayan veik 1.457 cổ vật ka ông Nguyễn Mười (ndih tapui thun 1956, urak ini daok di quận 1, ban raya Hồ Chí Minh ). Dom pandap klak nan ini hu dom panhin, payen, klaok lac gốm sứ Chu Đậu - Hải Dương hu meng 500 - 600 thun dahlau saong hu khik piah di miunyim Quảng Nam dalam 12 thun tapa. 

Khaw tin dunya

# Jaik 16 triệu urang mong iek rayo papar binguk hu mbaok tame mbang ndom biai nao mai akaok meti di dom ứng cử viên đảng Dân chủ Mỹ piah hu mbaok tame mbang pilih ruah bầu cử Tổng thống thun 2016. Ini lac số lượng manuac urang mong iek prong oh ka mboh bo sa mbang meriak gauk yau ini dalam nội bộ đảng Dân chủ katung dui hu.

 # Viện Hàn lâm Thụy Điển barau pok giải thưởng Nobel Văn học 2015 ka urang kumei vak van bhian vak ka bruk mesruh metak, lac urang taneh ia Belarus, amuk  Svetlana Alexievich. Văn di amuk lac tượng đài tri ân bruk pandik harao saong hatai dũng cảm dalam saman kol drei. Amuk Svetlana Alexievich hu jeng urang kumei ka 14 saong jeng lac urang vak akaok mereip hu pok brei giải Nobel Văn học kuhria meng thun 1901 mbiah tal tukvak urak ini.

 # Jabat patagok Dunya Hoa Kỳ (USAID) bahrau brei thau bruk daong ka danak dak bahrau ka khik iek dom kanjah jhak mai meng langik tasik meda hu peih ngak kayua Kapul Chữ thập đỏ Việt Nam. Danak dak hu ba kein laba ka jaik  20.000 urang pak dom tỉnh Bạc Liêu, Hòa Bình saong Quảng Trị tapa bruk daong caga siam anak dom kanjah jhak mai meng langik tasik.