# Ngak tui công điện ka 1433 di Thủ tướng Raja-ei ka bruk khik kajap trật tự, an toàn giao thông dalam tukvak padeih lễ Quốc khánh 2/9 saong peih pakak thun bac bahrau 2015-2016, Mentri Ilamo, padhih song rivang ma-in bahrau hu Công điện ka 3493 payua tal Thủ trưởng dom đơn vị daok dalam Mentri, Akaok dom Sở Ilamo, padhih saong rivang ma-in dom tỉnh bal pandar khik kajap trật tự, an toàn, an ninh dalam tukvak padeih lễ Harei negar 2/9. Tui, Mentri Ilamo, padhih saong rivang ma-in pandar dom đơn vị daok dalam mentri, dom puk palei patagok bruk peih ngak siam Chỉ thị 14 di Thủ tướng Raja-ei; khik iek, pasang mong chất lượng dịch vụ; klhik kajap an ninh, an toàn ka tuai damuai rivang ma-in. Taphia di nan, khik siam vệ sinh môi trường, vệ sinh an toàn pandap panda, yaom kaom dịch vụ.

          # Mintri pato megru bahrau tabiak harak tacei pato jalan peih bruk pato pakai tiểu học thun bac 2015-2016. Tui nan mintri pandar dom sang bac patui bruk jao brei chất lượng pato pakai, oh caik ka anek saih “dok suan tal bac” oh caik ka anek saih klak bac, oh peih bruk pakacah anek saih naih joi di tong abih dom pakat khik ramik, oh jao bruk ka anek saih hu mbaok tame dom mbang pakacah karei. Jhul pakhang dom jalan ngak piah padang ngak sang bac, tal bac hijao, hacih saat, ginup jaman hacih saat ka anek saih song gru pato. Harak jeng hu tacei lac, dom sang bac peih ngak meng 1 tal 2 adit ngak krein akaok thun bac bahrau ka tal bac sa piah dong ka anek saih krein ranadap song sang bac bahrau di tiểu học song bui sambai tuk hu nao bac.

# Harei 27-8, di Pasak Papar sap negar, 58 Quán Sứ, Hà Nội, rah tabiak danak taom gaok dom klup kapul ayut pang Rayo tukvak pahadar 70 thun harei padang Rayo sap ndom Việt Nam. Brei panuac di van taom gaok,  Phaok TGĐ Vũ Hải ndua dhal phol bruk sangka, pachreih tui, anit ranam di dom rairah urang pang rayo dalam luac 70 thun tapa saong brei thau: oh ta-eng hagiat pak dalam negar, ralo klup kapul riyak katut pang Rayo jeng hu dak padang pak negar langiu yau Angola, Nhật Bản, Pháp… Mai meng bruk hu panuac rik daong, ndom biai nao mai di urang pang rayo nan lac kadha pachreih biak prong piah ka kapul nyaom urang jakar, urang vak, biên tập viên, kỹ thuật viên di Rayo kham merat jang dalam bruk ngak tabiak, biên tập, paglaong chất lượng dom danak dak, pabak hatai caong khin dak harei dak glaong di urang pang rayo. Phaok akaok Vũ Hải jeng khan brei ka ayut urang pang rayo thau ka bruk Rayo sáp nhập saong Đài Kỹ thuật số VTC. Urak ini hu 17 kênh papar binguk, 7 kênh papar sap.

# Hãng kapan haoh yaom lap Jetstar Pacific brei thau, pahadar 70 thun CM bilan 8,  harei negar 2/9 song pachreih tui “Harei blei pandap tapak bilan thu”  Jetstar Pacific hu peih mbang pablei vé yaom lap trun labaih 70%, yaom meng 70 ribau đồng  sa mbang, saong alin brei 70 cặp vé nao mai dalam taneh ia ka dom tuai damuai ndih tapui thun 1945. Abih di nyu nan lac, 70 urang tuai ndih tapui thun 1945 meda hu par saoh saong gauk gar tuk pahadar harei negar 2/9. Danak dak pablei vé yaom lap hu peih ngak meng 11 tuk harei sut, 28/8 tal abih harei 2/9   

 # Tỉnh Phú Yên bahrau njauk hatai brei pandar 500 triệu đồng piah daong ka labaih 100 baoh sang kathaot hu sang daok tạm padang ngak sang danaok. Dalam nan brei ngak dahlau dom xã tut angan tame ngak salah blaoh danak dak padang ngak palei pala bahrau dalam puac thun 2015 piah grap tanat mek hu ka sang daok. Uỷ ban Mặt trận negar Việt Nam tỉnh Phú Yên hu jao parabha phun jien ini.

# Dom harei jiak di ni, hajan khang gam song ngin ribuk ngak kan kandah ka bruk ngak mbang, nao mai di urang nong tỉnh Tiền Giang. Di dom xã Quơn Long, Bình Phục Nhứt, Bình Ninh- huyện Chợ Gạo hu rilo bein phun thanh long, njam patam dauk dalam ia, rilo boh sang mbuan si jaleih, par tabung kayua hajan prong, ribuk khang. Di dom huyện Gò Công Tây, ban sit Gò Công, Gò Công Đông hu yaok rituh ha padai hè thu dauk dalam ia. Mblang taneh padai ni dok dalam tuk tabiak bingu song tasak yau nan ye ba tal patrun năng suất, chất lượng song kan kandah dalam bruk yuak kuak.

# Tạp chí y khoa hu angan je dang akaok dunya Lăng-xét (Lancet) bahrau ini brei thau ka sa roh duah brei mboh umo trung bình di urang likei gam kumei angaok dunya meng thun 1990 tal thun 2013 hu tagok 6,2 thun, meng 65,3 thun tagok 71,5 thun. Tapa bruk duah thau dom janih ruak saong rambuis pak 188 negar angaok dunya, kapul roh duah kayua giáo sư Thêô Vốt (Theo Vos) dalam sang bac đại học Oasinhtơn (Washington), Mỹ, ba akaok hu tacei tabiak pren yava di manuac sia hu cải thiện angaok dunya kayua hu dom ilamu siam laghaih dalam bruk pacang cakak dom janih ruak nyaom mbak yau HIV/AIDS saong pandiak dom dalam luac sa rituh thun tapa jang yau dom janih ruak di amaik saong uranaih. Kayua nan ye, umo trung bình di anek manuac angaok dunya ini hu patagok./.