# Nyaom roya urang lambaok pakat negar mbang ka XII di Đảng ngak bruk pak Đoàn, ginum biai ka tiêu chuẩn, cơ cấu Ban Chấp hành Trung ương khóa XII; roh duah danh sách đề cử Ban Chấp hành Trung ương khóa XII (chính thức saong dự khuyết) kayua Ban Chấp hành Trung ương khóa XI kuhria caga. Phaok Akaok gam haong Tổng Thư ký Ủy ban Trung ương Mặt trận negar Việt Nam Vũ Trọng Kim brei thau, 4 angan urang pal akaok chủ chốt khóa XII hu Ban Chấp hành Trung ương khóa XI ba tabiak meyaih khan. Nan lac: Đồng chí Nguyễn Phú Trọng (Tổng Bí thư Ban Chấp hành Trung ương khóa XI) hu brei thau ngak Tổng Bí thư khóa XII; ong Trần Đại Quang (Ủy viên Bộ Chính trị khóa XI, Akaok Mentri Công an) hu brei thau lac ngak Akaok negar; ong Nguyễn Xuân Phúc (Ủy viên Bộ Chính trị khóa XI, Phó Thủ tướng Chính phủ) hu brei thau ngak Thủ tướng Chính phủ saong amuk Nguyễn Thị Kim Ngân (Ủy viên Bộ Chính trị khóa XI, Phaok Akaok Quốc hội) hu brei thau ngak Chủ tịch Quốc hội. 

# Thủ tướng rajaei Nguyễn Tấn Dũng hu mbaoh tangin tame công điện pandar dom mintri, jabat samu mintri, jabat di rajaei, UB bhap bini dom tỉnh, ban jhul samar bruk  kuhria caga tết Nguyên đán anek sak kara 2016. Tui nan,  tacei pato patagok bruk khik iek điều hành piah tani tanat darak pasar, yaom kaom, khik kajap trật tự, an toàn XH dalam tuk tết nguyên đán anek sak kara 2016; UB bhap bini dom tỉnh, ban di TƯ tacei pato dom jabat, kapul nyaom dom pakat dalam puk palei; peih ngak ginup dom sarak di Đảng, karja; pambuak khang kajap saong MT negar, dom kapul nyaom chính trị - XH peih bruk daong pandap mbang, tangi sua, alin hadiah pandap ka urang kan kathaot, baoh sang kan kathaot, urang hu buh pren yava ka taneh ia, urang taha, urang daok sa drei saong dom urang sarak karja di puk palei, daong ka bhap bini hu rok tết bui sambai hanem phon.

# Dalam dom harei tapa, ralo labik pak gah Barak hu mboh langik biak la-ar, Ban tacei pato Trung ương Pacang cakak urang njauk bala meng langik tasik saong roh duah urang njauk bala pandar dom puk palei peih ngak dom jalan ngak samar drah pacang, cakak la-ar ka manuac urang, phun pala anek athur raong. Tui nan, dom puk palei tacei pato bhap bani peih ngak dom jalan pacang cakak la-ar, peih bruk panduan ba tapul limo, kubao trun labik biar jang hu khí hậu ấm jang piah plaih la-ar. Tal puac harei 24/1, tỉnh Lào Cai hu 44 drei limo kubao saong Yên Bái hu 22 drei limo kubao njauk metai la-ar saong yaok rituh hecta njam patam njauk pambak.

# Di bein negar Ba Vì – HN hu tuyết laik, nhiệt độ di bein tuk ini  âm 3 độ C. Piah khik  ka bhap bini, tuai damuai mai rivang bein negar, maong iek tuyết laik hu an toàn, bein negar Ba Vì hu patagok kapul khik caga, tacei pato bhap bini. Anak bruk li-ar ngak kan kandah tal bruk pala drak, raong athur, UB bhap bini ban HN hu tacei akaok UB bhap bini dom quận, huyện pataom tame taong abih dom jalan ngak pacang cakak li-ar ka taneh hu tam bloh, pacang cakak li-ar ka athur raong, menuk ada, kaya ikan, abih di nyu nan lac kabau, limo, ikan pajaih, piah patrun patakik khat lahik.

# Kayua langik tasik jhak, tasik động, pak tỉnh Quảng Ngãi, tuyến pajeng ba Lý Sơn - Sa Kỳ saong cagar veik, njauk padeih bruk nao mai. Dahlau di nan, raja-ei puk palei hu cảnh báo tal tuai damuai ka langik tasik jhak, labik tasik Lý Sơn hu angin ndoh khang saong tasik động piah ka tuai damuai hu jalan palih ruah siam abih ka drei ka bruk nao mai jeng yau tuvak daok veik pak Lý Sơn. Tui Ủy ban bhap bani huyện Lý Sơn, tal biar harei 24/1 jeng daok labaih 50 tuai damuai daok gar angaok pulao. Urang pal akaok huyện Lý Sơn tacei pato dom jabat chức năng pandar dom sang padeih padei, khách sạn oh tagok yaom duk ndih gam haong dom dịch vụ karei piah palaghaih, daong ba tuai damuai tal tuk langik tasik hadah siam giac saong tuyến Lý Sơn - Sa Kỳ nao mai yau bhian harei. 

# Sang iek ruak Đa khoa tỉnh Quảng trị brei thau, labaih 200 urang ruak kayua pren yava oh khang kajap njauk ndih iek ruak di sang iek ruak dalam tuk tết anek sak kara 2016 piah  iek glang tani tanat saong an toàn, piah pabak veik dom kurang lahik tuk urang oh hu daok jaik gauk gar dalam tuk rok thun barau 2016. Sang iek ruak đa khoa tỉnh Quảng Trị hu brei urang jakar, công nhân caga dom phương tiện piah pacang cakak bala meda rah tabiak dalam tuk tết, piah langyah chip, khik kajap pren yava, tính mạng ka bhap bini oh patuah gaok bala.

#  Tal ini, Liên đoàn Lao động tỉnh Đồng Nai hu kuhria caga jaik 6.000 pok pandap, yaok pok hu yaom 500 ribau đồng brei ka urang ngak hu rai diuk kan kandah dalam tỉnh tuk tame thun bahrau Bính Thân 2016. Gam haong nan, Liên đoàn Lao động tỉnh saong Công đoàn cơ sở daok peih ngak ralo bruk ngak adaoh tamia uan Tết, vui Xuân ka urang ngak di dom khu công nghiệp; rivang urang ngak daok khu sang trọ saong pataom mbaok dom urang ngak oh hu điều kiện mai palei mbang mbang Tết. Langiu di nan, Liên đoàn Lao động tỉnh Đồng Nai jeng hu jak ba dom doanh nghiệp daong brei harak vé radaih ka adei sa-ai công nhân mai palei mbang Tết. Ong Tăng Quốc Lập – Phaok Akaok Liên đoàn Lao động tỉnh Đồng Nai brei thau: Ndom ka mảng daong ka urang ngak mai palei mbang Tết tính khrua tal tukvak ini Liên đoàn Lao động tỉnh jeng jak ba dom nguồn lực saong kuhria caga hu 2.500 vé radaih. Daok dom pakat Công đoàn bo pataom ralo abih nan lac pak dom khu công nghiệp Biên Hòa ye hu jaik 4000 vé radaih. Kuhria tal tukvak ini ta-eng hệ thống Công đoàn jeng jak ba hu jaik 10.000 vé radaih ka urang ngak.)

Patui di ini dom khau tin dunya:

# Tuk uan rok tết anek sak kara 2016, đại sứ quán taneh ia drei di CPC hu peih ngak tết cộng đồng rok thun barau anek sak kara. Brei panuac di mbang peih bruk, Đại biện lâm thời đại sứ quán taneh ia drei di Campuchia, ông Nguyễn Trác Toàn ndom lac jalan ngak dahlau hadei yau hasa di urang dang akaok Đảng saong karja VN lac tuk halei jeng iek urang VN daok di taneh ia langiu, dalam nan hu urang Việt daok di CPC, lac ralo drah oh neh rabha hu di bangsa VN. Mbang peih bruk rah tabiak dalam bui sambai ngan saong dom danak dak doah tamia pok meyaom taneh ia, palei negaria kayua dom nghệ sỹ kapul văn công Quân khu 9 parang me-in.

# Dom urang jakar puk palei di Thái Lan brei thau sa vật thể medhil lac klaih pacah di sruh kapal haok hu duah mboh pak tasik gah Meraong negar ini, ngak tamuh tagok tin đồn lac klaih pacah nan lac sa binah di sruh kapal haok tuan số hiệu MH370 dalam hãng hàng không Malaysia Airlines njauk lahik atah di ini jaik 2 thun. Klaih pacah ini prong meng kim loại ini hu tatheik tame ar tasik dalam tỉnh Nakhon Si Thammarat saong bhap bani hu khan brei thau ka bruk ini tal urang jakar piah peih bruk xác minh. Klaih pacah ini prong 2 mét saong atah 3 mét.

# Klup kapul hải thuyền Hemingway di Cuba barau brei thau đảo quốc Caribe ini mbang akaok meti hu lambaok dalam sa bruk ngak hàng hải peih tabiak di Mỹ - bruk parang iek kapal gilai dunya di Mai-a-mi dalam dom harei 11 tal harei 15/2 tal. Jeng dalam bruk ngak ini, dua gah hu peih bruk pakacah giay gilai mbang akaok meti meng ban tasik Miami, di mban Phlo-ri-đa gah meraong taneh ia Mỹ, tal La Habana – ban ine Cuba. Meng tuk dua taneh ia padang veik talei pambuak bruk ngoại giao, rajaei Mỹ hu brei adat kapal gilai di drei hu mbaok tame dom bruk thể thao, taom gaok, klah rabha ilamu kayua klup kapul Hemingway peih tabiak./.