# Harei 26/10, Quốc hội pak hội trường, ginum biai ka dom asal kadha daok hu panuac karei di gauk di Dự thảo Hukum tố tụng dân sự (pasiam veik). Dự thảo Hukum tố tụng dân sự (pasiam veik) hu ba tagok Quốc hội mong iek, brei panuac pak mbang nyaom ka 9. Ralo urang njauk hatai haong quy định "Tòa án oh hu từ chối yêu cầu langyah bruk dân sự kayua oh ka hu điều luật piah pandar". Ini lac sa kadha salih bahrau prong dalam bruk dak padang Karja pháp quyền pak negar drei, njauk haong quy định di Hukum negar thun 2013 ka chức năng, bruk ngak di Tòa án bhap bani.

# Di tỉnh Khánh Hòa, Bộ Tư lệnh Vùng 4 Hải quân barau pahadar 40 thun harei truyền thống saong atduan mek Huân chương khik caga negar hạng nhất. Harei 26/10/1975, mintri Quốc Phòng  tabiak quyết định padang bhum  4 Duyên Hải daok dalam Bộ Tư Lệnh Hải quân, urak ini lac bhum 4 Hải quân. 40 thun oh padheih praong patagok, bhum 4 Hải quân bhian paglaong hatai sangka, caga pacang dom bruk, njauk saong 16 akhar ameh meng kan lac “mesruh metak anh dũng, yam tapa kan kandah, jum pataom pambuak bruk, ngak po bhum tasik”.

# Tui kuhria mboh di Chi cục Khik caga phun pala tỉnh Phú Yên, tal bilan 7/2015, rệp sáp bột hồng palai kaik phun bei plom tagok tal 389 hecta ngan haong tỉ lệ palai kaik meng 0,1% tal 90% phun bei plom saong hu mboh di taong abih puk palei, lingiu bal Tuy Hòa. Piah pacang cakak nyu pambak prong, Sở Ngak nong saong Patagok palei pala tỉnh Phú Yên hu pambuak bruk haong Ủy ban Bhap bani dom xã hu phun bei plom njaom rệp sáp bột hồng peih bruk khoanh vùng  dom mblang taneh njaom ruak saong am cuh klak phun bei plom njaom ruak tui njauk ilamu. 

# Meng harei 25- 30/10 di pasak ban bahrau di tỉnh Bình Dương peih bruk parang iek – nyaom darak thành tựu kinh tế xã hội tukvak 2010 - 2015. Parang iek - nyaom darak hu mbaok di jaik 300 gian pandap parang iek saong yaih khan dom jak jeng praong di Đảng bộ saong bhapbini tỉnh Bình Dương dalam 5 thun tapa; dom pandap hu angan di dom labik, puk palei, dalam nan hu rilo doanh nghiep di dom tỉnh, ban dalam taneh ia.

# Bộ đội biên phòng dalam bal sit Vĩnh Châu, tỉnh Sóc Trăng hu peih ngak ralo danak dak an sinh xã hội, daong patagok talei gul pataom di bol lin saong bhap bani, pakajap an ninh chính trị saong trật tự xã hội dalam tỉnh. Dalam thun  2015, Đồn biên phòng Lai Hòa hu padang bruk raong limo menek ka dom baoh sang kathaot. Tapul limo dahlau di tuk jao  ka bhap bani hu ba nao pasang iek, palih ruah pajaih piah kajap bruk patagok saong pambak prong tapon limo dalam tukvak samar di abih ka bhap bani dalam xã. 

# Kuhria tal tukvak ini, menuac urang blei bảo hiểm y tế dalam tỉnh Trà Vinh bahrau hu labaih 80%, trun 2,5% duk saong dom bilan ini thun dahlau. Makna trun lac kayua hu rilo xã tabiak truh kathaot, oh daok hu karja daong jien blei bảo hiểm, dalam tuk nan bhapbini takik sahaneng tal bruk eng drei nao blei bảo hiểm. Ông Lâm Văn Thu, Phó akaok Bảo hiểm Xã hội tỉnh Trà Vinh ndom lac :

Băng: “piah patagok bruk blei bảo hiểm y tế, anak tal njauk jhul pakhang bruk pathau khan paglaong akaok sahaneg. Oh hagait siam jang chat luong iek ruak. Dom jalan ngak praong lac gah y te njauk sangka paglaong chat luong, salih bharau thủ tục hành chánh dalam bruk iek ruak, pabak hu bruk iek ruak meng bảo hiểm y tế”.

# Pak mbang nyaom bahrau peih tabiak di Malaysia, Hội đồng AFF hu pok brei quyền đăng cai peih ngak giải caoh mbanh vô địch U16 Đông Nam Á 2016 ka Việt Nam. Jeng dalam mbang nyaom ini, Hội đồng AFF njauk hatai brei tapa danak dak peih ngak dom giải đấu chính thức karei di caoh mbanh dalam khu vực. Tui nan, vòng loại AFF Cup 2016 hu peih ngak dalam bilan 10 dalam tuk giải đấu chính meda rah tabiak dalam bilan 12/2016. Giải caoh mbanh kamei Đông Nam Á 2016 tui kuhria meda peih tabiak dalam bialn 6 pak Mandalay (Myanmar).

Khaw tin dunya

# Tổng thống Ai Cập En Si-si (Abdel Fatah El Sisi) peih bruk nao ravang 3 taneh ia châu Á hu Ấn Độ, Các tiểu vương quốc A rập thống nhất (UAE) saong Ba-ranh di harei 27/10. Tui Phủ Tổng thống Ai Cập, di  Ấn Độ, Tổng thống Ai Cập meda hu mbaok dalam diễn đàn cao cấp Ấn – Phi mbang ka 3 gam saong urang dang akaok di jaik labaih 40 taneh ia karei; taom gaok - ginum biai haong urang ngak praong Ấn Độ. Ini lac mbang ravang Ấn Độ akaok meti di Tổng thống Ai Cập En Si-si kuhria meng tuk tagok pan bruk di bilan 6 thun bloh. Ini lac mbang rivang châu Á ka dua di Tổng thống Ai Cập dalam dua bilan tapa.

# Cảnh sát Thái Lan daok peih bruk pasang iek saong cap mek urang negar langiu daok suan adat hukum dalam negar ini. Lambaok Cảnh sát Thái Lan brei thau, meng harei 19 tal harei 25/10, gah an ninh Thái Lan cap mek hu 9 ribau urang negar langiu daok suan adat hukum pak Thái Lan. Dalam nan mboh ralo urang hu quốc tịch Ấn Độ, Băng La Đét saong dom taneh aia châu Phi. Tui taong yaom di Cục Xuất nhập cảnh Thái Lan, urak ini hu labaih 800 ribau urang negar langiu daok suan adat hukum pak Thái Lan, mboh ralo nan lac visa abih hạn saong oh tabiak truh Thái Lan kayua dom makna  karei di gauk.

 # Karja Ca-na-đa barau blei thau, hu biak rilo urang metai hadei tuk sa kapaal pajeng urang iek cá voi karam langiu tasik bhum Tô-phi-nô (Tofino) di pulao Van-cu-vơ (Vancouver) di taneh ia ini. Hu thau lac, tuk kapal karam, hu 27 urang di angaok boong. Bruk yaok pataom urang metai daok peih ngak. Tui urang jakar labik nan, sruh kapal karam di labik biak atah takai tasik. Makna di  bala daok hu ngak brei cambaih laih. /.