UB Bhap bini tinh Khanh Hoa saong UB Bhap bini tinh Dak Lak bahrau peih Nyaom pataom mbaoh tangin pambuak bruk patagok jirah rivang di dua bhum palei tukvak 2026 - 2030. Tui nan, dua tinh Khanh Hoa – Dak Lak brei pataom patagok ndap nda jirah rivang karei, ngak jeng jalan jirah rivang pambuak tinh hu makna pambuak tuai damuai meng bhum tasik kaoh pulao Nha Trang – Cam Ranh tal labik ceik glai Tay Nguyen – Buon Ma Thuot, Dray Nur, Yok Đôn. Dom ndap nda jirah rivang sinh thai, padeih padei, bhap bini, gah ngak nong saong jirah rivang kadha pahat padhih kan kandah… brei hu caik ngak dahlau, piah pandar kein lagaih di bhum saong ilamo karei di yaok bhum palei.

Tui So Ilamo - Padhih Ban raya HCM, Adat ngak yang Nghinh Ong Can Gio daok khik hu bruk gireik, makna siam gheih di adat cambat bhap bini, gam ndung biak suan yawa birau jaman ini dalam adat. Ini oh lac piah ka bhap bini bhum tathik brei mboh bruk thau dhar phol po tathik, likau hu sa bilan nao ngak mbang di tathik hu siam mekre bo daok lac lagiah piah yaih khan bruk yulit tathik Ban raya HCM haong ayut sahabat dalam saong langiu negar. Langiu di adat ngak yang, bruk ma-in sambai hu peih ngak dalam chreih chrai hu labaih 40 bruk ngak karei di gauk, meng labik parang iek ilamo tal padhih the thao saong ma-in sambai, duh ka rilo bhap bini saong tuai damuai jaik atah.

Dalam nghe thuat san khau Dù kê di urang Khmer, kamalai Chằn tuk halei jeng sanak, dom kadha hu pambuak tal bruk pamatai Chằn daong urang menuac jeng hu mboh rilo dalam raidiuk bhap bini. Tapa dom kadha nan, daok dalam nan lac dom kadha ndom ka bruk jhak sanak jeng daok rah tabiak taphia bruk siam mekre saong bruk siam mekre taong jaleih bruk jhak sanak lac bruk gheih bo urang maong yaom thei thei jeng caong khin. Kayua nan, dalam asal kadha jeng meda hu ndom lac, motip pametai Chằn dalam mblang parang iek Dù kê jeng mai meng dalikal di urang Khmer.

Tui Pho akok UBND Ban Can Tho Nguyễn Văn Khởi, Sang bac sinh thái ASEAN -Sang bac oh hu harak katak nhua hu peih ngak di Ban ini ndung bak makna siam mekre, anit ranam sang samar chip. Ini lac bruk pablak tame bruk pato alam moi truong tame sang bac, raong ba jalan sahaneng, ngak randap haong jalan diukrai meng tuk daok bac. Dom bruk sit min takik pandar kaklaok katak nhua, parabha hareik dahlau, atau ngak veik jeng pandap bac megru, dom adei anek saih ngak dom urang langyah gah moi truong, pathau khan tal baoh sang saong bhap bini.

Dalam labaih 1.000 urang sinh thiết thận, hu 300 urang ruak lac urang daok dam dara, dalam nan hu 70% urang ruak barah cầu thận IgA, min rilo meng lac oh thau ka drei njauk ruak. Dom bac si Benh vien Thống Nhất, Ban raya Ho Chi Minh kakei dahlau, ini lac makna rah tabiak rilo abih ngak ka urang sit thun umo njauk brei halang darah. Bruk ngak hu di mbang pasang iek ruak thận bhap bini kayia Sang iek ruak Thống Nhất peih ngak jeng brei mboh 9,8% urang dalam thun umo ngak bruk njauk kan kandah thận bo oh thau.

Ban raya New York payua harak yak bak atah 327 blah ba-ar tagok liên bang Manhattan, Mỹ ndem puac dom “ong praong” kong nghe yau Facebook, Google, Snapchat saong TikTok kham padang ngak piah duah thau hatai sahaneng di dam dara, ngak trun prein yawa biak trak di uranaih. Ini lac bruk birau abih di dunya piah pasang duah bruk kanjiak jhak mai meng mang xa hoi ngan haong uranaih saong dam dara.

Di cuah liga Atacama thu lagu di Chile, labik hu ieu lac cuah liga thu lagu abih di dunya, dom urang ilamo daok roh duah sa janih bangu sit min hu prein diuk khang kajap, meda hu sa janih daong ka phun pala ciuk hu langik dak harei dak thu lagu kayua kanjah jhak di bruk langik salih karei. Dom urang roh duah je lac bruk thau cambaih laih ka janih bangu ini lac sa anek kiar piah pacang khik gah ngak nong plaih di bruk langik salih karei.

Kraong ia  Vjosa di Albania, hu UNESCO taduan lac Labik khik piah Sinh quyển, daok dang anak bruk njom nerak biak trak. Dom urang ngak bruk daong alam moi truong daok kakei lac mbuan gaok kan kandah mai meng dom danak dak salih halau ia piah patagok bruk yulit jeng yau dom bruk njom nerak meng gah ngak kong nghiep menyek dau mo klak, ngak jhak tal raidiuk bhap bini di yaok pluh palei di bhum…Dahlau di nan, dom gheih mekre jeng yau makna di ia kraong ngak jeng angan je “Baoh hatai hijao di chau Au”./.