Bruk srap gap palih ruah urang ka Quoc hoi mbang ka XVI saong urang ka Hoi dong bhap bini dom pakat tukvak 2026-2031 hu peih ngak tui njauk pandar di Mentri Chinh tri, Mban Bi thu saong hoi dong Palih ruah pakat negar. Uy vien Trung uong Ndang, Tong thu ky Quoc hoi, Chu nhiem jabat Quoc hoi, Chanh Jabat Hoi dong Bhap bini palih ruah pakat negar ong Lê Quang Mạnh brei thau, tui pandar di Uy mbang Palih ruah 11 tinh, ban, Hoi dong Palih ruah pkat negar hu harak gal brei adat ka 218 labik buh harak phieu dalam labik di dom tinh, ban peih bruk buh harak phieu aval.

HĐ bhap bini tinh Dong Nai mbang X khan tapa Sarak brei ramik pasiam quy hoach tinh Dong Nai vaktu 2021-2030, pamong tal thun 2050. Tui nan, bhum do thi mblang kapal haok Long Thanh saong jalan Dong Nai palih ruah ngak brei jlan ngak mbang patagok birau ka tinh Dong Nai. Sarak brei thau, tal thun 2030 Patagok taong abih gah he sinh thai jitvu kapal ahaok, sumu gauk dalam mblang kapal ahaok Long Thành saong bhum jaik taphia, pamong tal bruk padang “ban mblang kapal ahaok Long Thành” jeng pasak  jitvu, logistics saong pasak pajeng ba di bhum Dong Nam A.

Ban raya Ho Chi Minh ba tame peih balai y te tui iek prein yava rahra di sang, ngak iek dahlau di dom labik hu rilo rahra. Ong Tăng Chí Thượng, Yam ndok So Y te ban raya ho Chi Minh brei thau, phuong Xuân Hòa (Quan 3 klak) lac bhum taneh akaok meti peih bruk ini. Yaok kapul sangka prein yava gam gam neh rabha rahra jeng dom kapul. Salih ka bruk cang rahra ta-eng mai pasang iek ruak, dom kapul srap gap pambuak, da-a rahra mai pasang iek ruak, pasang iek ruak tui tukvak.

UBND tinh Tay Ninh birau ba tabiak Jalan ngak di abih gah, pacang caga bruk glut jaleih ar kraong tal thun 2030, dalam tuk bruk glut jaleih parilo labik. Tui yaok kuhria, meng thun 2021 tal puac thun 2050, Tây Ninh  hu 77 labik glut jaleih kuhria abih atih atah labaih 32 km, ngak kan kandah tal jaik 2.000 baoh sang bhap bini, kuhria labaih 85 ti dong.

Gilai peih samar Vung Tau – Con Dao (Ban raya Ho Chi Minh) hu ba tame ngak bruk veik hadei 5 bilan brei padeih pandar. Kuhria meng 15/3 anak tal, harak ve gilai peih samar Vung Tau – Con Dao brei pandar patrun 40% piah dui pachreih tuai damuai hadei tukvak brei padeih, ngan haong harak ve biar abih lac 410.000 dong, harak ve VIP lac 790.000 dong. Jalan gilai peih samar hu caong takre brei parilo palih ruah bruk nao mai ka tuai damuai, gam haong nan brei jhul tagok ka bruk jirah rivang kaoh pulao tasik dalam bilan tabung glaong thun ini.

Kuhria hu labaih jaik 33 trieu urang iek kadha bac Lien bang di Tổng thống Donald Trump harei 25/2 meng blaoh, trun 4 trieu urang dut saong kadha bac di Quoc hoi thun dahlau. Ini lac mbang hu takik abih urang tui iek Tổng thống Trump bac kadha yaok thun. Kadha bac Lien bang lac sa dalam dom bruk ba tagok riyak papar binguk  hu rilo urang iek abih dalam thun, njauk ndem tal  lac urang taha umo.

Jabat Canh sat negar Nhat Ban brei thau ka dom bruk uranaih mala 18 thun lac urang gaok kan kandah di bruk xam hai tinh duc dalam thun 2025 hu tagok jaik 5.000 mbang – tanut glaong abih dalam 10 thun tapa, dalam bruk kol duas pambuak tal labik mang hu tagok. Dom mbang pambuak tal thaik thaot uranaih njauk mbeik salih, khieu dam meng AI tagok 4 mbang, tagok 114 bruk. Njauk caik hatai lac, anek saih THCS saong THPT meblah jaik 90% dom urang njauk gaok dom bruk ini.

Ban raya Sydney (Australia) kakei bhap bini caga dahlau hu ikan yau - cá mập hadei ban raya ini hu rilo hajan praong. Dom hajan praong ngak duak jalan, mblang pataok raih di pasak pablei salih saong ba tal rilo jalan dalam ban oh nao mai hu. Bhap bini hu kakei juai caluai ia vik njuk atau ia nerak, atah di pabah kraong 1 km, tapen tathik, gam ngak tui kakei di dom jabat chuc nang juai caluai ia di tathik saong kraong./.