Ngak mbang, pablei salih saong pablei tabiak padai brah di Viet Nam patui veik mek hu rilo jak jeng siam mekre, min, bruk dalam dunya daok rah tabiak srau kadau, kan si thau. Piah khik kajap bruk dui ba ngak mbang saong pablei padai brah dalam tukvak bahrau, Thu tuong Rajaei hu payua harak pandar dom gah ngak mbang pablei salih paaatagok bruk pataom blei padai brah ka urang ngak nong, abih di nyu nan lac di bhum ngak padai brah praong di Bhum taneran kraong Cuu Long. Srap gap pandar majam gilang khik piah saong prein ngak kaya piah pataom blei, khik piah padai brah anak meta, daong tani tanat darak pasar.

Bruk ramik caga palih ruah di TPHCM daok hu peih ngak samar sami, sumu gauk. So Noi vu TPHCM ba tabiak tapuk tacei pato cambaic laic  ka dom bruk rah tabiak dalam harei buh phieu palih ruah ( harei 15/3),  tui bruk palih ruah saong ngak harak bien ban hadei buh phieu blaoh. Dom kapol pasang iek, bruk palih ruah hu peih ngak tal harei 15/3. Bruk taom mbaok cu tri dahlau harei palih ruah, peih ngak tal harei 13/3. Urang di ban raya nao buh phieu hu jaik 9,7 trieu cu tri.

Tinh Dak Lak urak ini hu labaih 2,4 trieu urang buh phieu ngan haong 2.120 labik buh phieu. Tal tukvak ini bruk khk kajap an ninh, salamat ka bruk palih ruah hu peih ngak samu saong tani tanat. Kapul kong an pambuak haong Uy mban palih ruah dom pakat ngak lek taka so ka rahra, duh ka bruk in saong pabak the urang buh phieu njauk adat hukum. Dalam taong abih 102/102 xa, phuong hu pasang duah, neh rabha dom labik buh harak phieu tui klau pakat an ninh piah padang jalan pacang khik njauk lagaih.

UBND tinh Dong Nai birau ba tabiak bruk padang Kapol cih vak Danak dak ban Dong Nai di pakat Trung uong di thun 2030. Bruk quy hoach tal thun 2030, tinh Dong Nai ngak hu rilo asar kadha di ban pakat Negar ilamo, salih birau, khang kajap, patagok samar, jien mek tame glong jang jien di dom tinh, ban kaya meda dalam negar.

Ban raya Ho Chi Minh ngak iek dahlau bruk oh in harak ve bi-ar di 16 radaih buyt meng akaok bilan 3. Tuk pandar radaih buyt di dom jalan ini, tuai damuai oh daok blei harak ve bi-ar yau dahlau bo taong abih khu ti harak ve hu taduan tui bruk harak ve ndien tu angaok he thong. Bruk oh in harak ve brei daong pacang khik alam langik, njauk haong jalan ngak patagok jalan mbak dalam rahra hu hacih hijao. Gam haong nan, pachreih oh bayar jien mbaok dalam bruk nao mai yaok harei meng radaih buyt.

Bruk mesruh metak di Trung Đông ba tal jien logistics pajeng ba dom kaya menyek cọ di Indonesia tagok labaih 50%. Tui Akok Kapol nyaom Menyek cọ Indonesia, taneh ia ini  daok palei menyek cọ tabiak negar langiu oh kan hagait kayua bruk mesruh gauk, min jien pajeng ba saong jien pacang caga bala  tagok glong. Thun blaoh, Khu vực Trung Dong  blei tame hu 1,8 trieu tan menyek cọ di Indonesia. Yau nan min, bruk sraw kadau  di eo tathik  Hormuz ba tal bruk pablei menyek cọ di Indonesia tapa Iran saong UAE padeih anak meta.

Tuk vil taom dar patrun nhiet, labaih dua trieu rahra di Dai Gaza daok njauk mbuan gaok kan kandah trak ka prein yava tuk diuk rai di dom tapol hareik harom, taneh patau saong tapul jaleih di grauk dalam labik. Meng kal hu lac sa labik daok rahra biak chreih chrai, rilo labik urak ini jeng tapol hareik harom praong hadei rilo thun mesuh metak. Thaik thaot hu taduan di dom labik brei mboh hareik harom daok jaleih kateik gauk taphia dom sang glaong njauk khut tayah.

Dom urang roh duah di Australia ngak tabiak kong nghe tri tue nhan tao (AI) meda duah thau urang peih radaih mebuh alak atau peih radaih mbuan rah tabiak bala, salih ka jamraih dut iek nong ndo con yau dahlau diah. Dom urang roh duah sahaneng lac kong nghe ini meda peih tabiak jalan ngak birau, oh lih mek, daong duah thau urang peih radaih mebuh alak atau peih radaih mbuan gaok bala, meng nan ngak patrun bala angaok jalan mbak  kayua menyum alak mbia./.