Harei paguh, 15/3/2026, urang buh phieu dalam negar brei nao palih ruah urang ka Quoc hoi mbang ka XVI saong urang ka HĐ Bhap bini dom pakat tukvak thun 2026-2031. Ini lac danak dak chinh tri hu makna di taneh ia, raya praong di bangsa negar. Tal tukvak ini taong abih dom bhum palei jeng srap gap ka harei palih ruah.

Di dac khu Con Dao di Ban raya Ho Chi Minh, rah di dom jalan, hala dok Negar, mbang ron, panuac ndom hu ramik caga gheih mekre hu pambak makna di harei raya di taneh ia. Di dom labik buh phieu, majam pa-nô, áp-phích, labik ngak gheih mekre hu salah blaoh. Harak angan hu 7.883 urang buh phieu dalam bhum hu mbat taok ginup bak. Bhum palei jeng peih ngak jalan daong tuai damuai jirah rivang daok hu mbaok di Con Dao hu ngak quyen palih ruah tapa ung dung VneID. Jalan ngak ba tabiak lac brei kein lagaih abih piah urang buh phieu ngak quyen saong bruk di drei.

Labaih 2,7 trieu cu tri di tinh Lam Dong  daok cheih chrai uan raok harei palih ruah buh phieu. Xa Dak Mil, tinh Dak Nong dahlau diah, ralo lac urang bangsa takik, mikva daok sahaneng lac hala phieu brei payua tame nan dom hatai caong takre palih ruah hu dom urang  lambaok ndem tagok hatai caong khin di bhap bini. Yau nan ye, rilo urang cu tri eng drei duah thau cambaic laic harak ho so saong danak dak bruk ngak di urang hu palih ruah. Cử tri caong khin, dom urang lambaok brei ngak cambaic laic, rik tame dak padang  bhum palei cakrok patagok.

Bruk srap gap di dom labik buh harak phieu di Gia Lai anak meta hu salah blaoh. Rilo urang buh phieu caik tabiak rilo tukvak duah thau tani tanat ka dom urang ba drei tame palih ruah. Baoh sang sa-ai Siu Bách di palei Mơ Nú, xa Gào, hu mbaok tame ginup bak dom var taom gaok urang buh phieu di bhum palei, puac tani tanat ka khau tin, ilamo di dom urang lambaok. Tapa nan, palih ruah urang hu ilamo saong sangka tal bruk patagok di bhum urang bangsa takik.

Piah urang sup meta hu thau ka khaw tin palih ruah hu lagaih, birau  ini, UB MTTQ Viet Nam phuong Binh Thanh (TPHCM) peih bruk pathua khan ka harei palih ruah di labik  daok di rilo cu tri sup meta. Njauk ndem tal piah daong ka dom cu tri sup meta hu thau cambaic laic jang saong hu rilo tukvak piah pang, duah thau rilo jang ka dom urang hu ngan palih rauh, phuong Bình Thạnh gam pathau khan meng file pang, tapuk hu sap meyai, gam hu huroh akhar ndon.   

Meng akaok thun tal ini, dalam tinh Dong Nai gam gam rah atbiak dom mbang hajan karei bilan dui atah, ngak kan kandah trak tal phun pala, dalam nan hu phun pa-aok blait. Hajan mai njauk tukvak pa-aok blait daok croh bangu, tabiak baoh meda, nan rah tabiak bruk thu bangu, khiak bangu. Kuhria lac, bruk ngak hu di dom po bein patrun meng 30-50% dut haong tukvak ini thun dahlau. Dong Nai lac “labik pala rilo” pala pa-aok blait haong taneh praong abih dalam negar, labaih 170 ribau hecta.

Iran oh sahaneng kareik pabah eo tathik Hormuz, min Iran hu quyen khik caga salamat bruk pajeng ba praong di labik ini. Dalam panuac khan hu vak dahlau di nan, Dai su Iran  di LHQ kakei Iran brei iek praong bruk pajeng ba tui hatai di tathik  tui hukum dunya. Eo tathik  Hormuz  lac jalan pajeng ba hu makna praong abih di dunya, labaih 20% pajeng menyek di dunya nao tapa labik ini yaok harei.

Lien Hop Quoc brei thau hu labaih 4,1 trieu urang njauk panduan nao daok karei dalam dom negar Afghanistan, Iran, Lebanon saong Pakistan kuhria meng tuk srau kadau jaik ini di Trung Dong daok rah tabiak. Dom jabat ngak pahla di Lien Hop Quoc taong yaom lac Trung Dong lac sa dalam dom labik hu dom urang brei daong ngak pahla praong abih dalam negar.

Gah kapal ahaok Trung Dong daok tavak tame bruk klaik klaok biak trak kayua bruk mesruh metak di Iran saong Mỹ - Israel. Gah kapal ahaok Gulf Air atah klak 121 mbang par , ngak kan kandah tal bruk nao mai dalam bhum. Dom pasak pajeng ba meng ahaok  dalam bhum, dalam nan hu Dubai, Abu Dhabi saong Doha, takik ngak bruk. Rilo mbang ahaok brei padeih, dom mblang ahaok ngak bruk tapa prein  kayua yaok ribau tuai damuai daok gar tavak./.